再見Yahoo! Blog

今日, 相信對好多Yahoo! Bloggers 都會有或多或少的失落.................

因為, Yahoo! Blog將於2013年10月30日進入唯讀模式，2013年12月26日關閉服務..............

之前 Yahoo! Blog不斷改版, 不斷俾我們話愈來愈唔user friendly

之但係大部份bloggers仍然留守係呢片小天地

為的是什麼?

因為真的寫開有感情..............

雖然中間都斷斷續續冇乜update

但因為對寫blog仍然留戀

每每睇番自己幾年寫o既o野, 大家o既留言, 真的好回味..............

所以生完芝士餅後, 我股作氣又番來

其實轉新地方寫唔係難事

之但係可唔可以將以前d posts 一拼轉會才是問題

如果你叫我一篇篇copy & paste 去新地方

be honest, 我一定冇貢o既時間同耐性

但係冇o左過去o既post, 個blog就好似冇o左手手腳腳貢...............唔完整囉~

頭先睇番第一篇post, 我係2006.07.31開始寫的

轉眼間都7年了

呢7年自己人生都有著很大的變化..............由單身到結婚到生b

而至至令我更值得留戀的是係Yahoo! Blog 認識到一班blog 友

未寫blog前, 自己真的從未想過會係網絡世界認識朋友

覺得係網絡世界認識人一定係騙案............

原來唔係囉

真的..............真的.............可以認識到朋友...............仲可以交心呢~

所以我更加留戀呢到.................

........................

............

....

.

之不過天下無不散之筵席

或者新地方更加好

你問我搬去邊, 我真的未有頭緒

除了Yahoo! Blog, outdate o既我只識blogspot 咋

不過我e家姑且等埋9月2日公報o既搬家方案有幾輕鬆才決定去向吧~

【太古旅​遊X新加坡旅遊局(香​港)】 - 送新加坡F1套票

收到PR姐姐email, 有個fb game 介紹俾大家

贏o左可以去新加坡睇F1同巨星concert啊~~~

只要由即日起至2013年9月1日，參加由“Your Singapore–Hong Kong” 及“Swire Travel”合辦遊戲『新加坡F1 勁爆大獎賞』

即Like 2個專頁及同時回答幾條簡單問題，就有機會贏取新加坡F1旅遊套票或太古旅遊禮券

可以親身飛到新加坡體驗全球唯一夜間街道賽事o既F1精彩之旅

而且賽事期間仲有concert聽..........今年大會請o左Big Bang, The Killers, Rihanna..........閉幕concert仲有Justin Bieber tim, 正!

參加辦法好簡單:

Step 1 登入www.facebook.com/SwireTravel 及 https://www.facebook.com/ YourSingaporeHongKong 按「讚好/Like」成為粉絲（若本身已是粉絲，便由Step 2開始）

Step 2 按「立即參加」後，回答問題，並填妥個人資料。(電腦版: http://on.fb.me/15ZImeV 手機版: http://bit.ly/17XGjK0 )

Step 3 按下「邀請朋友」與朋友分享「新加坡 F1勁爆大獎賞」問答遊戲。

 

獎項及獎品

大獎（1名）：總值超過HK$20,000之雙人新加坡4日3夜 F1旅遊套票

﹙兩位成人來回經濟客位機票、住宿、VIP機場接機服務、新加坡 F1大獎賽門票及Podium Lounge賽車主題派對門票等﹚

二獎（5名）：價值HK$500之太古旅遊新加坡旅遊禮券

三獎（50名）：價值HK$100之太古旅遊新加坡旅遊禮券

 

截止日期：2013年9月1日晚上11時59分

* 得獎者會於9月5日或之前透過電郵或電話獲得得獎通知。

迷離莊園 x 怪獸大學@迪士尼

好多謝迪士尼邀請, 芝士餅可以係暑假時去迪士尼玩一趟

原先我都想去......

想一放產假第一日就同芝士餅玩番轉

點知豬仔包搶閘出世, 我只可以乖乖留家坐月

於是芝士餅就同Papa & 女痳女痳去啦~

自從我有o左之後, 芝士餅都冇去過迪士尼啦

今次去當然target玩新o野

第一個check point 就係人氣爆燈o既怪獸大學啦~

一去到就整番張學生証先 ($40)

有o左張學生証, 返到屋企仲可以download張畢業證書tim (按此)

父女裝啊, 呵呵呵~

大家都知芝士餅一向怕大公仔, 當我收到老公send來呢張相時以為芝士餅已經克服心裡關口

點知老公話原來未入怪獸大學門口時, 芝士餅已當尚爆喊o左一輪先入去

怪獸大學9月1日就會關閉, 大學襯呢幾日就go go go 啦 ~

跟住就去另外一個新景點......迷離莊園

由於估計到芝士餅入去迷離大宅之後又會喊

所以今次只有老公玩, 芝士餅同99就係出面行住等

老公話排O左一粒鐘呀~

入到去, 老公話周圍 o既擺設同場景都好靚

坐住架迷離莊園電磁車, 再配合唔同o既視覺特效, 個個場景都有唔同效果





有時漆黑之後又轉o左效果

好似呢幅畫會由美女變成好鬼恐怖

老公話架車本身唔刺激, 但加o左d視覺效果, 有d位都有驚嚇feel呢




Papa玩完之後就同芝士餅去迷離珍藏店shopping下

女仔真的貪靚d

芝士餅, 等媽媽坐完月臨返工充前, 再同你去一趟迪士尼呀, yeah!!!!!

人奶媽 II

上胎芝士餅我懷著熱誠做人奶媽 (按此)

可惜芝士餅玩厭奶 (佢1歲前食奶呢個issue困擾到我呢 )

結果............我當了兩個月人幼媽就冇乜貨而停了

因為demand少, 所以都supply唔到

今次呢.......

上奶程度比預期中的好............

第一次手pump

第一次電pump

之但係.......

我的人奶媽之路都唔知可以撐到幾耐

因為豬仔包的出世，芝士餅一方面好肉緊細佬佬，但另一方面情緒上卻有d失控。。。

餅餅好似明白我要餵奶pump奶，但佢自己其他方面有d失控

好似唔肯瞓、少少嘢都扭（之前解釋俾佢聽佢肯聽，e家唔肯）、會尖叫、俾之前un皮。。。。

另一方面一見細佬佬又好肉緊，又成日想錫想同細佬佬玩。。。

非常思覚失調  X

如果再係貢，我唯有放棄當人奶媽也要放番多d時間俾芝士餅。。。

呢個兩難局面，我仲未能搞掂，e家唯有有幾多儲幾多啦



由於豬仔包埋身食唔清, 佢埋完身都要PUMP

我又要儲定D奶留返工之後食..........所以我呢幾日開始做全pump媽

好似琴日由清晨5am開始就處於泵奶、餵奶、掃風、抱囝、小休、再泵奶、湊餅落公園放電、又泵奶、再安撫件發癲餅。。。

終於等到芝士餅去食飯，陪月EE湊豬仔包........我入了廁所辦大樹才可以休息下

呢d非人生活, 唔知我可以頂幾耐呢?!

小王子薑醋券

今次陀豬仔包, 一開始同99已有共識今胎唔打算自家制大量薑醋派

上胎芝士餅自家制了三大酲, 派o左over 100盒 (微波爐飯盒)

但因為今胎已有芝士餅, 湊住佢就算有陪月, 再整薑醋也要additional workload

如果派薑醋券就可以乾手淨腳免痳煩

所以今次99只整一酲for我食同埋親友上來我家時食就算

响今年2月BB展, 我就係鴻福堂訂薑醋券用來送給親友

因貪佢分店比較多, 親友們易d換領

...................

而且當時我睇中它們有馬仔卡通薑醋券

生完豬仔包之後, 頭幾日忙上奶做人奶媽, 忘記o左email鴻福堂印制薑醋券

醒起之時, 仲有3日就12朝

好彩send完email俾鴻福堂, 佢地都好nice肯趕工

由原先10-12個工作天印制, end up 只用了5-6個工作天就送到我們家

原先我揀了馬仔卡通, 但因為美美子係女仔, 好像不太襯豬仔包

end up 我都係揀o左個人化的小王子薑醋券

可以整豬仔包張相同埋加插個人化感謝語句, 收到draft時都覺唔錯

而收到實物時更覺好nice呢

希望收到o既親友可以keep住張薑醋券 (非換令果part) 作留念啦.........唔好掉o左我個豬仔包啊~~~~~

另外張薑醋券除了換薑醋外, 也可以換雞酒~

希望小小意思不成敬意 

芝士餅33個月成長紀錄

iyaaaaa.............甩o左期, 但成長紀錄 tiger & crab 也要寫丁點呀 ~

2013.07.29 (星期一)

呢個月我仍然懶過鬼...........今次陀b後期愈來愈辛苦

個肚奇大, 經常行唔安坐唔落訓唔到

所以除了伴住餅玩之外, 真的一d心機心神都冇陪佢讀書or做d益智性o既活動

而且唔知係唔係知道細佬佬就出世, 芝士餅也扭計多o左



特別係唔願訓.............

一係就扭左扭右又唔返自己房, 屎都要去99房訓



可惜..............我已經攰都有心無力去tune芝士餅



或許...............懶人總是多借口

我呢個媽媽太不負責任了!!!!!!!!!!!!!!!!!

係食方面, 呢期芝士餅勁愛食芝士

至愛吃笑牛牌o既粒粒芝士, 一日食成兩三粒.............我好怕食肥佢啊~~~~

但另一方面, 一向唔愛食o野o既芝士餅扭食又幾得意

由於我自己細個都唔食o野都係依靠食芝士大, 所以暫時我都未阻止芝士餅住

加上佢都係兩粒起三粒止, 情況仲叫可以o既.............

呢個月已放ing暑假

首先係7月安排o左繪畫班俾芝士餅上

一星期兩堂, 上7堂

第一次上完堂幅畫令到呀..............

之後我問老師係唔係佢o地只係畫少少, 其餘係老師畫

老師又話唔係, 只是老師安排小班教學 (一班4個小朋友), 同埋叫佢o地用大paint bush 排隊一個個畫簡單線條而合併成一幅畫

不過見佢每次返來都開心, 我就由佢上埋落去, 而且係屋企隔離個商場好近呢~

而且至緊要係俾芝士餅burn下d時間, 唔水成日留係屋企貢悶啫 

今次33月大的日子, 媽媽我就係醫院陪唔到芝士餅了..............而芝士餅也升格成為家姐姐

希望來緊的日子, 芝士餅同豬仔包可以相親相愛啦 x