2014年2月28日 星期五

My first 10km

2014.02.16 (星期日)

yo yo yo ~

估唔到我可以少過1小時30分鐘內半行半跑完成呢個10km!!!


一直都冇諗過會走去報馬拉松.............

...................

直到去年我老公唔知點解無啦啦突然走o左去報馬拉松

仲好想叫埋我去, 不過當時剛發現有了豬仔包, 那當然冇去啦 ~

老公 within 一粒鐘跑完, 跑完仲話感覺良好, 氣氛一流

好想出年同埋我一齊去跑

...................

so, 我今年就呢d捨命陪老公, 同佢一齊跑囉 (hehe, 想當年..............我們在大學住hostel時夜晚都一齊跑步嫁 XDDDD)

亦都因為貢, 我就join o左 fitness club, 平日lunch time 就跑步機上45分鐘

不過早排又x'mas又新年又凍又呢呢路路 (.............唉, 懶惰精總有千千萬萬的借口), 原先打算一星期跑3日的計劃就泡了湯, 變成一星期跑1日, 甚至................. ><"

唉............

所以都後期我都同老公講跑時唔水等我, 大家終點見........

.........因為我已經作至壞打算「行」10km!  我唔想大家係報紙見到我, 哈 XDDDDDD

同老公跑第一組0610, 所以我們0400就起身, 食過早餐就出發 ~

估唔到地鐡呢個時間都貢多人...............當然大家o既目的地都一樣啦~

去到維園, 放低行李包就去做熱身



感恩當日天公造美, 之前幾日早凍到屎屎下, 又落毛毛雨

呢日就氣溫升番到12度, 又冇雨, 我做完熱身已經唔凍 (有d後悔著埋件風褸跑)


起跑時天都未光, 一路跑一路見住個天轉成魚肚白, 一路跑一路聽住收音機, 感覺也不錯啊~

今年大會口號係「Run for a Reason 從心出發, 跑出信念」

對於我來講, 我當然係為對囝囡而跑............

............係我練習時我發現跑步或者做運動係一個好需要信念支持的活動

平時我好多時跑到20分鐘左右, 個人o既意志力會有所動搖, 好攰好想停下來

但係如果我挨 / 撐過o左跑過30分鐘咩, 又會愈跑愈起勁

所以, 我覺得跑步 (又或者叫長跑), 真係可以鍛煉出個人的意志力!

正如我跑ing時, 一想起芝士餅同豬仔包, 好想告訴他們做人係需要意志力, 我就有動力叫自己撐埋佢 (umm, 作為成日3分鐘熱度的的, 我真的覺得自己係mission impossible, 哈!)


每過1km就會有牌仔作公告, 去到仲有4km時, 感覺好開心, 因為起碼自己仲未跑到斷氣, 慢跑慢行都仲有energy撐埋佢............


行到中段又有人打氣, 又可以用自己對腳「行」吓東區走廊..........平時坐車就多, e家有呢個體驗又真係幾唔錯


唔經唔覺終於跑晒, 老公都好surprise我可以比佢想像中快完成.........


yo, 跑完仲好精神又興奮..................


..............

.....

不過, 我相信我o既跑姿應該唔太正確

跑完之後對腳 "R" o左柴 (而且可能我又訓練不足啦)


到e家d筋仲有d痛...............

不過, 休息一排, 我一定會從回跑步機上, 為明年馬拉松好好作出準備!!!!!

2014年2月27日 星期四

Phonics @ Jolly Kingdom

我seafood呢家o野相信睇開我個blog o既人都知, 嘻嘻~

一方面, 我成日都希望芝士餅同豬仔包快快樂樂

但另一方面又成日為佢o地讀書 / 學習進度o既事緊緊張張

作為一個半人獸媽媽, 幫小朋友搵乜班物班就已經係日常生活o既一部份

芝士餅e家讀緊o既幼稚園係英文方面的確唔太夠

一星期只有一堂net teacher 教英文

所以我一直都想另外再搵英文班俾她上

Phonics就係我一直都好想芝士餅繼續學的, 其實之前餅餅都學o左半年pre-letterland

Phonics係想芝士餅學識自己拼音, 希望將來唔水背vocab背得貢辛苦, even 小學要unseen dictation時都冇貢驚.............

可惜開學初期芝士餅要由下午班mode調節到上午班mode都要一d日子適應

而K1之後上親o既興趣班都要芝士餅自己一個人入去, 加上唔知點解一開熱情如火的她會怕羞, 次次想同佢去d乜班物班做assessment都爆喊, 因此我們就停o左一排冇俾芝士餅上英文..........

早排同芝士餅個同學仔媽媽傾開, 佢話佢囡囡之前係另一間學Phonics唔太開心, 但自從轉o左Jolly Kingdom 個外籍老師教就有顯著改善

貢我就上網睇下呢間學校d comments, 見都唔錯, 而且學校地點又多 (有一間近我們呀)

於是再打電話問下資料, 好開心佢呢度開得幾多phonics班

我終於可以搵到d晏d上堂, 可以就到芝士餅返完學, nap埋之後才去輕輕鬆鬆上堂o既時間呀, good!!

因為我唔想為上堂而上堂, 我好怕果d放完學就要趕去上呢d興趣班 (而且我家餅餅又要午睡)

如果夾硬迫佢唔午睡就要上堂, 我估佢一定唔會上得開心, 更加唔會吸收, 所以呢到o既課堂時間真的好fit我!

原來想讀Jolly Kingdom前, 小朋友要做assessment睇下佢程度

另外家長都要聽個講座, 了解o左學校教育理念, 課程結構, expectation 係d乜, 啱唔啱先至報堂



聽完個講座都幾認同 「開心, 信心同鬥心」係keep住團火繼續讀上去o既elements

好多時d小朋友上上o下 興趣班都好易上一排就會停o左或者半途而廢, 但又好少學校 (特別係呢d校外課程班) 會aware到呢點, 特別係點樣令小朋友有信心同鬥心

所以我都好希望芝士餅可以係3個心「開心, 信心同鬥心」之下學習呢 ~

當日做assessment, 原先芝士餅未入去前超級喊, 屎都唔肯入課室, 搞到我差d想走 ><"

不過佢o地中心個 EE 好好, 開o左間房俾我同芝士餅, 希望芝士餅可以安靜落來

之後個EE就入來搭咀同芝士餅玩, 仲跟住帶埋餅入課室做assessment ~

做完assessment之後, 我見芝士餅出來笑晒口, 又同EE講下星期再來...................Oops, 真的好彩遇上呢位好EE ^.^



由於教Jolly Kingdom o既老師全都係net teacher, 唔係老外就是abc, 所以佢o地d口音都好native

C9 o既我即時諗: 一個價錢除o左竹學phonics之外, 仲可以學埋會話tim, 哈!

so far 芝士餅上o左4堂, 雖然我唔係可以次次接送都佢, 但睇佢本手冊都知道佢進度

呢個課程係分o左3個level, 每個level再分stage

Level 1 學四十四個基本的語音單位, 之後Level 2學雙音, Level 3 就鑽研解讀 / 寫vocab



每堂手冊都會講學o左d乜, 個objectives 同埋老師評語

於是我就可以睇完手冊再同芝士餅傾計傾返佢上堂d o野



而課程除了基本課本 (即係教果四十四個基本的語音單位)之外, 仲有一本練習 




練習o既coverage都幾多, 都係base on 當日學o左o既單音再引申到寫字, 連線, vocab等學習


見芝士餅每次上完堂返來都識個發音, 而且都話喜歡個老師

上次去接餅放學, 老師又好好貢行過來同我傾下芝士餅上堂o既事

話佢初初上堂好喜歡同佢用中文傾計 -___-

不過老師話用英文問餅o野, 佢係明白同埋答到 (呵, 真的可以學埋listening 同oral)

而且話佢語音都發得唔錯, 亦都開始習慣上堂模式

所以我都希望她繼續開開心心讀上去啦~~~~



2014年2月26日 星期三

「善存」挑戰亞健康有機農莊體驗日 (Part I)

2014.02.22 (星期六)

剛剛的週末, 我, 芝士餅同埋Honey事頭婆參加o左《「善存」挑戰亞健康有機農莊體驗日》呢個活動





今次o既體驗日真係獲益良多, 既可以了解多一點「亞健康」呢個都市病, 又可以了解食d乜來穩固健康, 另外又去有機農莊參觀, 體驗下自已割菜, 即時用來整沙律同pizza享受一個有「營」午餐, 仲DIY天然護膚品

.............實在太豐富, 一定要分part寫


所以先寫下對大家有密切關係o既「亞健康」同來緊「善存」舉辦o既「善存」30日挑戰亞健康網上遊戲


好..........呢日大會「善存」安排我們去o左新界打鼓嶺的有心機有機農場


好開心可以去有機農場, 我o地呢d都市人, 真係好難得去郊外走走 (可惜老公要做代表返芝士餅學校開家長會呢)


係坐旅遊巴時, 有關工作人員叫我們先填o左份「亞健康」大測試問卷, 然後幫我們計分; 問題係想了解一下我們過往3個月o既身分狀況作快速測試, 大家有興趣都可以click呢到做嫁!


其實未出席呢個活動之前, 我真的唔太清楚咩叫「亞健康」


原來「亞健康」狀態是介乎於健康狀態與疾病狀態之間的一種灰色狀態,是一種機體結構退化和生理功能減退的低質與心理失衡狀態的都市病


根據香港大家調查指出, 97%港人曾受「亞健康」問題困擾, 最普遍的徵狀是眼睛疲勞、腰酸背痛及經常疲倦 


而根據世界衛生組織(WHO)的一項全球調查結果顯示,全世界真正健康者僅5%,需要醫生看診者約20%,剩下來的75%,就是屬於「亞健康」者!!!


原來「亞健康」狀態並不只是缺乏精力及體力透支的小問題,在「亞健康」狀態下,好易令人失眠、疲倦、頭暈、頭痛等徵狀,令人無法集中精神,從而令工作效率大大下降

再者,情緒變得暴躁和焦慮不安感亦影響工作上人際關係和協調能力,繼而令人感到孤軍作戰與無助。抑鬱及注意力不足,更減低判斷及應變能力,甚至令人感到失去自控、甚至自責。

做完個問卷, 我得65分 (Honey就45分).............愈高分即代表愈有「亞健康」呢個問題呀 -___-"

係5大常見的「亞健康」類型當中, 我比較屬於免疫力亞健康型........即時經常喉嚨痛、傷風感冒 (e...........又係喎!)

原來呢個係身體發出健康警號, 適量的運動和均衡飲食有助增強抵抗力

維他命C、鐵質及鋅是有助增強免疫力,減少患病的機會。除此以外,銅質和硒質均能增強身體抵抗力。由於於銅質含豐富抗氧化功能,而硒質更可對抗人體有害的自由基 

另外4種「亞健康」類型係疲倦亞健康型, 腸胃亞健康型, 心理亞健康型心血管亞健康型 (大家可以click去「善存」個亞健康專區了解多d)

膳食營養不均衡是「亞健康」的根源之一, 因此維他命及礦物質對維持人體機能的平衡極其重要。此外,缺乏運動及長時間加班亦是導致「亞健康」 的因素.......

........唉, 我成日OT, 食冇定時又偏食, 當真中晒呢 ><

活動當日「善存」邀請o左註冊營養師陳勇堅先來同我們分享如何在日常生活中打好健康底子




原來好多我們以為好有營養o既食物, 佢入面o既營養未必係我們諗貢多...........相反地, 我們好少食o既o野可能又會好有營養...................



好似紅米o既澱粉質比蕃薯少


原來紅甜椒同蕃石榴o既維他命C係多過橙同奇怪果..................同埋d生果原來一切開, 放係到, d維他命C好快就散落於空氣中, 所以切好o既生果杯或者風乾o左o既生果, 入面o既維他命C已經流失o左好多


另外就係豆腐o既鐡質就比牛肉更多


..............真係愈聽愈發覺我自己平時食o野有幾唔均衡


..............之不過, 有時真的很難每天都做到均衡飲食,所以服用多種維他命及礦物質補充劑確實可以以彌補膳食中的不足 


唔係話一定話食supplement就可以唔水均衡飲食, 至天然當然每日o既餐單都跟足果個「食物金字塔」去安排, 去計算


只不過, 如果好似我呢d typical 香港都市人, 明知自己飲食貢唔均衡, 只要每日一粒就可以補充每日營養所需又真的幾方便 (呢個心態都係typical 香港都市人o既心態, 哈!)


其實「善存」呢個品牌係1987年已經在香港發售 (1978年美國上市), 佢分o左3條線:

  • Centrum 善存: for 12歲以上
  • Centrum Select 50+ 銀善存: for 50歲以上
  • Centrum Junior 小善存: for 2-12歲小童

「善存」含多種維他命及礦物質由AZinc(),可以提供多種健康好處:
  • 精力 含維他命B雜及鐡質, 有助提供身體所需能量
  • 免疫能力 含抗氧化營養素 (維他命C, E, 硒及鋅等), 在正常免疫系統中起著重要作用
  • 健康皮膚 維他命A, C, β, 胡蘿蔔素及生物素, 幫助維持皮膚健康

芝士餅食o野一向令我頭痕, 佢偏食之餘又太重澱粉質 ~__~

雖然我們都有出力係佢平日食o既飯菜上加不同種類o既食物, 目的都係想好飲食均衡............可惜佢唔好食又唔多接受新食物, 我都怕她營養不均衡, 所以試下呢個咀嚼片, 起碼點都或多或少叫做補充到佢身體需要的維他命及礦物質 ~


另外, 講番個網上遊戲, 由即日起已經可以click以下網址登記參加啦: 

http://www.centrum.com.hk/30days/


只由2月26日上午8:45開始可以打開第一個日曆盒, 只要回答問題及依照指示, 就有機會嬴取超過1000份豐富獎品啊~


只要打開7次或以上, 及第30日的日曆盒, 就可以參加「健康之旅」大抽獎, 嬴取海洋公園年票2張


關於參加「善存30日挑戰亞健康」網上遊戲方法


  1. Click入網站http://www.centrum.com.hk/30days/ 並"Sign in with Facebook"
  2. 用 Facebook Account Login
  3. 成功 Login後請按 "okay" 按鈕
  4. 請輸入電話號碼並劃勾下"同意活動條款"盒子再按"送出"
溫馨提示: 如選擇想收到遊戲通知的SMS, 記得唔好click唔收電話短訊果個方格啊!



我今朝參加同開O左第一個盒啦, 仲拎o左份禮物tim...........真係好鬼易中啊 ~






另外仲有一個「我要挑戰亞健康」o既「亞健康」漫畫比賽, 公開投票嫁, 頭獎有旅遊禮券, 二獎係香格里拉dinner buffet, 三獎係Harbor Grand lunch buffet


我都打算參加啊, 到時你們記得投票啊, 呵呵呵~

至於有機農莊導賞團, 有「營」午餐同埋天然護膚品就留番Part II 先講, 不過係到俾少少相大家睇下先, 哈!















係樹先多謝「善存」同公關姐姐的邀請和安排 ~


更多資料:


善存30日挑戰亞健康

http://www.centrum.com.hk/30days/

亞健康專區

http://www.centrum.com.hk/subhealth1.asp

有心機有機農場

http://www.zeno.com.hk/

2014年2月24日 星期一

麥當勞®「開心樂園餐®」 X 《百寶狗先生與細蚊:時光機大歷險》

唔知大家知唔知幾時開始有「開心樂園餐®」?

.............................

........

....

..

.

嘻嘻, 原來係1995年開始, 轉眼間都19年啊!

一直「開心樂園餐®」都會隨餐附送不同系列的玩具, 當中我儲至多就係hello kitty系列, 唔知你們又有幾多成為o左你們o既經典收藏品呢?

而今期「開心樂園餐 ®」就夥拍 《百寶狗先生與細蚊:時光機大歷險 》推出一套 6款玩具

玩具造型以 《百寶狗先生與細蚊 :時光機大歷險 》電影中不同的角色為主題, 電影主角百寶狗先生聰明絕頂, 所以今次「開心樂園餐 ®」透過這些 「彈珠機 」迷宮遊戲,帶我們遊歷金字塔 、獅身人面像及坐時光機等, 等我們玩之餘仲要動腦筋,考智慧!

上星期, 芝士餅收到麥當勞同麥當勞公關送來的玩具, 第一時間就: 「嘩~嘩~嘩」, 急不及待要開來玩啦 ~


原來今次 「開心樂園餐 ®」的玩具係多款「彈珠機」遊戲.............嘻嘻, 我細時都好鍾意玩「彈珠機」

除了 不同款式的 「彈珠機」外, 還有 「嬪妮旋轉砌圖 」及「細蚊滑翔機 」

今次o既玩具每款都好益智, 我收完都要望一陣先知點玩 / 砌, 相信大小朋友都會啱玩!

由2月21日起食「開心樂園餐 ®」就會隨餐附送, 當然大家亦可購買任何套餐 (「醒晨套餐」及「開心樂園餐」除外 )加港幣$8換購一款

好..........等我係到同大家報告下有咩玩具先:

百寶狗先生金字塔:
推出日期:由2 月21 日起

繽妮旋轉砌圖
推出日期:由2 月21 日起

獅身人面迷宮
推出日期:由2 月28 日起

百寶狗先生彈珠器
推出日期:由 2月 28日起

呢個彈珠機按下百寶狗先生的手,鐵珠便會彈出,走過背後的迷宮,可以訓練大朋友、小朋友手腦協調呀!

雙面迷宮時光機
推出日期:由 3月 7日起

細蚊滑翔機
推出日期:由 3月 14日起

可能芝士餅仲細, 對「彈珠機 」仲未係好有興趣


反而佢對「嬪妮旋轉砌圖 」及「細蚊滑翔機 」反應至大, 成日都拎個滑翔機飛來飛去 ~

每售出 「開心樂園餐」 一份,香港麥當勞就會撥捐$0.1予「麥當勞叔之家慈善基金 ®」,大家食o野之餘, 又可以玩玩具, 亦可做善事呀!

再次多謝麥當勞同麥當勞公關送來的邀請 ^.^

2014年2月18日 星期二

豬仔包半歲成長報告

2013.01.27 (星期一)

唉...............都就來7個月才寫6個月成長報告


以前d人成日話孻仔孻心肝

但我發覺我投放係豬仔包的時間, 相對以前對芝士餅少好多呢 ~_~

由於家姐餅e家有著d似懂非懂的心理反應要處理


而暫時豬仔包仲處於食訓痾階段

所以好多時我都係搞芝士餅

豬仔包就由工人姐姐 / 99 幫手

對包包, 我真的好內疚啊~


但好感恩呢隻囝只是食奶同家姐餅有得flight之外, so far其他o野都好乖巧, 又冇乜扭 (有時仲好女仔feel好sweet貢)

有時佢一個眼神...........真的霖屎媽媽我啦~



踏入5個半月, 我們開始引入固體食物俾豬仔包

比起芝士餅, 佢好快接受食糊仔


由於佢有d厭奶, 所以試o左幾日唔覺有敏感之後, 我們就用o左糊仔代替一餐了

試o左蘋果, 啤梨, 蕃薯, 節瓜都肯食...............感恩感恩感恩~

希望食方面佢唔好再似芝士餅貢揀飲擇食, 係乜都食啦 (如果大家見過芝士餅, 同佢食街飯就知道佢幾令人苦惱)


半歲針準時半歲第二日即去健康院打, 三針圍包, 針力都幾驚人

令豬仔包有d燒, 但moody o左成三日啊!!



半歲的豬仔包身高70cm, 體重19lbs, 全部lie on 90%條curve上

仲未識反身, 唔水扶都可以自己坐都幾秒


上胎懶........今胎仲懶................好像都冇乜同佢早教 ><"



半歲前幾天, 約了同年同月同日的幾位bb出來見個面食件餅


今次清一色係男丁, 希望下次有d女女啦, 哈~

半歲當天, 爸爸媽媽仲要開OT

原先想買個好d o既蛋糕仔都唔鬼記得.............

所以又搵來美心cake仔咋 (不過呢個芒果脆脆好好味, 好難得即日KO晒)





豬仔包: 你半歲仔了..........身心都愈來愈強壯, 來緊的日子, 媽媽會盡力帶你同家姐姐一齊同行, 好好去接觸和認識呢個世界!  媽媽其實好愛好愛你, 可惜自己太無用, 時間分配不平衡..............希望你體諒媽媽...................同家姐姐一樣, 爸爸媽媽會盡力照顧你, 希望你「身體健康同天天喜樂」啊 ~~~~