最近...........影o左幾批相, 未post ~
最近...........去o左幾樹食野, 未post ~
最近...........去o左d function, 未post ~
最近...........冇o羊心機, 所以冇寫blog ~
最近...........心情比較煩 ~
最近...........剪o左接近5吋煩惱絲 (都仲過膊), 但仍然煩惱 ~
最近...........控制唔到自己成日亂諗野 ~
最近...........公司唔忙, 反而仲令我不斷亂諗野 ~
最近............聽到身邊既人都有 ~
最近...........好驚好驚好驚 ~
最近...........好擔心好擔心好擔心 ~
神啊..........請保守我吧 
呢個係整俾亞仔的生日糕呀：
由於亞仔成日話好like食B仔既紅豆糕同馬豆糕
於是今年就整o左呢個另類生日糕送俾佢
之前係餅神Vanlily 個blog到search到佢整忌廉椰汁紅豆糕既食譜 (按此)
請教佢一論之後, 佢仲好好借o左個模俾我用 (錫晒你啊
)
由於我係用Jusco$10店買既罐頭紅豆, 所以用糖既份量唔可以跟足食譜
不過我第一次試整, 個模"cup"錯位之餘, d糖既份量又跟足食譜, 所以個成品出來係樣衰哀兼甜得滯 (不過我都膽大包天咁拎o左俾 "我們這一家" 同Cindy試食 
)
到正式整俾亞仔, 我又怕太甜而只係落o左 1/3 糖既份量, 結果又淡得滯呢
不過..........好彩外型搭夠...........而且仲好滑tim ~~~
我深信下次用一半糖既份量係至理想, 哼!!
雖然呢個唔係一個o羊名貴既蛋糕
但做人簡單d, 知足d, 會開心d
可以同自己喜歡的人慶生是高興的 ~
可以為自己喜歡的人整野食是有福的 ~
我要時常懷著感恩的心, 活著便是精彩!
~~~~~~~~~~~~~~~~~~~~~~~~~~~~~
同場加映:
係冇生日禮物收既情況下, 今年亞仔只得我送既生日卡........同埋甜甜整既馬卡龍棄嬰 & CC 送俾我同亞仔食既 go go 力, 多謝你o地幫我撐場啊 
星期四跟 "我們這一家" 去探訪好耐冇見既靚花 Cindy
未放工已經收到圓圓既 55555555 追魂call 
其實當時我個心已經唔多想做野, 收到call仲唔拿拿聲閃o羊
今次既主題係: 銀樓金粉住家菜
圓圓同佢亞妹Diana整住家菜俾Cindy食呀
秀杏菇菇Babe就去九龍城金滿堂買甜品俾我o地食
而我...........作為菇菇Babe既新寵, 只需要食只唔屎做啊 (其實我都叫做洗過隻煱, 不過佢o地厭我慢, end up 連洗碗都唔屎我再洗, 只需要抺碗咋)
係旦開飯既時間, 先品嚐大少奶既得戚風蛋糕...............yo, 終於食到啦, 巧彈耶~
不過下次下次我真係巧想食彭丹呢
食完我想 "增高" 同 "興奮" 啊 ~
今餐住家菜有:
Diana既無頭東宮鹽水雞及無頭西宮蒸烏頭 : 噢..........好味啊, 原來隻雞係易整, 下次又可以整俾亞仔食啊 ~
p.s. 隻雞係靚花斬嫁, 叻叻!!
圓圓既蕃茄磨菇焗豬扒飯及蒜蓉炒白菜仔 : 個豬扒的確好鬆代啊, 個汁又好好味......好想好想圓圓本書快d出呀, 一定要買番本書跟住學呀!!!
仲有靚花鐘點姐姐煲既青紅蘿蔔湯: 呢個湯係我飛佛來嫁, 好好飲.....而且d湯渣好好食.............而且呢煲湯仲引發o左Diana同菇菇Babe關於青蘿蔔顏色同味道既話題呢
如果唔係第二日大佬請食飯, 我一定拎個lunch box 出來帶飯啊 ~~~
飯後大家圍埋一齊既睇電視又笑又吹水, 真係好family呢
果晚大少奶真係愈講愈 "興奮" 啊
跟住就食甜品..........同影影相 (呵呵呵, 貓眼小姐好得意啊)
大家食飽飽真係唔捨得走, 但又怕靚花玩得太攰啊.............
臨走前, 大家居然肯試食我個果變形心心紅豆糕...........大家圍住係門口食, 我實在太感動啦 
(其實我見大家咁飽, 自己整既糕又咁醜樣, 真係唔想再拎俾大家食, 估唔到.....)
落o左樓同 "我們這一家" 一切護送大少奶打的, 一路行一路傾..........大少奶仲想同小朋友玩tim 
呢晚我真係好溫暖好開心啊 ~
To 靚花 : 希望我o地果晚唔會打攪到你, 整到你太攰啦...........我希望下次我都可以整到個小菜俾你食啦, 本來想買 Mrs. Fields 俾你食, 不過記得你呢期唔食得多, 所以買來浪漫既喜瑪拉雅山粉紅鹽俾你, 希望你喜歡 ~
To 我們這一家 : yeah...........好開心成為菇菇Babe既新寵啊, 同你們這一家一齊真係好好好開心嫁, 下次下次記得帶埋我去 "打x" 啊, 只知會唔會愈打愈 "興奮" 呢
結伴創將來 多麼的美
你的路 我的途 再也不分己與彼
有浪有風來 不捨不棄 每一明天也贈你
未懂占卦 也不懂命理
卻可先知我們 同步註定了不起
若我不普通 變得堅毅無忌
幕後有一個最大原因：因為你
每望向將來 都找到你
我所夢 我所期 全部喝彩因你起
你是我將來 不捨不棄 我的明天創自你
沒仰天觀星 看星宿日記
無問金牛雙魚 前面有沒有驚喜
一早知 幾多風吹與飛
活著也很快樂 自尋到你
天佑我的愛人 給他永遠笑聲 並常對他偏愛
天佑我的愛人 有他不再覺得生命無奈 敢愛
未懂占卦 也不懂命理
卻可先知我們 同步註定了不起
若我不普通 變得堅毅無忌
並沒秘方這是純因你
天佑我的愛人 這日 明天 一世 把他寵愛
天佑我的愛人 有他不再覺得生命無奈 敢愛
你是我將來 不捨不棄
每一明天愛著你
********************************
祝亞仔你生日快樂, 身體健康, 日日都開開心心, 事事如意!
你知道嗎.........
你要繼續繼續錫我同關心我呀
唔好成日掛住同你d痳甩朋友玩而唔理我啊 ~
你要努力工作, 賺多d 
養我嫁
今年你唔會收到生日禮物, 因為我將d $$用o左你個名去救災
近日我國既不幸災難令我o地要知足
要更加珍惜大家啊 ~
