2014年8月25日 星期一

3小虎@We嘩!充氣嘉年華

2014.08.24 (星期日)

上星期剛預告芝士餅同豬仔包會參加We嘩!充氣嘉年華@數碼港商場 - Summer Fiesta! 夏日大作戰! (按此)

貢啱同芝士餅既10月朋友仔chat開, 大家又有興趣, 於是一齊go go go

多d人玩的確多fun好多 ~

我們11am鬆d到, 唔太多人, feel so good ~



入場睇定玩咩game買幾多coupon


3小虎第一時間先揀馬仔騎
    
仿真騎乘馬匹」動物造型趣緻精美,外型設計仿真度極高

興奮等玩的芝士餅


悶包 ~_~


呢個遊戲小朋友可練習肢體協調, 由於仿真馬匹是依照人體力學設計及推動, 控制容易同可以安排家長入場睇住, 所以都安全, 而且差不多個個入場小朋友都有玩, 好受歡迎呢 ~

其實呢度有適合大人及小朋友策騎的仿真馬匹, 父母亦可一同享受親子樂

不過有朋友仔陪, 芝士餅就唔水我們啦 ~


豬仔包有得睇冇得玩, 唯有俾媽媽迫影相 


之後, 他們便去玩「We !造型流沙 

造型流沙無致敏源, 不含麥麩 (Gluten) 、抗菌、抗水、易清洗、不污染衣物等 

所以可以安心俾小朋友拿揑時有流沙般的獨特手感,又絕不容易散開


玩完沙, 小虎們又去玩彈床啦

由於時間尚早, 成個area佢o地包場jump jump jump

仲尖叫, 真的好hyper ~


之後另外兩隻小虎就玩全港獨家的自動開合口充氣滑梯We!大鯨魚」

芝士餅呢...........陪朋友仔排隊但就屎都唔玩 @_@



這個首創自動開合口功能的巨型滑梯,由意大利進口其物料及機械裝置均經歐盟認可要求及認証

大鯨魚兼備彈床及滑梯功能,分彈床、攀爬及滑梯3個活動區一 攀爬區設於鯨魚口部,每10秒自動開合口技術是由強力風機推動,於大鯨魚開口的20秒時間內,小朋友就需要限時攀爬至口中,過後將把小孩鯨吞,並魚貫地從口內高處滑下魚尾

呢個game, 每個活動區可充分啟動身體每組肌肉,兩隻小虎玩得hyper到不得了, 而且玩o既時間相對其他game耐, 真的唔明點解芝士餅次次都唔玩 >_<


玩完大鯨魚, 3小虎繼續去 「 We!抓抓樂」放電



呢個game今次又係佢o地包場 (每次只限4個小朋友)

一吹氣d 波波周圍飛, 原意是考驗小朋友的反應,鍛鍊手眼協調及空間感, 但反而今次是鍛鍊了小虎們的肺容量.........不是聽見他們又跳又叫又笑 ~



可憐包包仍舊有得睇冇得玩 :p


連續玩o左d貢hyper 既活動, 係時候做d靜態活動啦

呢個DIY corner有唔同手工套裝 (e.g. 砌屋仔, 燈籠, 相架, 眼鏡)俾小朋友做下勞作..............我可以休息下 ^.^

感恩今次芝士餅揀o左個佢自己都handle到的毛毛蟲tray


Yeah, done ~


同場仲有唔同攤位, 好似整tattoo


有考眼界既game



之後大家去o左附近食店lunch休息下

飯後我們同另外兩小虎say goodbye後就上埋4/F的數碼廣場睇下

呢樹露天有3個充氣game

芝士餅玩呢個充氣滑梯玩o左3次 @_@

Hyper到不得了............但媽媽我就燒焦了 ~


之後仲要再吹bubbles


所以見到排長龍的「We!水上飄」



雖則芝士餅話好有興趣玩, 但我同芝士餅Papa為免大家再暴曬就異口同聲話用眼睛參與 :)

呢個 「We!水上飄」可以水上Run & Jump

參加者除可在大型充氣水池內,享受自由自在的樂趣外,仲可以於水上步行時可訓練平衡力,學習肢體協調及與合作精神


其實呢個game可以讓家長及小朋友兩人一同參與,最適合一家大小............之不過, 我們同包包都好攰呢 :p

希望下次冇貢熱同曬時我們再玩過 ~


係呢個露天area最好玩應該係芝士餅身後的BIG BALLER



呢個係全港首個大型充氣障礙賽遊戲   

由美國首度引入的Big Baller,是全世界最大型障礙賽的真人遊戲節目《橫「沖」直撞》的主題皇牌充氣遊戲 (Hero Product)。此節目自美國ABC電視台08年播出以來,吸引無數觀眾收看,明珠台更重金購入成為每周的重點電視節目,亦促使Big Baller 的知名度大增。

Big Baller 上的4個大型紅色充氣障礙球,其獨特設計成為了此遊戲的焦點及標誌。物料構造兼具有驚人的回彈力,參加者不受任何規範,可跳躍及跨越每一個障礙球至到達終點 

大家唔好以為果4個障礙球可輕易達標,參加者絕對需要拿出無比膽量、平衡力、速度及智慧,才能夠征服此巨形障礙物。

Big Baller 的的另一大特色是大小中青的朋友也可參與挑戰,一旦挑戰失敗從彈力破跌下也能安全承托,而大會今次更邀請中國香港體適能總會為此遊戲度身編制安全及遊戲指引,務求令所有參加者能夠於一個安全的情況及環境下,充分享受「衝」直撞的樂趣.......

不過, 對芝士餅來講, 個game就唔太適合, 我估around 6-7歲小朋友就可以參與挑戰, 所以我們都只係睇o左別人玩就算 :)

放晒電的確易訓, 玩完一上車, 兩位小朋友唔水9秒9就訓晒..........

如果天氣冇貢熱, 係戶外玩充氣彈床, 氣氛同感覺都好好, 期待秋涼再We嘩過 ^_^

來緊下次We嘩!充氣嘉年華都係玩戶外啊 ~

仲要玩懷舊feel 去愉景灣 tim, 正啊 ~


主題 :             We!懷舊嘉年華@愉景灣 Carnival 70s
日期 :            9 6日及7 (星期六及日)
地址 :            愉景灣愉景廣場 Discovery Bay DB Plaza
時間 :            上午11時至晚上630
票價:           HK$10 HK$80

2014年8月22日 星期五

試用報告: 玩具“反”斗城「開學用品大優惠」

上回講到芝士餅收到玩具“反”斗城送給她的開學用品 (按此)

今日就等我來個試用報告先 ^_<

好, 首先講講芝士餅9秒9揹上身出街用的迪士尼Frozen 13吋背包


























對芝士餅來講, 個size上身感覺好像大了丁點

但對我呢個懶媽媽來講又會話好啱身

所有關於芝士餅出街的東東都可以擺晒入去叫餅揹 :p

芝士餅一般出成日街會帶: 外套, 雨衣, 濕紙巾, 紙巾, 水樽, 食具, 餅乾盒, 黑超, 口罩, 防晒cream (sample size), 潤唇膏同埋紙筆畫簿仔stickers

..........有時如果貪靚用奶咀b果個 backpack就唔夠位

e家呢個擺晒都仲有位淨, in case 媽媽有野要擺都仲可以幫手 :)

加上Frozen今期流行, 芝士餅好like用呀 ^_^

之於呢個Frozen16吋手拉書包






暫時真的未拖出街用.................

來緊如果芝士餅出trip或者去婆婆家sleep over

呢個手拉書包一定係不二之選

因為容量夠, 絕對可以擺晒餅d用品

我同芝士餅都好期待可以5555用呢個手拉書包啊!!!  (即係有trip去.....yeah)

另外, 呢個Doh Vinci華麗梳妝台設計套裝


可以俾過度活躍餅在家冷靜一陣

原來Doh Vinci都係Play-Doh (培樂多)公司出品, 叫做藝術泥膠

小朋友只需瞄準、擠壓、設計就可以創作立體藝術品



梳妝台設計套裝就已經包括4支裝藝術泥膠, 泥膠擠花器和壓模小工具, 梳妝台同圖案紙板


由於套裝已經包圖案紙板, 只要跟圖案紙板擠壓出圓點、條紋、花紋及圖案就可以砌成華麗梳妝台 



其實呢款輕軟的培樂多DohVinci多紛奇藝術泥膠,可以在不同質料如木、硬紙、塑膠等的平面上,擠壓出多樣化圖案,從以創作成獨一無異的立體藝術作品

不過, 我家芝士餅仲細, 如果可以跟到套裝既指定圖案已經好好

初初用個泥膠擠花器對佢來講已經有難度, 而且仲都要幾用力下才可以擠出來






藝術泥膠擠到一半左右就易d control

所以我好大部份時間都要捉住芝士餅手

但我自己都愈玩愈開心, 相信5~6歲小朋友會掌握得好d

any肥, 雖然要捉住芝士餅手擠, 但我都好享受呢個幾鐘的親子時光啊 ~



最後, 呢隻Vtech輕觸式21智能相機學習手錶又係芝士餅今期的心頭好



呢隻錶唔叫好貴 ($3xx), 但原來已經係多功能輕觸式屏幕




報時、計時器、倒數計時,可以讓小朋友學習時間概念

而相機、攝錄機、錄音功能,就可以隨時隨地記錄所見所聞

手錶仲內置了三個小遊戲 (找錯處, 搵相同),仲有過百款遊戲可於網上下載

對於芝士餅, 佢至like就係相機同錄音功能




佢成日錄音話send voice msg 俾婆

相機功能仲可以有d frame 整靚將相



由於內置USB插口,可將檔案儲存至電腦

呢隻手鏤o既功能真的好吸引, 亦都真係幾好玩

所以芝士餅真的想愛不釋手...........



但媽媽我都怕她變低頭族

所以立時control她的用量, 只有好乖時才可以在家玩

出街要視在乎情況才可以帶 

好像尊制了點............但亦都可以令她更珍惜份禮物

來緊我會利用它的報時功能set alarm 提佢起身返學

因為好怕芝士餅放o左呢個漫長暑假後唔太肯早起身

唯有用呢隻多功能手錶引引佢啦 :p


最後再remind大家 : 

玩具“反”斗城「星卡」會員凡於玩具斗城及寶寶斗城專門店購物滿$350,即可獲贈$40玩具現金劵,消費滿$600或以上,更可獲取$80 玩具現金劵優惠做到91日咋 ~


更多開學用品大優惠」推廣資訊:

瀏覽網頁: www.toysrus.com.hk



BTW, 快d Like o左芝士餅同豬仔包 fb 專頁啦 ^_^


2014年8月20日 星期三

We嘩!充氣嘉年華@數碼港商場 - Summer Fiesta! 夏日大作戰!

yeah! 暑假就來完啦............係開學前一定要好好同芝士餅玩多幾玩

剛好收到We嘩!充氣嘉年華o既邀請, 來緊芝士餅同豬仔包會去「We嘩!充氣嘉年華@數碼港商場 - Summer Fiesta! 夏日大作戰!」玩啊~



記得上次去芝士餅玩得好開心 (按此) , 對「恐龍遊樂園 」 「 We!抓抓樂超有興趣

今次芝士餅除了可以玩鍛鍊手眼協調及空間感o既「 We!抓抓樂之外



仲有我要做騎師」



而今次We嘩!充氣嘉年華仲會有室外地方玩啊

呢個We!大鯨魚自動開合口充氣滑梯, 係室外玩應該好



同埋, 我好有興趣玩呢個We嘩!水上飄......... 希望可以享受親子同樂的水上飄卷



另外, 仲有全港首個大型充氣障礙賽遊戲, 美國《橫「沖」直撞》旋風  「BIG BALLER

聞風呢個BIG BALLER適合大小中青人前來挑戰 ~

除o左以上遊戲, 另外其他攤位

而且數碼港附近又有大草地, 可以同兩隻小鬼放電放電再放電 ~

Yo, 真的未去玩先興奮 ~

如果大家有時間, 不況趁暑假前去數碼港商場玩餐飽 ^_^

有關資料:

日期: 82225 (星期五、六、日及一)

時間: 11am - 7pm

地點: 數碼港商場全天侯廣場及數碼廣場 

其他活動詳情可參閱http://www.facebook.com/WeWaLand

大會網站: http://www.wewaland.com/summer-fiesta-2014


關連文章:

芝士餅@We嘩!充氣嘉年華