向新加坡出發 -- 預備篇

下星期就一家四口再加6299一齊去新加坡啦!!!!!

事緣我家工人姐姐放大假回鄉17日 (希望佢唔好一去不回頭啦)

而我當然要放假睇餅

貢多日, 一早已諗去旅行

 之前發現有o左b都1516諗去唔去旅行

不過.............我成3年冇坐飛機啦, 上次結完婚都未去honeymoon就有o左 (因工事delay了婚假, 點知上次個婚假變o左安胎)

芝士餅亦都未坐過

再唔去, 生完第二件之後都唔知又要等幾耐

所以around 20week 呢個honeymoon period 就 go go go ~

以往去旅行, 多數同家姐姐 / 朋友去, 有佢o地一齊我都唔水多諗行程

只要講想去邊, 佢o地就會諗行程

今次有老有嫩, 老公又靠唔到................唯有食自己

新加坡n年前跟團去過一日貢多

今次真係要做功課

終於要拎$$買本旅遊天書, 又上網search

發覺都好多親子景點可以去啊!

不過我粗身大細, 唔可以chur得太緊要 (而且仲有有老有嫩)

諗schedule都諗屎禾

any肥, 暫時都draft o左個行程, 尾二一日仲未plan好晒

但公司太忙了, 希望weekend時再好好諗下啦~

已經plano左同上網買o左Legoland, Universal Studio, Singapore Flyer, Duck Tour o既飛

都plan去Singapore Zoo, SEA Aquarium, 同Garden by the bay , 不過怕太chur所以未買飛住

希望呢6日5夜一家大細都玩得開開心心啦

yeah!!!!!!!

錦田鄉村俱樂部2013

話說去年餓底2月聚, 我們去了B媽介紹的錦田鄉村俱樂部摘士多啤梨

感覺非常良好, 係一樹唔錯O既親子地方

果陣已經同老公話要出年再去過摘士多啤梨

早排唔係芝士餅病, 就係我太攰唔想周圍去, 又或者呢呢路路...........

好彩, 琴日2013.03.17 (星期日) 終於的起心肝去啦!

可惜今年我們拖到水尾才去, 所以d士多啤梨大部份都係細細粒 (味道就尚可.........分別有$60/lb 同 $90/lb)

any肥, 我們旨在過程同埋帶芝士餅去郊外走走, 就算收成唔多都ok o既

今年再去, 芝士餅大個女好多啦.......

......e家仲識要求帶

好開心啊~~~~

粗身大細o既我主要負責睇同影相, Papa就負責陪玩啦 ~



舊年只是負責拎個籃周圍走, 今年識得自己剪士多啤梨了 ~

 

影得好少的全家幅

我們仲同埋叔仔一家去, 芝士餅一見家姐仔Ali妹就lum晒~

之後去睇小動物, 不過芝士餅驚驚只敢遠望而唔敢去餵

跟住去玩電動車($30/10分鐘).............原先想去玩另外一款親子動物車 (單人$40/一圈; 雙人/親子就$50/一圈), 點知芝士餅一見動物頭就拎晒頭

反而佢要求玩我們怕佢handle不了的自己揸o既電動車

一上車都仲有少少緊張



之後已經可以handle到~

yeah, 烈女戰車喔, 呵呵呵~

真的估唔到佢又好ok喎~

玩o左陣我們就去洗士多啤梨食同埋想食豆腐花 ($8/碗, 可惜已買晒), 唔知係唔係肚餓, d燒賣魚旦都幾ok ($10/7粒) ~

小叉之後又去大草地吹波波

around 4pm左右, 冇乜太陽又少o左好多人.........下次我們可以tune晏少少入來仲好bor ~

小朋友簡簡單單吹下波波周圍跑下已經好開心 ~

你快樂所以我快樂, 開開心心又過了一個星期天, yeah!!!!

 

去錦田鄉村俱樂部都幾方便呀

好多人都坐西鐡加打的 (~$20)

而泊車又有大量車位同免費泊車

更多資料可以去佢o地個website睇睇: http://www.yl.com.hk/ktcc/

產檢ssss @ 政府

好, 5555 整埋呢篇先~

同上胎一樣, 我政府私家兩邊睇

最終我係希望可以响政府順產

不過, 我都有俾訂私家買保險, in case 要開刀就返去私家

上胎我真係差d要去私家開刀 (回顧按此), 感恩芝士餅生生性性, 聽聽話話早o左d出世, 等我可以自己順產生佢出來

希望今胎我都可以按時順產啦~

話說第一次睇完曾醫生後佢幫我寫o左信

之後我打去政府想double check咩時間可以去登記

點知e家可以by fax, 填form連有關文件fax去就ok

冇耐就有姑娘contact我第一次去醫院啦, so good!

第一次去東區@2013.01.14 (星期一)

根據上次經驗, 知道今日只是見姑娘同抽血, 另外再睇下排期做oscar

今次冇o左d雙非, 等候時間真係快o左好多啊

粒半鐘左右已經做晒briefing, 見姑娘, 抽血同排期做oscar啦

yeah!!!!

第二次去東區@2013.01.30 (星期三)

上次冇係玫府做oscar

因為當時都要俾錢 (over 1 千), 俾多幾舊水, 我都出了私家做

今次全民皆free, 當然留係政府到做啦

今次唔係安排去L2婦產(即平時產檢果樹做)

而係去番D7 (即生B果邊) 去照呢..............唔通D機靚D?!

不過一等就等O左兩粒幾鐘先到我 (我見好多其他睇婦科o既人都係機等照超聲波)

首先係一位護士照, 佢冇同我講O野, 不過我見個大電視show出來個頸皮數字係0.1xx cm

出去坐一陣, 又見位醫生

佢又再幫我照, 呢位女醫生好nice, 仲part part指住同我講

不過我問性別佢就話睇唔到

之後再等抽血, 今次差不多成三粒幾鐘先搞掂

第三次去東區@2013.02.15 (星期五)

今次終於見醫生啦

一如以往, 做下簡單o既檢查, 聽下bb心跳, 問幾句就pits得

醫生告知上次oscar test 合格呀, yeah!

不過, 佢話我驗血報告指我d德國痳疹抗體唔夠

e家冇方法, 唯有要小心, 唔好接觸到德國痳疹o既病人

(提外話, 我同老公結婚前做檢查已check到, 之後都去家計會補o左針, 幾個月後就有了芝士餅.........乜d針o既效能得貢短時間嫁咋 )
 
另外醫生話我年紀大, even 驗小便叫ok, 佢還是叫我提早飲糖水穩陣d喎..................之但係, around 7 個月之時都要飲多次, sigh~

跟住幫我book期照結構, 可惜佢o地安排o既日子正正係我去旅行之時

可惜醫院話唔可以改日子, 來唔到就要自己去私家照, 之後provide report俾佢o地
 
哼, 害我無啦啦要洗多千幾蚊

第四次去東區@2013.03.08 (星期五)

晨早來到...................

再度重遇你...............

可喜也可悲..............

唔知點解上次feel ok, 今次反而飲得辛苦o左 (可能我年紀大同食少o左甜o野?!)

我見有媽媽唔水2分鐘飲晒

我見姑娘話5-10分鐘內完成, 所以我慢慢飯, 差不多成7分鐘先KO晒成杯

飲完仲有d頂..............感恩冇嘔咋~

so far, 仲未收到call, 希望都合格啦~

今次我好唔乖, 成日口淡淡想作嘔(感恩冇嘔過)就食糖, 食老麥 

繼續希望上天好好保守我同細b係整個孕期都平平安安, 健健康康, 開開心心!!

產檢ssss @ 私家

追追追, 又來追post先

原先想好似上次貢每次產檢都出一個post做紀錄

之但係, 今日踏入18週, 已經睇o左6次私家醫生!

作為懶精o既我都係一次過出番就算, at least 可以追番個進度先 

我今次都係睇曾醫生啊, 而且仲join佢個package ($9,800 全個孕期任睇包藥, 不過唔包oscar同照結構)

原先stable o左之後理應一個月睇一次, 之但係我呢d C9就變成3個星期左右一次 (target 回本ma, 爆!!!!)

好, 來個quick review啦 ~

第1次產檢@2012.12.11 (星期二)

當發現bingo之後, 我立即打電話去曾醫生book 期

上次幫朋友問都知道唔係即時有得睇, around 個幾星期先有得見 (可能係龍年效應)

點知我今次打去, 第二日就有...........any肥, 我當然照去想再confirm一下同埋希望醫生幫我照下係唔係宮外孕ma (災難小姐當然又來驚驚驚啦)

去到居然唔水陰照, 用肚照都照到呀

粒點點已經係成個胎囊啦!

不過太細未聽到心跳啦, 感恩so far so good!

睇完個心定d, 而醫生都寫o左紙俾我for東區醫院登記 (另外都book定私家醫院)

yeah..............我再次成為媽媽啦~

第2次產檢@2012.12.19 (星期三)

一個失驚冇神的產險................因為我之前一日去wee wee 時發現有d流啡貢

經過上次經驗, 雖然唔係叫好驚, 不過都立時打電話搵曾醫生

原先full booking, 不過姑娘聽到我流啡, 都叫我第二日攝位睇

返到屋企就bed rest, 第二朝已唔見流啡

之後照o左............曾醫生又唔覺有流血現象, 不過都寫o左7日假叫我bed rest (不過我end up 只take了3日)

今次聽到心跳啦, 而且醫生仲將我o既EDD由8月20日改為8月14日 (因我都唔可以100% sure 自己o既LMD)

第3次產檢@2013.01.07 (星期一)

隔O左兩個星期又產檢了

感恩上次流O左一次啡之後就冇再出現

所以今次見醫生感覺舒服好多, 而且已經開始成形啦

生命真的好奇妙!

今次再照, 醫生更加confirm我的EDD呢~

第4次產檢@2013.02.01 (星期五)

呢日芝士餅學校唔水返學

所以我帶埋佢一齊去產檢

之前已經brief o左佢媽咪個肚有bb, 要去見醫生, 睇bb, 聽心跳

估唔到入到去芝士餅乖乖坐定定陪睇

之後返去問佢, 媽咪睇醫生點嫁?!  芝士餅會答: 聽到pok pok pok

再過一排, 佢拎個撙係婆婆個肚到碌來碌去玩, 話照下先, pok pok pok

好cute呀, 希望成為家姐姐之後, 芝士餅更懂得錫妹妹/弟弟~

第5次產檢@2013.02.09 (星期六)

又一個失驚冇神的產險................

唔知點解, 今胎成日都充滿災難小姐feel

間唔中就驚個肚入面冇心跳 (特別係呢段preiod feel 唔到胎動)

但係呢兩日感覺特別強, 我又開始蛇"wear"起來

同埋之前平訓感覺到個肚好似有d郁郁下

呢兩日乜feel都冇, 加上農曆年將至, 我好怕自己日日擔心到過唔到年

於是又去攝位等, end up 等o左兩個幾鐘先見到醫生

雖然如此, 但換來個安心, 可以令我安安落落過新年ma

而醫生當然話我諗多o左啦, 因為我o既週數冇可能會胎動囉

今次呀B夾晒腳, 所以仲未可以confirm性別呀~

第6次產檢@2013.02.27 (星期三)

跟返原先的schedule去見曾醫生 (我冇因為上次失驚冇神見醫生而defer日子)

因為我都心急想知呀B性別呀........知道就可以開始問人攞衫同買衫 (我至愛買夾衣)

今次見到啦...........不過我想照完結構double confirm才公開

e家開始, d 超聲波相又再次一part part貢show 出來

有時得個圈貢都唔知係乜  x

any肥, 至緊要都係所有o野on track 同健健康康就好了!!!!

今次第二胎, 老公一次都冇陪到..............

因為我專揀lunch time睇, 人少d, 通常within一粒鐘搞掂 (但揀星期六要兩三粒鐘, 加上又要搵人睇餅), 所以我都冇怪佢

反而我好like e家lunch time 睇, 睇完去澳洲牛奶公司食個tea set, 行一陣護協之後仲可以趕到返去香港果邊接餅放學呢

yeah!!!!

學車記

話說我12月考完筆試, 路試排了今年4月中考

果陣仲未知自己有o左

發現之後都諗過考定唔考

4月考, 即around 2月尾3月去學, 即係around 4個月左右, 我諗開始踏入honeymoon期, 應該都可以handle到吧~

而且.............

我都估自己一次未必pass, 再defer唔考, 我怕我團火唔知幾時再burn番

決定照學考o左次先算

教我的師傅係位伯伯, 都幾nice, 唔惡............係長氣d d

個半鐘一堂計, 我可以上12堂

師傅伯伯話應該ok, 可以唔水補鐘

唔係化, 得12堂我估計自己d信心未必夠, 想補多三四堂呢~

二月尾上第一堂, 原先只教斜路開車 (我們去寶馬山道上面近樹仁學院果邊學)

佢話我pick up 得ok, 所以仲學埋窄路掉頭同泊位

其實唔係師傅伯伯坐側邊remind我做乜, 我都會唔記得d steps

學o左3堂之後, 琴日第四堂出銅鑼灣揸路面 (近大球場果邊)

好好玩啊...........不過仍然好多points to note都唔記得

好多時隻腳用力得濟, 成日加快油門, 俾師傅伯伯remind要keep住廿幾km好了

any肥, 我覺得揸車真的好費神, 好多位(車的前後左右)都要注意, 唔可以大意呢!!!!!

但係我一向大慒, 好怕handle不了呢 ~

hehe, 我想信, 我就算考到車牌, 我都只會為小朋友要去的地方而揸, 平時還做做的神好了~

28個月成長紀錄

2013年3月1日 (星期五)

二月份冇29日, 所以呢日就當28個月吧!

umm, 今個月好像冇乜好大的發展 (或者我呢個媽媽太懶太hea了 )

..........



呀, 開始返o左Letterland幾堂, 學o左a-e的發音.............間唔中係屋企問番芝士餅, 佢都答到, 不過就冇乜意慾trace the letter ~

為o左來緊的新加坡之旅, 我終於的起心肝試下同餅用花灑沖涼洗頭 (因之前天氣凍又怕冷親佢)

好彩佢都好like呢, 貢去旅行時就易handle d 啦~

不過叫佢用杯 + 飲管飲奶就仍然唔like..............飲兩下就唔飲, 用番奶樽就唔洗5分鐘KO晒

貢來緊出tirp我咪仲要帶奶樽, 煩



下學期開始, 老師都幫手一齊戒片片了, 希望有成效啦 (但都係學校賴o左兩次)



其實芝士餅一歲多d就識講痾poo poo, 講o左坐大人馬桶都去到 (佢4/5個月開始就冇係片片痾poo)

係wee wee呢就未可以成功

好奇怪, 芝士餅如果佢肯講痾wee wee就又係一定去到 (至愛臨訓前關晒燈又講痾wee)

每半個鐘帶佢去又去到..........但有時過o左鐘唔記得去, 佢就會賴o左先同我o地講weeo左

sigh...........希望佢可以係K1前成功戒到啦~

另外, 已不斷同佢講媽媽肚入面有bb, 叫佢要好似照顧小豆豆 (佢的玩具baby) 一樣貢take care

芝士餅e家日日都會kiss kiss 同呵呵我個肚, 又會拎個樽話同bb餵奶奶

希望遲d細b出世後, 芝士餅真的可以愛鍚bb啦~

好開心見到成日笑笑笑的芝士餅, 佢真是我們的開心果

好希望她能繼續保持開朗的心境, 將歡樂傳染俾身邊所有人, 也希望細b都係一位開心bb

大家都健健康康, 開開心心, 我就老懷安慰了!