2013年1月31日 星期四

27個月成長紀錄

2013.1.29 (星期二)



我家臭豬餅27個月大了

說話方面, 愈來愈可以講到句子同表達自己

早兩日指住我塊面話: 媽咪塊面有墨!

又同我們講: 好耐冇去迪士尼?!

哈..........上堂好似定o左d~

不過, 我仍然冬眠期, 懶過隻象冇乜再教佢新o野貢

日日放工都只係同佢玩下玩具 or 落公園放下電咋

其實佢o地呢個階段, 應該不斷吸收吸收再吸引

sigh...........我真的好抵打



最近芝士餅好愛揹背包, 係屋企, 出街都要自己揹..........哈, 希望唔係3分鐘熱度, 以後自己拎返晒自己d行裝出街就好了~




聽99講, 她愈來愈喜歡返學啦!

早陣子打敗枚請了一星期假, 初初都怕好一返學會唔識應

感恩又冇呢個情況, 而且e家放學都乖o左好多肯自己行啊!  加油啊~~~~






打blog之際, 又收到好消息.............之前interview o既另一間so-called女子龍校都收o左芝士餅入上午班

真的估唔到 (因我同老公見完覺得芝士餅表現一般, 因她等o左個幾鐘都呆滯晒)

身為細b, 芝士餅今年interview有貢好成績真的令我意想不到, 好好好感恩!

但同樣地也令我們好頭痕, 太多選擇又令我們有選擇困難症

雖然好想入龍校, 但佢o地d小學下下都私校, 將來如果再整多件, 我們真的負擔唔來..........

但現階段放棄又唔知點 (因為到小一大抽獎又好懊惱)

噢.............seafood G 又來了!!!!

any肥, 我現階段唔會將煩惱帶俾餅, 我仍然希望她能開開心心健健康康地成長

大愛我的豬仔餅

2013年1月28日 星期一

[she mom.com 產品試用] BURT'S BEES Baby Bee Petroleum Free Multipurpose Ointment 寶寶全天然萬用軟膏

隔o左一排, 又抽到she mom mama panel o既產品試用呀~

其實之前都收過一兩次產品招募email, 不過d產品自己唔大興趣, 所以冇登記

今次三款product之中, 我想試試 BURT'S BEES Baby Bee Petroleum Free Multipurpose Ointment

係bb全天然萬用軟膏

而BURT'S BEES 呢個品牌都聽o左好耐, 所以有呢個機會便登記試試

收到時發現都幾大盒




但原來個樽係膠來的, 貢就算小朋友自己拎住都安心好多~

根據資料顯示, 呢隻BURT'S BEES 係非刺激性的多用途軟膏,100%天然,不含石油或有效成份。



而且經兒科醫生測試,性質溫和,可滋潤寶寶幼嫩肌膚,帶給皮膚柔潤幼滑感,適合每天使用。

只要取適量涂於面部及身體之乾燥部位就done

同芝士餅洗完白白用, 上手感覺有d似軟身o左d o既凡士林





同一般lotion比就 "杰" 身好多, 比平時用開o既body lotion 難推丁點

但就feel到好潤o既感覺, 隔一陣都吸收晒

所以我覺得係好乾燥o既冬天用就合適d~

話明萬用軟膏, 它仲可以用於尿片敏感部位

只要先清潔好敏感部位,並在乾爽的皮膚上使用;可於每次換片時,或睡前塗上。

well, 可能它100%天然, 所以大家唔好expect好似其他bb cream貢有香味啊

再次多謝she mom mama panel 的安排!

2013年1月25日 星期五

有感而發

今朝係fb見到個post令我有點失落................

話說人氣blogger Verynelly 因為昨日一篇post被讀者臭罵而決定封blog封fans page

事件再發展落去, 原來她俾另一名人氣女blogger惡意中傷, 懷疑有人眼紅別人人氣高企和贊助.............

作為讀者, 我當然失落啦............因為我追nelly個blog都有一段日子 (大概由她陀scott b 開始, 之後再追埋d舊post)

她的生活的確令我呢隻C9羨慕 (唔水為五斗米折腰, 生活又無憂同優質)

睇佢blog o既可了解一下如何享受生活, 亦都有唔同o既扮令令, 食好o野, 湊b, 甚至淘寶link 等唔同資訊分享, 加上她的文字寫得好好, 所以係我最近追睇的blog之一

可是, 因為別人的留言, 一個好端端的blog就要從此消失於空氣中

就算唔捨得, 作為讀者當然只可以尊重當事人的決定 (因為好也要保護她的家人啊)

不過令我覺得今時今日o既blog界已經唔同往日了, 原來它好似辦公室一樣有著唔同的辦公室政治!

數數手指, 自己原來都寫了6年多接近7年blog (估唔到自己可以last到貢耐)

由初初好狂熱, 日日周圍去睇人家d blog 同留言, 到因為搞人生大樹同生b就懶o左同hea o左落來, 之後生完b又再想紀錄芝士餅的一點一滴而又再度活躍番丁點 (不過都不復當年勇)

當中blog界o既轉變真的好大................

當年寫blog的人大多好純情, purely 分享自己的生活同所見所聞, 大家o既留言都好真誠, 唔開心時大家又互相十卜

因此係blog樹我認識了餓底認識了敗家, 大家成為好朋友好姊妹, 直到今天, 大家的友誼仍能保持, 這是我寫blog最大的得著!!

自從Y!BLOG愈轉愈差, 大家都少o左互相留言...............

近年多o左唔同o既贊助同廣告商入侵blog界 (嘻嘻, 好似連我呢d四打八低人氣blogger間唔中都有PR邀請), 由於有著唔同o既sponsors, 某d人寫blog o既心態可能唔同o左, 為著所謂的名利而出賣自己or抵毀/抹黑他人.............

你問我鐘唔鐘意有免費產品試用or出席活動, 我一定唔會好清高話唔愛囉!!! 

我係C9, 我當然愛吃「好味、啱口味」的免費午餐喔! 每次收到invitation時都會睇下間公司賣乜sell乜做乜, 自己真的想試, 時間又ok就go go go; feel 唔ok時間唔夾就say no ~

寫o既時候真的由衷自己所感而寫, even有唔好o野都想分享............我想呢個才是最真實的blogger review吧~

不過, 有時我也怕別人會覺得我個blog or post 商業味濃o左

umm, 講真..........就算冇sponsors or PR, 以前去完d 好or 唔好地方食完飯 or 買o左d乜 or 做o左d 乜, 我都會寫blog同人分享

加陣就只是間唔中有人願意提供贊助而我又想8下了解下同有題材分享, 都不失為win win situation呀

Any肥, 把口生係人家樹, 一樣米養百樣人, 真的好難控制別人的想法和講法

間唔中我都會click番自己之前陀芝士餅, 搞結婚同各界朋友吃喝玩樂o既post睇番

我好感恩當年自己有kick start去寫blog, 令我可以用文字圖片紀錄了不同的大事小事開心事芝麻綠豆事, 次次睇番都好開心的!

就算冇產品試用or PR邀請, 呢個blog還是我的blog, 是我自己發表自己生活點滴的地方............

希望我可以繼續捍衛我的小地盆

2013年1月23日 星期三

產品試用: 太陽暖暖包

話說上個月(即係去年的12月) 收到有關marketing邀請試用暖包




由於我自己一向有用開暖包暖蛋, 所以有試用都樂意試試

之但係, 我e家又冇冇生芝士餅之前貢怕凍 (唔知係唔係當年坐月補o左身呢?!)

所以收到之後一直只係放o左一包係手袋到冇用過

不過早排d 天氣忽冷忽熱, 有時著多o左, 係公司同地鐡都係焗到想屎.............好啦, 著少o左夜晚放工又陰陰寒

正正就係上星期我著少o左件衫, 返工一落樓就覺有d涼, 之不過又趕唔到再返上屋企換衫

好彩醒起呢個暖包!!!

於是拎出來撕開個膠袋搖幾下, 個暖包就慢慢發熱啦.............拎住係手暖下身都幾好



雖然佢隨5包裝跟o左個小布袋for裝個暖包入去



不過我試過擺o左入去之後就唔夠暖, 還是直接拎住個暖包好d ~

如果想再暖d, 將個暖包擺入褸袋一陣再拎出來, 效果更加正啊

雖然包裝說明熱量持續20-24小時, 但我就覺得冇貢耐 (可能仲要depends當時室外氣溫吧)

但至少由我返工到放工over 12 小時都有溫暖效果

所以萬一來緊d氣溫又急降, 大家又著唔夠衫, 大家都可以考慮即刻買番個暖包暖下身

p.s. 係惠康, 7-11, Circle K, 屈臣氏都有得賣啊~

2013年1月21日 星期一

芝士餅又病倒鳥~~~~~~

嗚嗚嗚, 我的心肝寶貝上星期開始又病了





其實確實返o左學之後真的病多o左, 不過感恩都係d mild case

之但係, 今次就嚴重o左d.............連埋今日, 已經連續冇返4日學了~

平時芝士餅有少少鼻水/咳, 我們已經唔俾佢返學 (之但係, 成日都見到其他同學吊住行鼻涕都返學的學生, 真係唔知果d家長點諗)

今次嚴重o左, 可能同佢7號打完四痘針有關 (因為姑娘話可能會係打完一星期後才發燒)

點知打完針兩日後開始running nose, 見mild case就去附近診所睇啦

食完真的收o左一半, 但又成日吊住吊住.............睇o左兩次end up 都要去養和睇曹醫生

原先睇完都好似冇乜樹................但呢個時候就發燒, 我們前一晚仲唔識死見佢冇乜o野貢就帶o左佢去屋企附近個playroom玩 (夜晚通常我們包場only)

就係貢.............可能因而trigger到佢條氣管

搞到佢條條唔順.................end up 狂咳

咳到嘔 x 發燒



芝士餅平時病唔太辛苦o既話仲會周屋走

今次呆o左兩日, 夜晚每粒鐘咳到喊真係令我好心痛, 也好自責



經過今次, 我打算等病好番之後打流感針

雖然未必100% protection, 但我估點都好d 掛.............

唔知有冇媽媽都帶o左小朋友打o左, 可唔可以分享下呢?!

2013年1月16日 星期三

敗物: 小丸子書包

wakakakakaka, 我份人真的seafood同矛盾

上一篇仲係樹學人講理財

今篇就講敗物

但呢樣o野我自己恨o左好多好多年, 見今次貢扺買實在忍唔住啦



登~登~登~登



係日本直送的小丸子書包啊~

呢款書包我由細都恨用, 可惜一直都未用過

之前係吉之島見到要成二千幾蚊個

早陣子係日本代購fb見到, 紅色超特價只售$700

雖然芝士餅要成3年後先用到, 但我左諗右諗之下都係拍板買o左

因為價錢係我accpetable level, 我怕佢好似我心儀o既名牌手袋愈加愈貴

3年後到我想買就加到飛起 (嗚.............3年前個chanel唔水兩皮仲買到, e家....................)

嘻嘻, 我都知我好變態.............

不過, 呀Q d 諗, 我e家只是用$700買番自己個情誼結, 仲有個bonus係芝士餅3年後可以用.............

呀, 又或者可能唔水3年, 遲d芝士餅上其他班都叫佢用囉