mINi 小露寶

其實認識小露寶已經有一段時間...........

之前係大少奶同Vanlily個blog見佢o地都有介紹過, 之後去Vanlily個別墅同Diana屋企都見識過佢既威力, 真係好方便既呢 ~

不過當時未婚, 家務唔多水做既我就唔知掃地辛苦, 所以都冇考慮買.........

後來成為人婦同新抱之後, 雖然99都叫我唔多水打掃, 但係扮crab都要對自己個家負d責任嫁ma, 所以weekend我都會幫手打掃, 亦終於知道亞信抹地既辛苦

所以都想想地買個小露寶返來幫手, 但原來99已經有兩個吸塵機, 加上小露寶個size擺係我o地屋企又好似太大 (因要俾佢泊位), 故此呢個念頭又不了了知...........

後來係大少奶第三本書到見到mini版既小露寶介紹, 佢係全球最細最扁平的自動吸塵機械人, 高度只有 7.5cm, 靈活度更高；而且第二代超微音技術，操作時可以靜如無聲.....

噢...........修o左身既size好fit呢, 而且隻酒紅色好"令"啊

成為異人一族既我就比之前更少打掃, 為o左唔好令99太辛苦, 於是打算同佢介紹一下小露寶既好處, 旦佢接受小露寶而放棄其中一個吸塵機............點知99原來之前都聽過小露寶呢個大名, 貢太好了.........我當然555555去order啦, yeah !!!!

So far 用了半個月左右, 成家人都覺得佢好good呀, 而且又唔算噪, 有o左佢真係方便好多呢!!! 

遲d芝士餅係樹, d地方需要更乾淨, 有o左小露寶就可以幫輕一下我o地啦 ~

更多小露寶資訊 : http://www.v-bot.com.hk/chinese/index.php

 

飲糖水@東區醫院

我今朝剛剛去完東區醫院做 "飲糖水" 測試 ~

感恩整個過程都叫順利, 身體上冇咩不適 (好彩冇嘔呀, 如果唔係要再擇日重試 )

呢杯就係傳聞中既可怖糖水..............

姑娘建議5-10分鐘內飲完 (唔好一口氣飲晒呀, 怕會反胃呢......之後雖然可以飲水, 但姑娘都建議唔好飲太多以防會嘔) ~

味道的確好很甜, 第一口都覺幾OK好飲, 不過飲得多就愈來愈甜同封喉............但我都可以接受到既, 比想像中冇貢可怖 ~

未飲糖水前先抽第一次血, 飲完之後等兩粒鐘再抽血.............好彩我D血管都叫明顯, 我見有兩位準媽媽, 因為血管唔明顯, 俾姑娘左抽右抽變晒臉先抽到呢

係等候既時間, 姑娘就安排產前dvd俾我們睇, 加上自己又帶了書, 又同99傾下計, 時間都叫好快過................抽完血臨走前仲有牛奶同餅乾俾我們食 

e家呢兩日就等call.............如果有call, 即係代表我有妊娠糖尿病 or 葡萄糖耐力不足, 要再去醫院見營養司or打姨島素呀

擔心-ing ~~~

洗後感

自從成為P牌C9之後, 對家庭用品都比以前更為留心, 較早前, 知道有個為期1個月的「碧濤洗衣球試用計畫」, 大概知道用了洗衣球就唔屎用洗衣粉洗衫, 於是身為P牌C9既我當然舉手參加啦 ~

收到對洗衣球, 先睇睇說明書..........原來佢採用了納米科技, 加上利用洗衣機既滾動而產生負離子, 遠紅外線同磁力能, 所以唔屎用洗衣粉, 消毒劑都可以將衣物去污漬同殺菌 ~

為o左測試下佢既威力, 我就拎o左公司用開既豆豆布袋 (其實係 keyboard pad) 做測試, 由於巧耐巧耐冇洗, 所以個布袋有千年污漬呀  說明書話想效果更佳, 可以用去漬劑先清理頑固污漬, 於是我就加埋去漬劑...........結果九成既污漬都去晒呀 (最衰唔記得影洗前洗後相比較tim)

之後我同99都分別有用佢來洗衫, 發覺同之前用洗衣粉洗都冇太大分別呀 (p.s. 通常我o地仍然都有加去漬劑係d恤衫領同埋加柔順劑上去) ~

呢兩個洗衣球又的確幾環保, 如果日日洗衫都可以用上3年呢........而我平均一星期只用兩次, 貢即係可以用巧耐........慳o左既洗衣粉錢又夠我買多d衫啦, 呵呵呵

想知道多d詳情就可以去呢個official webist 睇吓啦 ：www.biocera.com.hk 

照結構 @ 東區醫院

2010.6.23 (星期三)

今日下畫去東區醫院第二次見醫生啦, 由於今日芝士餅係18w5d (即係within 18w-22w 適合照結構既時段), 所以今日醫院就安排了幫我照結構啦 ~

未照前當然例行驗尿, 磅重同量血壓...........

...........點知, 明明上兩個星期去曾醫生樹check既時候尿糖係正常

...........點知, 今日係醫院check就仍然有個 "+" (唔通係食完碗米粉有關?!), 嗚

 之後等了半粒鐘就可以照結構, 負責既醫生都ok細心, 要check既每個部份都有同我解釋, 不過今日芝士餅好頑皮, 佢個人up-side-down, 頭仔向下, 個位置仲要幾低下, 醫生照o左15分鐘佢仍然冇轉position, 攪到頭仔果part既結構照唔到, 又要兩個星期後再去醫院照過,  真係激屎人  

芝士餅: 你係唔係知媽媽掛住你, 專登俾我再見你幾面呀?  不過, 照結構呢part好緊要嫁, 你要乖乖同醫生合作, 但佢o地幫你check清楚d ma.......我下星期都book了私家果邊照結構, 你到時都要乖乖啊 ~

照完u/s之後就安排見醫生, 由於兩次去東區驗尿都有個 "+", 所以醫生話要提前做 "飲糖水" 測試驗血糖, 嗚嗚嗚 ~

最擔心既樹終於發生啦 

話貢快下星期一朝就要去check啦, 聽d人講杯糖水超甜同超難飲, 空肚飲完仲要等兩粒鐘之後再抽血, 飲完仲會反胃同嘔, 噢 

p.s. 其實我呢排一路都好少食甜野同停飲鮮榨果汁, 唔通係我三餐都食飯/米粉同飽飽呢d澱粉質有關呢?? 噢.............好擔心好擔心呀, 仲好怕影響到芝士餅呀