產前講座 @ 東區醫院

2010.7.24 (星期六)

隔o左一排, 又來上產前講座啦, 今日既topic係講餵人奶..........

記得早十年八載, 絕大部份既媽媽都係餵奶粉, 之後幾年d人又轉餵日本奶粉.........直到近呢兩年, 大家知道餵人奶既好處, 身邊好多媽媽就算幾辛苦, 都會盡力去餵人奶.......母愛真係偉大呢

而我......係睇完書同聽完d講座, 當然都想盡量去餵人奶啦

不過......見身邊朋友有d都餵得好辛苦 or 唔夠奶

所以......我係呢刻都唔知自己到時得唔得,

唯有......到時盡力而為啦  

同埋......e家吸定多d資訊先

好, recap 下果日既 points 先:

 出完就開始餵, 未有奶都讓BB吸吮

 每日餵 8 - 12 次, 初期餵30分鐘

 餵奶前換片, 洗乳頭, 媽媽可先飲湯/奶

 用乳汁搽乳頭防受損

 防乳脹 -- 用熱水"撫", 勤力餵, 少飲谷奶湯水

 人奶保存於雪櫃下層可keep5日; 上層就可keep3個月......之後用55度暖水坐暖

 滿月BB約食4安奶, 約3小時餵一次

 BB頭半年不用飲水

 要用正確手勢餵, 如BB吸吮位置唔啱, 可用手指停止BB吸吮, 再轉用正確位置

 ............唔記得tim

Anyway, 芝士餅.............媽媽會好努力 try my breast 去俾人奶你呀, 希望你頭一兩個月點都食到d啦  好希望透過餵人奶同你有更緊密既接觸呢 

第9次產檢 (@24w1d)

2010.7.17 (星期六)

雖然同上一次相隔了個幾月先見曾醫生

但呢段日子都見了芝士餅三次貢多呢 (兩次政府照結構, 一次私家照結構)

為了方便老公唔水係平日偷走出來陪我, 於是第一次約係星期六見曾醫生

但原來星期六曾醫生係超~超~多booking (另一方面曾醫生又會遲番診所)

結果2:35pm既booking要到5點幾先睇完

好彩姑娘一早單o左聲 (亦好彩冇買定Toy Story 3既飛咋, 本來想睇5點半, 但後改planning去探妹豬仔) .........

於是我們就去了澳洲牛奶公司食個tea , 然後再上護協格下價..........

嘩........護協d人多到呢  希望快d收到惠氏張媽媽會卡啦, 貢我就可以去掃貨啊~

今次見曾醫生, 當然要問吓芝士餅個頭仔轉得太低既問題, 貢曾醫生就話唔係big concern喎..........佢話真係早產又控制唔到, 但唔行路唔做吓運動又唔太得 ~

...........ummm, 貢唯有叫自己relax d 啦, 仲有呢排不斷同芝士餅傾計 叫佢唔好趕住出來, 要足月先至見爸爸媽媽呀

今日芝士餅重1磅7安士, 比起上星期去私家照結構重了4安士啦!  曾醫生就話現階段芝士餅係standard size bb, 曾醫生話要階段大部份similar日子既bb都係standard size, 要到遲多d日子bb先會有分別 (i.e 大size / 細size) ~

今日曾醫生仲話見到芝士餅既頭髮毛毛呢...........希望芝士餅似媽媽我一出世就有好多頭髮啦

下次再見曾醫生就會安排照4D啦, 巧剪張呢, 到時就會睇清楚芝士餅個樣lu

芝士餅 : 你要繼續同媽媽一齊努力呀, keep 住做standard bb 呀, I LOVE U  

開始血拚啦!!!!!!!

之前一直忍手唔貢買太多bear bear野

因為一心旦照完結構先至買 (或多或少有少少災難C9既心態)

e家照完結構安心o左, 天生購物狂既我當然go go go 啦

不過由於仲未收到惠氏媽媽卡, 仲未可以去護協掃貨.........

另外知道8月頭有bear bear展, 吉吉島又會大減價, 所以有d硬件就唔貢買住 (暫時只因上次永安減價買了chu chu 奶樽, 洗奶樽刷, 洗奶樽液, 洗衣液同尿墊)

加上又係Ali妹到接收了一批物資

So far 可以買住既就只有d衫仔, 口水巾, 包被貢..........

不過掃呢d都好開心呢............

因為經靚媽介紹, 係淘寶掃了批又平又正既bear bear野, 計有 Carter's, Baby Gap 同西松屋, d quality 模上手都好good呢 ~

早幾日, 日日係公司收貨真係好爽...........e家呢個時代, 真係足不出戶都買到野呢!

唔講太多lu, 去片啦  

 

 

 

 

 

 

 

【餐桌上的幸福滋味】之讀後感 (Part I)

恭賀大少奶唔水半年又出新書啦

而我.........好榮幸再次成為大少奶第4本著作既第一讀者呀, 感覺當然好"膠勝"啦 

.................我知道其他餓底同Honey事頭婆一定想哼爆我個烏頭啦

不過能夠555555先睹為快, 我冒屎都帶住芝士餅5閃上去出版社搵大少奶啦

返到屋企就拿拿聲先睇o左大少奶寫果part 整份Part I 既閱讀報告出來 (葛老師既Part 2 將盡快趕工): 

封面:

雖然今次大少奶呢本書係同葛老師 cross over, 不過書名既字體仍然有著大少奶系列的感覺啊 ~

今次以粉紅色為主, 加上個紅心, 好配合今次呢本書講【愛。家】既主題呢 ~

雖然封面沒有大多的公仔/花款, 不過感覺好舒服, 唔花巧, 同心靈系列既書好match呀~

紙質:

基本上同之前既系列一樣呀, 厚薄適中呢 (e......會唔會令大家聯想到.....) 

由於係兩位作家, 所以佢o地用了唔同顏色以作分別, so GOOD 呢 (亦都係因為貢, 我就先睇了大少奶寫既部份呀)

相片:

承接上一本書, 大少奶今次仍然邀請了她的表弟先生主理影相部份, 我覺得可能表弟先生已經熟能生巧, 有了上一次經驗, 今次既相比上一次更"令" 啊

插圖:

今次又同以往既有所不同, 並唔係簡單線條繒畫或者生鬼既漫畫版插圖, 而係一d比較實在同details既插圖, 可能要配合葛老師所寫/出生既年代吧 ~

構思:

今次的確係一個破格構思啊!!!!! 一個心靈作家同一位人氣blogger (兼瘋癲既)大少奶cross over 寫書.............看起來好像風馬牛不相及, 不過出版社真的好聰明, 因為睇開大少奶個blog 同之前三本書既人都會了解大少奶係一個充滿愛既人, 特別係佢對大少爺同佢o地建立既家庭.........而葛老師又係一位心靈作家, 當然對愛對家庭有著一番見解啦, 加上佢o地又生係唔同年代, 互相交鋒, 出版社真係好有卓頭呢

Contents:

個人一向特別喜歡大少奶既散文部份, 今次大少奶幾乎只主攻散文部份, 我當然覺得 good good good !!!!

睇完之後會, 會更加認識大少奶小時候同埋佢瘋癲以外既性格..........佢對家人既愛 (特別係佢寫爸爸既文章) , 佢細個家庭既不完整而令佢更熱愛同大少爺建立一個充滿愛既家...........睇完都好touching呢 ~

今次比以往少了點瘋癲, 但卻換來更窩心既感覺, 因為【家】係每個人都有同會接觸既, 亦都係人生不可欠缺既東西, 所以睇完會令自己更要反思【愛。家】呢個concept呢~

p.s. 由於我未睇葛老師所寫既部份, 不過我知道佢o地係同一topic兩位作家有唔同既point of view, 相信應該會好好睇呢..........而且葛老師所寫既部份, 大少奶居然咀gel gel駁咀呢, 哇哈哈 (所以大少奶雖然比以往少了點瘋癲, 但佢仍然係癲的, 特別係最後一篇文章, 哈!)

個人特別喜歡【思家之味】同【食味人生】呢兩個chapters..........係咩? 你o地快d自己買來睇吓啦, 哇哈哈 !

今次大少奶的確由一位【煮食作家】轉型為【散文作家】呢, 型啊!

食譜:

今次食譜既數量的確大大減少.........如果你一心係打算買『 食譜』番屋企, 可能呢本書會令你有點失望...........不過, 今次出版社走既路線係以散文為主, 所以『 食譜』既出現只係有點綴之感~

不過, 係其中一個chapter入面, 大家仍然可以睇到大少奶既手勢呢...........至於邊個chapter, 你們自己5555555555買書睇啦

小意見:

 今次本書同以往既風格的確唔同, 所以好難作比較.........不過, 我覺得為了滿足大少奶不同類型既粉絲, 大少奶最好以後作雙線發展: 一方面繼續寫『 食譜 x 生活趣事』書; 另一方面就向『 心靈散文』書出發, yo ~ yo ~ yo ~

 翻睇後再補 (if any)

廣告時間:

@P.59, 78, 175

我真的好好好榮幸大少奶係佢同葛老師本暢銷書上書上記錄了我丁屎既烏名, 呵呵呵~

 (繼續唔知醜ing )要

, 同我講聲呢, my pleasure, 呵呵呵 ~

另外我仲要多謝大少奶出版社既編輯小姐們, 佢o地俾我上去打攪佢o地呀

繼續祝新書係書展大賣特賣呀賣呀賣呀賣呀賣呀!!!!