2013年5月31日 星期五

又來產檢sss

2013.05.24 (星期五) -- 第一次健康院產檢@28wk3d

今胎第一次返健康院呀

來緊都會keep住去健康院lu............

今日先安排睇碟, 之後再例牌磅重驗尿見姑娘聽心跳

全程只需1粒鐘咋

之後食完tea仲可以去剪下d亂草

下次再見係兩星期後lu, 希望下次都係貢快手啦~~~~~

2013.05.27 (星期一) --  第二次飲糖水@28wk6d

今日放全日假, 因為朝早又要返東區飲糖水

係............又要飲



感恩今日唔太多人, 亦都安排姑娘抽血

今日杯糖水比較熱口d, 反而飲果下比上次易d入口

用手機上下d媽媽谷吹水, 又睇下碟, d 時間都叫好快過

由於我今胎係戒口方面冇貢聽話, 成日食老麥, 間唔中又凍o野, 雪糕同奶茶

加上年紀又大o左, 又眼見有幾位媽媽都中o左招, 所以自己都驚賴o野

之前幾日屎都忍口唔食哈根大師, 另外又食o左成兩星期麥皮早餐 (不過果日去完健康院就去飲紅豆冰)

已經過o左幾日仲未收call.................希望 no news is good news 啦 ~

飲完第二日, 即去嘆番杯哈根大師



2013.05.27 (星期一) --  第9次產檢@28wk6d

去完東區就回家接芝士餅陪我一齊去產檢

等佢又去見下細佬佬

今次等曾醫生比平時耐啊, 好彩芝士餅係醫務所行來行去都自得其樂

今次曾醫生轉埋4D俾我睇下, 因為佢話細佬佬塊面轉O左過來



由於早陣子才去baby icon 睇完, 今次再睇就冇貢興奮了

曾醫生話細佬佬 d 頭圍肚圍手手腳腳都跟番晒週數

e家有2lbs14oz, 係中碼b (同上次baby icon 比, 即係相隔8日只重了5oz)

曾醫生話按此比例, 細佬佬應該冇芝士餅出世貢重呢 (芝士餅出世8.5lbs)

其實我深明bb只要健健康康平平安安貢出世已經要感恩

肥定輕唔應該太掛心

不過, 人就係貢衰............聽到醫生講果下始終有點兒

hehe, 呢幾日不斷自我調整, 心情都冇乜o野啦

e家叫自己relax, 可以早訓就訓 (不過要陪芝士餅玩玩應該唔多得), 盡量食多d蛋白, 芝士, 飲多d奶奶, 另外又買o左d海蔘食下盡力長下胎啦~

我不斷同自己講唔可以比較, 兩姐弟係獨立個體呢, 我要be a happy mom!!!!

hey............又去o左公海tim

講番當日見完曾醫生, 我就去o左護協買定d老佬袋用品 (上胎已經執好啦)

之後又去我至愛o既澳洲牛奶公司食tea




食飽飽就帶芝士餅去睇duck duck 啦

yeah..........因兩個產檢而得的one day leave好充實啊, 呵呵呵~~~~~

2013年5月30日 星期四

芝士餅第一次學校運動會

2013年5月18日 (星期六)

呢日係芝士餅學校攪的運動會

一早我們就要向運動場出發...............好彩我們家好近運動場

是日天氣唔太好, 未出門口都仲落雨

去到幸好停o左雨, 但地下還是濕濕的

原先芝士餅同其他同學仔要出去做千人操

可惜我們交她俾老師之後佢爆喊...................

試o左幾次, 老師都叫我們帶她回觀眾席........激屎~~~




人家做千人操時佢就叫Papa同佢隔岸觀火



之後就開始玩一項親子比賽同六項親子遊戲




見到同學仔, 芝士餅好hyper啊




呢個時候有番d陽光, 加上地下o既濕氣...............真的又熱又焗, 仲要排隊呢, 暈 @@

我又失策唔記得同餅做防曬, 返到去佢即時黑o左, 嗚~~~~~~


好彩99提我帶埋工人姐姐叫佢看袋, 貢我都可以跟埋落場睇住餅玩...........





每玩完一個game就有一個印仔



芝士餅最愛呢個20m跑步



呢d game 當然旨在開心, 排名不分先後啦~~~




yeah............儲夠印仔啦



可以去換禮品, 你o地睇佢幾開心



由於我們已經熱到傻, 之後又要去九龍照4D

所以決定影多幾張相就pits, 呢架消防車勁多人排隊去參觀..........

不過我們影張相就算了, 回家人人即時沖番個涼先~



出年芝士餅係另外一間學校讀書, 唔知另外一間學校會唔會搞貢大型的運動會呢?!

Anyway, 等我生完, 我們都會再同芝士餅參加果d乜格思搞o既親子運動比賽玩下

好讓我們同芝士餅都有d回憶 ~~~~~

2013年5月29日 星期三

Seafood媽媽的抉擇.......

呢陣子收到收o左芝士餅K1學校o既2nd round 註冊通碟...............

亦即係我們要make final decision o既時候

不得不承認我們好怪獸

係in完K1收offer後仍然戀戀不捨4間學校, 所以呢4間我們都乖乖交了$660留位費

一間係芝士餅讀緊N的學校

一間係我同老公一向心儀區內比較出名的谷-ing幼稚園 (因past record去我們心儀的小學比例高)

一間係灣仔區龍校

一間係中西區龍校

其實間間都唔差, 要揀我真的R爆頭

不過, 始終都係要揀................因為人家開始收學費, 書簿費同做校服了

拖o左貢耐都係要有個了斷.....................

sigh...............

睇開我個blog o既朋友都知我有幾seafood嫁啦

我真係唔知點揀好............

輪排位同名氣, 好多人第一時間都會叫我們揀中西區果間龍校

佢當然好..............但車程對芝士餅來講好似好遠

返8:45am要7:15am坐校車, 貢即係日日坐3粒鐘校車?!

又好似好辛苦呢  ~

其實芝士餅e家返學都好開心, e家間學校都幾好, 老師都好肯跟進..............我們也看見芝士餅的進步

所以轉校佢又要再識應, 也怕佢會唔開心呀

that's why 我一路都唔知點揀好  

不過................我so far已經放棄了頭兩間, 寫信時簽名果下都有d唔捨得

好怕自己o既決定會影響芝士餅

.....................

......

至於兩間龍校, 老公比較prefer灣仔區呢間

因車程只需30mins/程, 而且校舍幼小中自成一角貢

剛剛的星期六 (2013.05.25) 也帶了芝士餅去度身買校服.............


雖則龍校看似升小有保障, 但小學佢o地都係私校..............

如果兩姊弟一齊讀, 學費都真的好吃力.............仲未計課外活動呢

之不過e家愈來愈多傳統學校都改為私校

到芝士餅3年後升小, 個教育制度又唔知點玩法

e家唯有見步行步啦~~~~~~

希望芝士餅來緊有個愉快的幼稚園生活!!!!!

2013年5月28日 星期二

飯局@陸羽

2013年5月15日 (星期三)

 
又炒冷飯post啦

不過好好味嫁

呢日同我Honey女友事頭婆兩條友又去KC同Issac搞o既飯局啦

地點係陸羽



我之前都去過陸羽飲過兩次荼, 晚飯就第一次

今次飯局, 制作人安排o左傳統小菜我們試, 好多味係出面已經食唔到呢~





今次飯局比上次食拉麵多好多人呢..........包o左兩層, almost 180-200人啊~

原先8pm開始, 差不多人齊都成8:30pm了..................好肚餓~

好, 先來一客蝦多士, 由於好肚餓, 好快大家已KO了..........非常crispy, yum~



跟住飲陞羽出名的杏汁豬肺湯, 一人一碗 ~



好, 繼續金錢雞拼雞子渣

個金錢雞比起馬交淘淘居還是差了點, 反而個雞子渣又幾令人驚喜



繼續炸物: 脆奶艼蓉帶子

好正啊, yum yum yum ~



之後又係一味用心機正o既小菜: 蝦子柚皮, 做得非常出色啊~



又來網油鯪魚卷, 可能我唔好鯪魚, 呢碟我只覺standard ~



 
之後出場係子羌咕嚕肉, 炒得好有傳統風味, 事頭婆話d子羌好好味................雖然我冇食子羌, 但佢d味都係咕嚕肉到食到呢~



是日主角之一出場: 八寶蓮子鴨

嘩.................好味到呢~~~~~

入面d蓮子炆到入晒味, 如果唔係大肚怕食鴨, 我會encore多d 多d



之後另外一個主角: 脆皮糯米雞



又係一味功夫菜, 因為入面起晒骨同肉, 但塊薄薄o既雞皮仍然可以包住d糯米, d功夫真的唔o野少



呢款菜又係好yum yum, 但我又係唔敢食太多

雖則話唔食太多, 我個肚已開始飽飽了

正如Issac話齋, 平時如果自己來食, 通常either叫八寶蓮子鴨 or 脆皮糯米雞 是但一款

今次飯局, 我們就好難得可以一次過食晒兩款呢~

繼續仲有好乾身的干燒E麵



同埋我至愛的紅豆沙



仲未完...................

仲有失傳o既豬油包...........用豬油+冬蓉整, 要即食才好味

不過我就覺甜o左d d ~




仲有仲有呢個痳蓉包, 呢個包我打包回家第二日食, 個痳蓉好又係好正, 好懷舊味道..............即係好足料啊~






 

呢餐真的食得好飽飽, 我同事頭仲打包o左d八寶鴨同糯米雞tim

又食又拎為$480/位,

我覺得價位好合理..............如果call到成班friend食一圍仲開心呢 ~

原先我報o左名夏宮飯局的..............不過呢排洗$$$$太多, 都係忍一忍先~