滿月啦 ^.^

原來貢快就一個月啦 ~

呢個月既開心又憂心........

開心既係當然見到芝士餅一日一日長大, 佢每個動作同表情都令人lum chi chi ~

但係我又擔心佢黃疸高, 體重唔達標, 唔食奶 / 嘆奶, 面仔生瘡瘡 (end up 知道係新生兒痤瘡), 唔去poo poo.........x

...........愈來愈明白做了父母之後長憂99既道理.............

其實我知道我唔應該左唉聲又嘆氣, 我應該要感恩, 因為我身邊有很多愛鍚我既家人同朋友一直支持我同照顧我, 我真的愛你們

多謝同感激:

 99披星戴月幫我頂夜班, 等我可以訓到好覺

 老媽同家姐姐成日過來提供我任何支援

 老公要受我無啦啦既脾四同情緒病

 好友們來探我同我打氣.......特別係敗家仔同亞靚同埋係網上/電話俾各種湊B資訊既友人啊

 陪月EE照顧我兩餐同燉唔同既野我食

芝士餅: 媽媽由細到大身邊都有好多愛錫我既人, 不過自己好很懶, 攪到自己成日公主病上身 (真係唔要得, 你唔好學, 唔好做港孩呀!).........我知道我現在已為人母, 唔可以再係貢公主, 我要負起照顧你同教育你既重大責任, 我會努力學習, 因為我真的真的好愛你!  你要健康快樂地成長啊 ~~~~ 

人奶媽

打從懷住芝士餅既時侯已經打算餵人奶, 因為母乳係俾BB最好既食糧

雖然之前都知道當人奶媽呢條路唔易行..........

而且我一向擁有災難小姐特質, 自不然就怕自己唔夠奶, 怕谷奶會有乳線炎, 怕BB唔肯食, 怕BB食得太急整損乳頭, 怕太辛苦, 怕呢怕路, 怕乜乜物物.................

結果..............

都為了餵奶呢個issue就喊了好幾場 因為:

 雖然芝士餅唔水照燈, 但黃疸指數由出院個陣都處於警備既level, 亦都要去了兩次醫院抽血, 而醫院d姑娘就叫我餐餐補奶粉, 令bb食得多便便去得多就有助去黃.......

 但芝士餅返o左屋企之後好似唔多肯食奶........用奶樽可以玩奶玩成個半鐘都未必3肯食晒........埋身餵咩, 可以食10分鐘就, 整佢d手仔腳仔都唔醒 (反而係醫院都仲肯食25-30分鐘)

 由於芝士餅成日玩奶, 佢體重回升指數低於預期, 而我們約3-4小時俾佢食奶 (一日即6-7次), 但健康院既姑娘又話我餵得太少, 要at least 8 次, 又question我點解芝士餅一日得一次popo............去o左呢次健康院, 我心情down到不得了

 於是有人會question係唔係餵人奶有問題, 而我自己亦都question自己夠唔夠奶俾芝士餅食呢

 之後不斷上網睇資料, 又打電話去醫院, 健康院, 母乳熱線, 佢o地都話唔打緊, 因為餵人奶係唔需要限時, 限量, 要feed on demand, bb 肚餓自然會喊...........但係, 我自己一向信 "由零歲開始" 本書既concept多d, 呢兩套唔大相同既理論令我

 後來問了一些餵過人奶既媽媽, 分享了她們的經驗, 個人就定o左d.......又決定唔pump埋身餵番, 因為我唔想見到芝士餅食淨一半玩成粒鐘既情景 (好亞Q呢~)

...............

.........

....

經過了一個多星期, 情況好像有了改善...............我們e家約4小時餵一次 (放棄了健康院話一日餵8次既要求, 因為我們發覺餵太密芝士餅反而唔太願食), 埋身餵同pump出來瓶餵芝士餅都接受到 (埋食餵可以食到25-30分鐘, 而瓶餵既時間都比之前快o左)............

感恩感恩 ~

芝士餅: 你要繼續努力加油飲多d奶奶啊, 我會盡力俾媽媽奶你呀  

住院記

今次入院生芝士餅, 亦係我人生第一次住院 ~

呵呵呵, 一向浮跨既我居然放棄了私家醫院而揀了政府醫院, 因為我想留慳番d錢錢俾出世後的芝士餅用多d (之前15-16既心情可按此)

而今次亦都住了三種不同既病房..........

首先係安排入住既係待產房 (因申請特別房仲未有位), 呢樹入住既全部都係待產媽媽, 共6個床位.........姑娘會輪流幫我們check血壓同bb心跳, 有時又會駁機同我們check..........姑娘話要regular 4-5分鐘一次既陣痛先好通知佢o地度宮頸~

由於呢樹冇電視, 冇magazines睇, 而且又唔俾叉電, 而其他媽媽又掛住訓, 所以係樹hea都好悶

佢探病時間都係一日兩次, 每次約兩小時, 每次限兩個人 (但就算你多一兩個人去探你, 只要唔太離譜, d姑娘都隻眼開隻眼埋)

巧巧彩, 我被安排了近窗的單邊位 (之後另外兩種房都係呢, 感恩!)

到我生完芝士餅之後, 特別房仍然未有床位, 所以要安排住大房.........

大房都係6個床位, 探病時間一樣, 但可能由於bb會跟媽媽一齊, 所以呢樹就好嚴格執行每次只限兩人探病, 一出一入都有姑娘mark住真係唔太方便 ~

不過真係好感恩, 住o左幾粒鐘之後就通知我特別房有位啦, yeah!!!!!!!

特別房係私家病房既一種, 不過就係3人床位......

其實我之前一直以為係政府公務員先可以用, 點知早排有朋友生bb, 佢就係住東區既特別房, 貢我知道後就立時探佢兼睇吓場 ~

發覺特別房的確同出面私家醫院既質數差不多, 但價錢就平好多 ($2,400全包/日)......不過大房就只需$100全包/日

呢d特別房冇得預先申請, 只可以入院既時候先可以申請.........如果full晒, 有機會到可以出得院都未有位呢........

不過, 俾多d錢, services的確好好多..........好似每日三餐既飯餸都有幾款揀, 仲有下午茶同夜宵呢!!!  而且有電視同獨立洗手間.........探病時間又長好多 (朝8晚9)同埋不限人數........bb可以跟自己 or 入bb房, 個locker有lock兼大好多, 張床又可以自動調教, 連個view都正好多呢, so good!!!!!

[p.s. 雖然東區都有二等同頭得房, 但如果唔係公務員就唔抵, 因為除了房租外, 醫生費同其他雜費要另計, 分分鐘同出面私家差不多]

ummm........今次既住院, 我發覺政府醫院既姑娘原來都好nice (我一向以為佢o地好惡嫁), 只係大房同待產房既姑娘人手不足, 佢o地一對六巧忙唔可以即時response你貢啫........

well............如果再生, 我相信我仍然會take呢個approach呢 (即俾d按金去私家醫院買保險, 但如冇意外都係响政府生) ~

出產記

雖然呢期巧頭痕貢照顧芝士餅, 但呢篇blog真係tiger & carb都要寫低俾芝士餅大個睇 ~

2010.10.28 (星期四) 早上7時多

個肚有d痛, 以為想去便便........入廁所發現少少見紅 ~

哈......前一日我仲係fb問各位媽媽產前除了見紅, 穿水, 陣痛之外仲會唔會有其他異象, 因我早一兩日有少少M痛.......哈, 點知大少奶話會見到UFO貢27號見曾醫生時, 佢就話見紅, 穿水, 陣痛已經係先兆, 因為有了呢d異像都要再旦十幾個鐘先至生得, 唔會再有先兆既先兆......仲叫我唔好信"三腫三消"既說法呢

一路以為自己當發現見紅, 穿水, 陣痛會好驚..........點知果刻出奇地冷靜, 於是我就拍醒老公, 佢由熟睡中驚醒, 又反問堅定流.........我就同佢講呢個moment點都要入院, 叫佢同公司同請假, 拎走路袋出來, 而我就要去洗頭同沖涼 (因為怕之後有排先可以再沖涼同洗頭, 呢個涼我沖o左好耐, 老公仲拍門以為我有咩樹tim)

之後99都起埋身, 仲幫我們買了早餐.........我就打電話通知老媽,老媽問我去政府定私家生.......我就同佢講未決定, 食完早餐再諗  

同老公商討完, 我們揀了政府東區, 因為我覺得琴日都仲係8lbs, 我應該仲handle到掛........而且我覺得見紅要再過多一排先真正來料 (有朋友r了兩日, 又聽人講見紅未必堅), 所以都係返政府樹, 而且我係港島人, 東區方便好多~

入o左院先去待產房hea (因apply特別房仲未有位), 果樹連我有6位待產媽媽, 但佢o地全都唔多出聲, 只係訓晒係到, 而待產房只有兩段探病時間, 我唔眼訓又冇電視睇, 唯有玩住部iphone......但床位又唔俾人叉電, 攪到玩得唔安樂........

下午開始就有irregular既陣痛, 貢我就mark起d時間方便姑娘做reference, 起初陣痛感覺似m痛, 由30mins一次, 去到10-15mins一次, 姑娘都話太irregular, 叫我如果keep住4-5mins一次先通知佢幫我度宮頸........

到了零晨2-3點, 陣痛變成5mins一次, 而且痛楚比之前強烈, 原先唔想打攪d姑娘住, 以為旦到天光先........不過開始忍不住d痛, 都係向姑娘講.......姑娘幫我check宮頸, 佢話開了2-3度, 可安排入產房, 叫我通知老公.......

老公三點幾來了, 但我要旦到5:15am先入到產房, 因為姑娘話之前full了, 所以要旦旦  但佢o地話我反而好彩, 因為到我入去時只得我一個預備生........

去到產房再check, 已開到4度, 助產士話幫我穿水, 方便bb頭仔推向宮頸快出d, 不過痛楚亦都會加速.......

呢個時候我仲未聞笑氣, 只係揀o左聽音樂來relax一下自己.......d助產士都話我堅, 不過到了6度到我就開始聞, 而且佢o地話再唔聞就收走條笑氣管 well, 其實我唔太覺有減痛作用, 不過聞笑氣會令人wing wing 地同埋心理上好似有幫助掛.........而且仲令我 play back番一d人生片段

到o左7am左右, 姑娘送上一碗粥俾我, 其實我已經好很痛唔想食, 但我知道轉頭要用力, 所以都叫老公餵我食了大半碗 ~

基本上都同之前d講座同助產士所講一樣, 我約一小時一度, 大概10am左右開到9度, 11am左右開到10度..........

不過由7-8度開始的確好很痛, 聞笑氣係想我進入半昏迷狀態而望卻痛苦......不過就算wing住都好痛, 我不斷緊握老公隻手, 又想屈斷佢d手指, 我feel到老公佢好痛想縮 .......佢不斷係我身邊叫我慢慢聞笑氣, 又同我講加油.......好快就見到芝士餅 ~  雖然只係口講既鼓勵說話, 不過身邊有個人陪產的確好好多呢

好不容易挨到9度, 姑娘叫我try吓push唔push到呀b出來, try完兩野佢就話都係旦到開到十度吧.............噢!

終於開到十度, 姑娘佢o地就叫我當再次陣痛時就用力 push push push (成組動作係: 閉氣10秒 + 用開大大既力 + 下巴貼頸 + 腳掌用力撐 + 重覆呢組動作三次) 唉, 已經痛到貢, 我只可以做呢套動作一次就冇晒力, 條腿仲震過貓王...........不過我仍然為了留力冇叫過一聲 ~

俾姑娘話點解回唔到氣再做多兩次, 攪到亞b個頭又縮番上去........佢話我要靠自己.........鬼唔知咩, 不過我真係冇晒力ma..........心諗, 我真係冇力點算?!  點解你們唔幫我真空吸出來??  唔通我end up都要開刀??

姑娘叫我俾心機 target 12:30 mission completed.......我瞄下個鐘, 當時係12:00左右, 心諗: OMG, 仲要挨多半粒鐘

之後再用埋自己既淨番既力push多幾次 (真的連屎都標晒出來!!!!!!!), 終於係 12:18 就生了8.5lbs既芝士餅出來啦 

姑娘之後就叫老公出去, 佢就幫芝士餅吸走d胎水, 又叫我push埋個胎盆出來同埋幫補番個會陰傷口, 都有d痛嫁.........不過同之前既大痛比, 我完全handle到 ~

同bb洗完白白之後, 姑娘就再叫老公番入來影大合照

講真係呢個人生劇痛既過程入面, 一路痛一路生既時候, 我都有不斷反問自己點解貢屎蠢唔揀開刀呢.........貢就唔水經歷陣痛同push push既辛苦啦.........仲同自己講下次再生一定要揀開刀!  不過生完6粒鐘之後就可以落床, 傷口又冇太大痛楚 (可以接受的), 眼見隔離床既媽媽開完刀成日都落唔到床.......,到今日再回望, 我覺得我揀順產係值得既, 可以經歷呢個生產過程真的真的好回味, 好難忘........更加令我要多多痛愛芝士餅同埋我老媽呢..........媽媽真偉大!!!!!!!

另外好感恩係成個生產過程都叫好順利, 而且巧巧彩係生完囡囡出來幾粒鐘後特別房就有位啦 ~ Yeah, 洗o左錢, 住既房又的確c服功多呢 :)

我第一日都叫有d初乳俾bb飲, 之後每兩粒鐘就要埋身餵都幾tired呢.............不過見到囡囡又會好開心

芝士餅: 歡迎你來到呢個世上 為了你, 我同爸爸會好努力學習如何去照顧你, 但你都要繼續努力同我們合作呀 ~

你是我的公主, 我的至愛, I love you sooooooooo much!!!!