26個月成長紀錄

2012.12.29 (星期六)

又一個月了.....芝士餅26個月了 

今個月佢叻豬就係可以用到筷子夾餸食飯啦~

我之前買o左對hello mimi 筷子, 點知我呢隻豬媽買o左 "左" 手專同version 俾餅

搞到佢用唔到

而基本上我們都冇乜教佢點用, 可能佢特別喜歡佢家姐仔.............家姐仔同我們食過幾次飯, 芝士餅又話要用家姐Thomas筷子, 一用就成功了, e家佢好like用筷子夾食物食呢 (不過夾一陣可能攰佢就會轉返用匙)

另外佢呢個月講o野方面又好o左..............好多時都可以用一整句句子表達自己

又愛每時問...........咩聲呀?  去邊呀?  咩來嫁? 

噢...............有時佢問咩聲, 我自己都唔太知呢

愈來愈愛模仿大人, 另外好多o野又要自己拎自己做~

呢兩日仲愛用水樽飲水, 佢試過一兩次倒係自己個身到...........之後就handle得好好了 (仲自己開樽蓋自己擰返埋tim) ~

自己完o左d interview, 我個人又懶晒, 冇乜教餅

只時間唔中拎學校d書出來同佢讀o下

我實際太~~~~~~~~太~~~~~~~~懶啦, 點算

呢個2012年芝士餅由baby變為可以表達自己喜惡的小朋友, 進步令我超乎想像

而我呢個媽媽卻仲好似原地踏步貢...........工作上就愈來愈hea, 冇晒以前團火; 家庭上又唔見得有咩建樹; 朋友風花雪月又少o左...........好似咩到冇成績貢

希望2013年, 一個充滿挑戰o既一年, 我能夠事事盡力, 問心無愧, 開開心心, 快快樂樂, 人人身體健康~   

芝士餅的聖誕節2012

大家聖誕過得快樂嗎?

我雖然懶蟲入骨, finally 都帶o左芝士餅去o左丁丁地方...............

2012.12.25 (星期二)

呢日老公居然早起身同我們一齊去食早餐!!!!!

因為.................由佢細細個食到大o既老牌冰室係26號之後因租金上升而結業

所以.................老公就帶埋芝士餅去懷念一下

食完................我們一家3口回家又過!!!!!!!

起身就同老媽家姐姐飲茶

回家繼續同餅玩............屋企冇o野做都幫芝士餅化身為聖誕老人應下節啦

是晚老公下廚煎鵝肝同和牛.................可惜, 佢浪費了如此美好的食材

2012.12.26 (星期三)

呢日帶了芝士餅去樂富天神村影影相

老公一早話要帶餅去, 但起初我們以為已經完o左

上網check原來仲有, 所以就go go go

先去九龍城食牛肉餅..............噢, 永遠都貢juicy 同 yummy ~

去到樂富, 見到個蛇餅真的想pits, d staff 話要排一粒鐘!!!!!

之但係, 我們一場來到就是想去天神村, 如果即pits就即係乜都冇做過...............

結果我們就本著排住先o既心情, 萬一臭豬餅發爛就走

估唔到芝士餅肯排一粒鐘又冇扭計 (只是間唔中扭抱)

可能我們之前同佢講o左出去睇要排隊等同埋前面又有幾個哥哥姐姐排隊, 佢掛住望人分o左心啦

終於真的等了一粒鐘才可以入場 (因安排分批入場, 每節25分鐘............呢個安排都唔錯, 起碼人人影到相又唔太迫)

入到去就影影影啦

不過芝士餅可能之前等到吽o左, 所以影d相都冇乜表情了~

 

umm, 換轉以前, 我會覺呢d活動好冇謂, 幾間屋仔同d figures就要排餐飽

不過, 今時不同往日............如周圍去同芝士餅影多d相留念, 佢o地大得貢快, 我怕自己老來會唔記得呢d開心時刻呢~

Special X'mas Lesson @ Kidsquare

2012.12.16 (星期日)

呢日同芝士餅去上Kidsquare o既 Special X'mas Lesson

一個以聖誕節為主題o既pg

不過我自己就當帶芝士餅去x'mas party o既心情來

因為除了我們之外, 芝士餅o既10月朋友仔伯納同Wing Wing都出席啊~

其實芝士餅一直都有去開Kidsquare 上english pg

由於我們自己唔係成日同佢講英文, 所以都想搵d英文pg同佢上

試過幾間試堂又覺痳痳, 因為個小朋友走來走去個老師都冇出聲 (係, 我唔太like太free format的, 我想已經坐唔定o既芝士餅守d 規矩)

所以試完Miss Ho Ho 呢個我又幾like

除了一般pg學o既o野, Miss Ho Ho 會要求小朋友拎o野雙眼要望住對方say thanks you, 要雙手拎o野, clean up 要gentle (如果小朋友係拋入去, 佢會要求再來過), 想要o野要學會舉手, 等等.................呢d小規矩我反而好buy啊~

另外, 上完堂又會派工作紙/card同send email recap 上完果堂o既重點呢~

讀完一個session o既 Explorer 之後, 其實我想同芝士餅轉讀Miss Ho Ho o既 phonics class

可惜waiting 緊, 唯有繼續讀住Explorer先啦

講番個Special X'mas Lesson, 一上到去周圍已經好有聖誕氣氛呢

仲有d小朋友打扮成santa claus tim ~

一輪warm up 唱下聖誕歌仔之後, Miss Ho Ho 就介紹一下聖誕o既vocab, 又叫小朋友 decor 下間房

 

不過呢兩隻小鬼一見面又冇時停了

之後仲用紙碎製造下落雪o既環境, 呢part個個小朋友都好開心啊!

 

 

芝士餅不斷去雪人間屋仔到搵雪整snow ball tim ~~~~



之後大家又合力裝飾 x'mas tree

 

又整小手工: 聖誕老人同雪人

Miss Ho Ho Ho 叫我們寫上祝福語同小朋友一齊掛上聖誕樹

不過, 我家芝士餅呢期愛上塗鴉, 一拎筆就上晒身畫畫畫

上完堂, 約了伯納一家食個tea, 冇見伯納差不多兩個月啦

今次見面, 我們兩位媽媽就交流下佢o地兩隻小魔怪返o左學o既naughty樹啦

於是開開心心又過了一個星期天啦~