教學App分享: 惠氏金裝「遊學世界」Flash Card

雖則愈來愈多文章都告誡我們父母唔好俾小朋友玩貢多ipad / iphone 等電子產品

但係無可否認, 呢d電子產品真有佢成為電子奶咀o既功能, 可以令小朋友乖乖定落來既神奇效用

當然, 我唔會將呢個殺手鹼成日拎出來俾芝士餅玩啦

e家好多時都係佢出街超級坐唔定 / 好扭又搵唔到其他玩具/工具分散佢注意力時先至會拎出來

而且我自己係遊戲game白痴, 所以我部iphone冇乜games

我一係就响youtube搵d兒歌俾芝士餅睇, 一係就同佢玩educational o既 app, e.g. kids songs, phonics, 配對, flash card, 遊顏色 呢d

最近我發現o左一個免費 flash card app 叫做惠氏金裝「遊學世界」 (e家o既app, 當然itunes同andriod format都有啦)

呢個app主要介紹唔同國家o既名勝, 學習個名勝o既名 (包括廣東話, 英文同普通話)

入到去有幾個options, 玩flash card o既話當然係按 「遊學世界」啦..........不過原來仲有產品試用tim



之後就揀國家 (雖然得13個國家, 但係都有80個名勝), 我第一次玩當然搵番自己地頭o既香港啦

原來呢個app唔似一般flash card app貢已有晒d flash card 係到, 而係要我們unlock o左佢先至有flash card 教學

好似click o左鐘樓之後, 個app會出o左個google map出來, 我們要touch screen 左右移動, 直到佢出o左個相框搵到個名勝一按, 佢先至會成為張flash card

貢樣就多o左一份互動感, 小朋友o既趣味更高

 

張flash card 中英對照, 仲會教三文兩語o既讀音 (包括廣東話, 英文同普通話)

我發覺d英文法音都好準確, 芝士餅跟住學都好放心

而且張 flash card 係用實用圖片, 貢樣真實好多 (玩flash card 最好就用真實圖片, 比起用圖畫/卡通更為吸收呢!)

之後張flash card 就會儲存至學習卡庫, 可以隨時同小朋友重溫

如果大家想再互動d就可以拎番之前同小朋友去過o既地方, 再拎呢個app o既 flash card 俾小朋友, 加深佢o地o既印象

好似我們之前去新加坡o既魚尾師像, 之前芝士餅一直只叫佢獅子



e家有呢個 flash card app 教, 佢就識得叫魚尾師像啦



  

原來每unlock一張「遊學世界」flash card 就有100「遊學世界」學習里數

同芝士餅玩o左一陣, 就已經有2000 學習里數 (每收集10張「遊學世界」flash card 又會extra有1000學習里數) 

其實學習里數呢個concept有d似我們搭飛機儲飛行里數一樣

去得越多國家unlock flash card就會儲多d 學習里數

平時我們儲飛行里數就aim at 免費機票啦, 而呢個app儲學習里數就可以贏禮物啊..........



我計過, 個app度得8000分, 只要unlock 多個10個「遊學世界」flash card 都應該可以有過萬學習里數, 至少都有$100玩具反斗城禮券啦  

個app介紹o左其他儲分方法嫁, e.g. 留意報章惠氏金裝廣告o既學習卡, upload一條「惠氏金裝遊學世界」短片去指定website就可以儲多d分啊



俾個tips大家呀, 只要用facebook登記成為用戶係2013年6月15日或之前同小朋友玩呢個「遊學世界」flash card App, 就可以賺取2000分學習里數贏禮物

讀萬卷書不如行萬里路, 我都想同芝士餅多行萬里路, 認識世界不同地方...................

所以如果儲到20,000分就可以有$20,000 遊學禮券啊!!!  貢就可以同芝士餅去有關國家真正體驗啦, 正

我要為呢個target而努力啊!!!!!!

 

anyway, e家先用眼睛去旅行, 利用呢個app教佢世界不同名勝先

將來再去就更加印象深刻啦~~~~~~

 

不過來緊我會先同芝士餅行下d呢個app介紹o既名勝香港先, 去到再拎呢個「遊學世界」Flash Card出來 recap 佢o既memory ~

嘻嘻, 估唔到呢個educational o既 flash card app 仲可以有機會贏禮物tim, 大家有興趣都可以download啊~