8個月大的芝士餅

哈..........雖然有了工人姐姐幫手, 但我仍然將個blog搞到每月一篇

真的係懶人冇藥醫

又到29號啦, 今日芝士餅8個月人仔了

呢個月唔計出街飲茶食飯, 芝士餅出少o左街.........因為個呀媽太懶了, 比較特別既活動只係:

 去荷花影相做小小小o靚模 (聽說會放係唔知邊期的"媽媽寶寶"內文樹)

 上了一堂baby gym 試堂 (其實係父母做gym為主)

 去文華第剪o左第一次頭髮 (因個呀媽貪佢有張cert留念)

 參加靚媽的水禮

唔得, 來緊我們要多d帶餅餅周圍去......去吓郊外, 去吓公園同樂園, 去吓游水水.......等佢可以見多d世面!

因為呢隻餅餅e家一俾唔係成日見既人抱抱就會 唔抱隔一陣引下佢都仲會笑, 但一抱就...........貢點做友誼小姐呢

原先好想帶佢去沙灘玩 (其實自己好怕同陽光玩遊戲), 但自己又未買泳衣, BB防曬cream團購了又未收貨.........同埋之前d人又話最好係浴缸實習下先 (但我家只得企缸)........千百萬樣理由..........但為了芝士餅, 媽媽今個夏天一定要帶餅餅去沙灘下水禮, 哼!!!!!

好...........又來summarize一下呢個月既變化先:

 之前只係feel到但睇唔到既下門牙(右邊) 係7個月多少少既時間終於爆o左出來啦  到今日已經大隻了好多, 而且另外一隻下門牙 (左邊) 都爆o左d d 出來 ~

 唔知係唔係因為不斷"out"牙仔, 呢個月餅餅大部份時間都好厭奶.........之前5分鐘KO枝奶既record冇晒 又變番厭奶餅, 好多時個咀一掂奶樽就喊過鬼貢.......又或者只肯食三/四安...........

 巧彩佢仍然愛食糊仔..........而且都開始慢慢地接受到粥仔(可能我們又掌握了佢既喜好.......因她唔愛食稀粥, 佢愛食槳糊粥呢), 所以e家既餅餅已變了一日三餐奶, 一餐糊仔同一餐粥, 時間大概:

8am 奶奶 --> 12noon 糊仔 --> 4pm 奶奶 --> 7-7:30pm 粥仔 --> 10:30-11pm 奶奶

當然我仲想tune佢再早d , 不過佢剛剛由奶奶學習固體食物, 而且我又好想放工趕回家餵佢食粥仔, 所以暫時都可能仲follow多一排先

 除了牙仔餅, 其他零食暫時唔太愛..........餅同麵包粒都唔愛食, 擺到佢口都唔食...........反而好愛吃提子呢 ~

試了蕃茄, 蕃薯, 薯仔, 菜心, 翠玉瓜都ok...........可惜唔愛飲魚湯~

 Poopoo so far so good...........同埋係私家塔既成功率有9成了.........來緊我想搬餅餅去大人塔到poopoo 啊 ~

 學習方面..........手腳零活了很多 東東可以左手交右手, 見到任何野都伸手摸, 特別愛膠袋同唉瘋!

 爬爬方面, 雖然個pose唔係好正宗, 但搵野引佢都可以"冷"到去拎............比起初期向後爬有進步...........但仲未好識企都扶床邊起身, 只識我們俾手指佢就可以由訓到企起身

我們仍然好懶........都仲未好開始同餅餅正式早教活動, 只係同佢玩既時候順口講下呢d係乜乜物物同乜色物色咋, 唔知幾樹先的起心肝呢~

Any肥, 我既first pirority仍然係希望餅餅身體健康, 開開心心.........所以都唔太迫佢住 (嘻嘻, 呀媽好一個懶惰既借口) 呢 ~~~~

餅餅: 媽媽看著你一日一日長大, 一日一日佻皮, 不經不覺已經8個月............來緊既日子, 希望你同我們一起加油一起努力學習..........雖然我只想你身體健康, 開開心心, 但你千萬不要因為我們的寵愛而變成一個壞脾氣的人! 當然媽媽也要時候警惕自己不可以當直昇機父母, 更加不可以寵你成港孩!  努力唷