2017年4月1日 星期六

修身密碼

減肥瘦身, 係女性的持久戰......相信大家身邊的女性朋友總有嚷著要減肥 ! 我都係呀......


之不過, 自從愛上自然療法, 我已經遠離左減肥藥同減肥膏, 就算有產品免費試用也reject了, 因為怕那些人工合成的東西!


咁除了運動, 究竟坊間有冇天然既減肥方法呢?


原來都有喎!!!!!!


我早陣子就參加了修身堂一連5日既《修身密碼》療程


等我係到同大家分享一下我呢5日療程



 

1

上到去,  環境好乾淨舒適 (even 洗手間入面都既乾淨又設備齊全), 仲有獨立consulting area, 絕對啱媽媽們好好咁放鬆自己!


我第一日去, 治療師便先安排我去獨立房間量度下體重同度不同 「圍數」, 度完真的冇眼睇


之後治療師便安排我去做大概20分鐘的穴位療法, 主要利用呼吸法同埋按穴位去刺激身體, 加強新陳代謝 / 循環系統


除了穴位療法, 治療師亦叫我呢一連5日都要配合清淡飲食, 不吃肉和澱粉質, 只吃菜和生果


菜建議吃菜芯同芥蘭, 生果就建議吃蘋果, 雪梨同菠蘿


原本聽完也覺得幾crazy 同會肚餓, 但由於治療師幫我做了瘦身穴位療法, 有助封胃, 所以做treatment果幾日又的確唔肚餓

 

第二、三日

修身堂安排了我見中醫師同營養師

其實整個修身密碼療程係為期30日, 除了穴位療法或者焗熱毯, full course 仲會有中醫師同營養師持續跟進, 而清淡飲食法亦只是頭5日實行, 之後營養師就會按血型為客人度身訂做飲食餐單,中醫師就採取望聞問切的方法, 先了解, 後再用中藥調理 + 瘦身

  

第四日

今日除了穴位療法, 我被安排做了淋巴療程


作為骨精的我, 一句講晒: 好舒服啊!!!!

 

第五日

放工後就上去修身堂, 她們先安排了焗熱毯消脂排毒護理


大概就是利用熱毯去加速身陳代謝同循環系統, 同一時間可以消脂 & 排毒


做到一半時開始不斷排汗, 而且也都幾熱同焗, 不過一心想可以消脂 & 排毒, 當然就可以頂埋下來啦


之後治療師安排了我沖身, 沐浴室亦好乾淨, 要用既野 (如shampoo, bath gel, toner, cream等等) 都好齊全

沐浴更衣後就繼續瘦身穴位療法

完成後治療師就來同我再量度體重同度 「圍數」


短短5日已經落磅, 而且「圍數」(特別係pat pat) 減了呢 !!!!


總的來說,  我覺得一連5日的《修身密碼》療程非常唔錯


整個療程不用食什麼減肥丸, 採取相對自然的療法, 只是做主力做穴位療法, 而飲食療法亦唔辛苦, 也飽肚...........而且之後也有註冊中醫師同營養師跟進. 咁都好放心

 

「修身密碼」療程體驗一下 ( http://goo.gl/t1fCSQ ) 

 

@修身堂 Sau San Tong Official

2017年2月17日 星期五

女人唔補好易老之王朝滴雞精

早排在FB 見到有朋友在台灣掃了一批王朝滴雞精


其他朋友紛紛向她祝賀她又有O

佢話佢唔係有O只係想同老公一齊進下補

於是我又去八下王朝滴雞精係乜東東

FB 有王朝滴雞精o既專頁便like來睇下


原來王朝滴雞精是用溫體老母取整隻雞的精華而調既營養補充

一包細細包65ml 滴雞精就相等於一隻老母雞精華

它低熱量高蛋白質零脂肪低納量所以適合成長孩童孕期媽咪年長人士熬夜上班族產後和手術後進補

上網上見到它的滴釀過程同大家分享一下我就係睇完呢個過程對王朝滴雞精好有興趣












加上見王朝滴雞精亦擁有多個品質認証同埋我自己一向愛飲雞湯所以就心思思試下

上網已經可以place order, 2pm前落第二日速遞送上門好方便我呢d雙職媽媽呀

送來時仲要係急凍包裝所以未飲住就要keep係冰格 (因為冇防腐劑)

食時唔洗解凍用半煲滾水將整包滴雞精(連袋)坐熱3分鐘左右再剪一小角倒入碗
好方便呢!


價錢由$380 - $450/盒 (每盒10包,每包65ml)

我飲呢款係原味其實仲有5包括美麗四物靈芝百合冬蟲夏草養氣人蔘綜合.....即係加o左唔同既藥材

<靈芝百合>既味道好好飲呀充滿雞味之餘又唔會太濃, yum yum  ~

我建議早上空肚飲易吸收唔好夜晚飲太補訓唔到

另外女士們M到的話除了<原味>, 其他款有藥材太補就唔好飲住啦 (有病都唔好飲住)

Eorder 2盒仲免費送貨除了上網order, 「盞記燕窩專門店」有售早幾日屋企附近果間仲有試飲呢

仲有呀佢哋會喺24-26/2 BB展添到時肯定會有好多購物優惠!

各位媽媽想補的話就可以去以下地方睇下:
產品資料及訂購http://www.wangchao.com.hk/

2016年9月8日 星期四

小車迷歷險@黃金海岸商場 試玩會

YO.........由衷多謝 We充氣嘉年華的一直對芝士餅同豬仔包的痛愛和邀請 ^.^

好開心呀...........來緊中秋節可以帶芝士餅同豬仔包去屯門黃金海岸商場玩We充氣嘉年華
                 

作為「We充氣嘉年華」的長期粉絲, 芝士餅一直同朋友仔去都玩得好開心 :)

而今次主題係"小車迷歷險"...........簡直係我家豬仔包的至愛呢!!!!
加上佢已經3歲仔, 今次應該夠高玩埋一份啦!
上網見到呢個從美國引入全港獨家的10米高的「極速方程式」充氣滑梯


只睇樣都已經覺好正, 佢O地玩時應該更加We嘩鬼叫, 哈!

另外呢個電力推動的兒童賽艇,唔知同以往果d有乜唔同呢?!


兩位主子一個小一, 另一個K1, 兩位也剛轉新學習環境; 媽媽既要同他們一起適應, 自己呢排又比較忙.......所以都好希望利用來緊的long weekend 同他們一起感受一下當車手的快感,盡情放任放電,玩過痛快 :p

大家也可以考慮去黃金海岸玩玩啊~

活動詳情:
主辦單位 We嘩!充氣嘉年華
主題  : 小車迷歷險@黃金海岸商場
日期 2016年9月10-11日及9月15-18日
地址  黃金海岸商場 (香港黃金海岸青山公路1號)
時間  上午11時至下午7時
票價 套票$130 (任選$50遊戲共3個 + $10遊戲共1個),
            另設$10及$50遊戲券
更多資料:  http://www.wewaland.comhttp://www.facebook.com/wewaland



2016年8月19日 星期五

豬仔包第一次看3D@魯賓遜漂流記

我家芝士餅同豬仔包相對其他朋友來說好遲才入戲院看戲.........

先講芝士餅, 雖然她由細也過度活躍, 但份人好細膽下

之前一同佢去博物館或者黑黑地既地方都喊晒口

好似成3歲幾4歲才看戲.........但勁冇耐性..........成日問完未完未完未

之後停了一排, 找佢的好友一起看, 在零食之下, 套戲過了一半才問完未?!

直到今個暑假, 佢終於開竅, 睇Dory終於可以睇成套戲, 明白戲情同冇零食之下都冇再問完未 :p

今次同細佬包一起去element 到睇魯賓遜漂流記好開心呀!

Image result for 3d 魯賓遜漂流記\

起初睇個劇名以為好悶, 但原來唔係.............

加上有熟悉既人聲演

由動物角度出發講一個人流落荒島,跟大自然共處才能求生,輕鬆惹笑

連我呢個大人也睇得好開心呢~


2016年8月12日 星期五

真。愉快的三年幼稚園生活

暑假都就快完結.............

可是我仍然掛念著芝士餅的幼稚園生活




因為芝士餅這三年過了一個 《真。愉快的三年幼稚園生活》

我亦都以此為題目將文章交了校刊, 係芝士餅最後收到的一份幼稚園校刊內刊登

為她的幼稚園生活劃了完美句號 ^.^

在此分享一下又可以呃篇post啦,太耐冇出blog ma 😂😂😂😂

*************************

常言道, 快樂的時光過得特別快, 此說話絕對正確!

電光火石間, 芝士餅快幼稚園畢業, 要離開渡過了三年開心愉快的xx幼稚園, 成為小學生!

記得還未入xx幼稚園前, 我們不斷考慮究竟讓芝士餅入讀x幼還是中西區另一所頗具名氣的幼稚園;經過多月的決定, 我們最後決定以培育小朋友「學會學習」的態度及能力和重品德的一所幼稚園, 而且回想當日芝士餅面試時在校園開心的樣子, 相必她是會喜愛這片地方……..
結果, 由衷感恩上天給我們力量作出這個正確的決定, 今天我們深深體會到芝士餅過了《真。愉快》的三年XX幼稚園生活。

由初初不懂和我們分享學校生活, 到現在每天放學也興奮地訴說著學校發生的開心事, 每次不同主題的活動教學, 芝士餅也會興奮地和我們分享, 或是展示出她親手做的手工勞作, 這些點滴, 令我們不得不記錄下來。

在這三年間, 我們參加過不少家校活動, 也協力過不少家長義工的工作, 每次回到學校, 看見一張張快樂同學笑臉, 他們又很有禮貌地稱呼我們做:「xx媽媽、xx爸爸」, 深深感受到所有XX小朋友既有禮又熱愛這所學校啊!

還記得低班那年芝士餅要做一個緊急的開腦手術, 同學們的慰問、心意卡和探訪, 老師們和校長對我們家的祝福, 這一切一切, 真的令我們永遠不會忘記這所充滿愛的學校!

所有高班的同學們快將各散東西, 升上不同的小學, 在此希望大家仍舊保持著「XXX校訓」為左右銘踏上人生另一階段;同時亦希望大家每年也參加學校統籌的《校園重聚日》(即每年X月份第X個星期日), 好讓大家繼續保持聯絡喔!

*************************

係度又分享一下芝士餅著畢業袍的校園相:







睇到眼濕濕的畢業表演:



我有份搞。。。開了成年會嘅畢業聚餐 (家長代表自發搞的):






嗚,就快變小學雞啦 🙈

2016年8月10日 星期三

Disney Tsum Tsum Walk N’ Roll Festival @又一城

暑假係小朋友周圍放電既時候.........

之不過...............今年唔係超熱就係成日落雨..........雖然同小朋友去outing係好...............

之但係, 有時候留係室內都有好多野玩............大量outing 還是留係秋涼才開始吧 :p

而好多商場係今個summer也有好多活動啱小朋友玩, 較早前我就帶了芝士餅同豬仔包去又一城參加了Disney Tsum Tsum Walk N’ Roll Festival」預覽活動 ^.^

因為芝士餅同豬仔包都好喜歡Tsum Tsum, 所以一收到邀請, 放工也立即帶兩位小鬼去又一城

一去到見到全球最高7米的Disney Tsum Tsum大型鐘樓裝置及故事場景就嘩嘩聲


原來佢注入富動感的機動元素, 可以轉來轉去 (不過我們預覽時D機動野停o左)




呢到絕對係十分正的影相位呀.....d Disney Tsum Tsum角色真的活潑可愛呢~




之後我們就過去隔壁的pop up store, 呢到家發售逾數百款Disney Tsum Tsum限定商品潮物




唔好話小朋友, 連我都想買買買 :p




不過.........小朋友面前唔可以太敗家, 所以每人只揀一樣野買


之後, 我們又去了不同層的booth...........好似首次引入全新日本Disney Tsum Tsum「街機」





另外又有貼紙相機、自製姓名貼紙機及銅幣製作機




仲有豬仔包至愛Disney Tsum Tsum TOMICA with Friends展區及零售專區


呢到展出多款Disney Tsum Tsum TOMICA聯乘系列模型車,其中有多款更是首次登場.........



貢樣玩, 我們也玩了兩個幾小時, 食埋飯就半日, 絕對係小朋友開心, 大人冇貢辛苦既親子活動呀~

活動去到8月16日, 大家快快把握日子同小朋友去又一城影下相集下郵, 玩下街機, 過一個最「FUN」最「滾動」夏日!

2016年7月19日 星期二

樂在棋中家庭桌上遊戲分享會2016

較早前, 我同芝士餅出席了《樂在棋中家庭桌上遊戲分享會2016

其實早於一年前,  我也出席了《樂在棋中》的分享會 (回顧按此)

了解到樂在棋中乃社會企業,  成立目的是為了推廣適合本港家庭的原創桌上遊戲,為香港的家庭創造優質親子時間,提升彼此關係

..............呢個理念絕對好過只叫小朋友玩手機, 玩ipad啦

所以今次再收到邀請, 我特意帶埋芝士餅一起出席


去年參與之後, 我們放假時, 間唔中也同芝士餅玩桌上遊戲

她特別喜歡玩 《港. 環保》, 可能貪玩完有水晶夠bling bling ~

而今年度的分享會, 主持人主力介紹 《港鐵沿途有禮2016年版》


與時並進, 由於港鐵多了幾個站, 所以《港鐵沿途有禮2016年版》是以桌上遊戲《沿途有禮》為基礎,加入了港鐵的新路綫圖、新的「任務卡」、「命運卡」與「客務中心卡」。

而係遊戲中,每個玩家都會獲委派一項任務,玩家需要控制棋子沿著港鐵的路線圖進行任務,最快完成任務者為獲勝。


而在遊戲進行的途中,玩家會抽到「命運卡」,「命運卡」上會出現許多乘搭港鐵的行為,玩家需判斷該行為正確與否,藉此培養小朋友安全及有禮地乘搭港鐵的意識。

另外遊戲亦設有「客務中心卡」,「客務中心卡」上印有一些港鐵站內的設施,每當玩家抽到「客務中心卡」,就需要運用肢體語言讓其餘玩家猜測卡上所印的設施。  「客務中心卡」能讓玩家對港鐵站內的設施加深印像的同時,又能增加遊戲的趣味性。

就算芝士餅一個人玩, 佢都玩得好投入.........而且個game可以增加小朋友對港鐵認識,  從遊戲中學習, 絕對益智有趣,又富教育意義,even 我係屋企同芝士餅玩都好開心。


其實除了《港鐵沿途有禮2016年版》外,樂在棋中亦推出了《港鐵沿途有禮補充裝》供以往曾購買《沿途有禮》的客戶使用,只要將補充裝添加至《沿途有禮》,就能升級至《港鐵沿途有禮2016年版》,好細心呀!!!!

而書展舉行期間, 只要去樂在棋中攤位參加急口令遊戲,  就可以送贈港鐵沿途有禮扶手電梯安全篇》。玩法好似飛行棋版.......


芝士餅同小小豬都玩得好投入呀 ~


分享會當日, 除了玩以上遊戲, 大熱game 《張保仔》自然唔少得啦 ~


由衷支持社會企業,  支持樂在棋中,  明天就是書展,  樂在棋中會有攤位, 我都會去...........因為我想玩急口令拎港鐵沿途有禮扶手電梯安全篇》呢~



大家如果有興趣想了解多一點樂在棋中, 或者有興趣買家庭桌上遊戲, 就記得去今年書展啦 ~

除了《港鐵沿途有禮2016年版》與《港鐵沿途有禮補充裝》會於書展以優惠價發售, 其他桌上遊戲好似《薪火相傳》、《電力GO GO GO》、《$80環遊世界》、《小財俊大智慧》、《張保仔傳說2》以及《繽紛大嶼》等也同樣以優惠價發售呢!

樂在棋中社會企業攤位
會展三樓兒童天地(攤位編號:3B-A013B-A033B-D023B-D04

更多資料: