芝士餅的復活節2012

其實寫blog真係幾好, 可以記錄自己做過d乜同想法

第樹再睇番會好回味 (我e家自己有樹睇番以前寫既blog都好開心)

可惜, 寫blog係要時間........雖然比起初初寫blog就好了好多, 但我仍然係一個慢打手

我一般都要成粒鐘先打完, 仲未計整相...........所以我e家既出blog率真的低低低

好似剛過去既復活節, 餅餅都去o左幾日街, 個心係想record低既同時我諗來諗去都記唔番去年復活節餅餅做過d乜 (因為我當時冇寫到, 只得每月成長報告)

所以話呢..............寫blog真係幾好嫁, 因為可以recall自己的memory.............

照理一個復活節, 人家應該可以出幾篇posts...........不過, 我e家都係偷office hour來打野

所以呢篇都只可係一個炒大雜, 貢點都好過叫冇啦  x

2012.04.04 (星期三) 兒童節

其實冇乜特別慶祝, 只是帶了餅餅去愛秩序灣公園玩下..............呢個公園有隻大木船, 我想帶餅去巧耐啦, yeah!!!

2012.04.06 (星期五)

終於約了4位同芝士餅同年同月同日出世既bb見面啦 ~
之前我們搞過一次, 可惜餅餅有病去唔到
今次仍然有兩位因病出席唔到呀 (另外一位就冇reply)
原本我們約了去大埔海濱公園野餐 (每個家庭負責一款食物)
可惜天雨關係, 大埔海濱公園去唔到
不過好好彩另一位10月媽媽book到個細function room
之後又去club house 既playroom放電
呢個屋苑個club house 好正好似酒店貢, even個playroom都又大又新
真係睇見都流口水
可惜...............我們又點買得起呀


之後就順路去埋Pop Corn Mall行個圈, umm.........我都係鍾意行CWB多d
不過有個mall, 將軍澳區既居民又的確方便d同多一個地方行下既

2012.04.07 (星期六)

今日參加o左一位10月媽媽搞既歲半bb復活節pg party
umm...........我估佢搞呢d party係有d賺錢成份既 (因為佢係開pg的老師)
之前參加佢1歲party見幾好, 而且又可以同成班10月媽媽s & BBs 見下聚下, 所以時間ok都想join下
不過今次我就覺得d 活動冇上次好........但 decor 同設施係好o左既
希望佢愈搞愈好啦...........貢我又可以間唔中見下其他bbs呢 ~


2012.04.08 (星期日)

hehe..........敗家媽媽又又又同芝士餅去影樓影歲半相啦
當然又係d 團購package
係我們之前影過既Baby House
今次以為芝士餅大o左, 開始聽得明大人講野會好d
點知...............佢冇時停, 成日行來行去走開o左
都好...............我個荷包又可以慳d

2012.04.09 (星期一)

今日呀仔約了朋友去玩
我同芝士餅就同埋婆婆 &  E-mama一齊去長洲
之前聽朋友話長洲有櫻花............可惜去到只見到人山人海同單車,櫻花就睇唔到   
真係完全唔敢想像遲d佛誕係咩環境
由於大多人, 又有好多單車, 我們推住餅都有d危險 (有時係巷仔出來, 失驚冇神又標架單車出來)
所以end up我們只係行個圈, 大約兩粒鐘就pits
希望下次同餅爸來會好d啦 ~


之後坐船返中環ifc食添好運............umm, 原來呢間少d點心
同埋好似冇貢好味呢
希望來緊北角果間會好d啦~

經過呢幾日活動之後, 芝士餅前日(4.10)發燒鳥同有少少鼻水............我即刻諗係唔係自己太chur佢日日冷街之過

因為屋企冇藥食, 感恩睇完panel dr ($28) 食o左一次藥水就recover番 ~

p.s. 呢幾日放假可以同芝士餅一齊, 感覺非常良好, 好sweet呢
不過假期過後, 一切又back to normal, 餅餅又要自己了 ~~~