《Cha-Ching》音樂卡通

嘩嘩嘩................又來炒舊post, 仲成個月前tim~

呢個媽媽真的太太懶了

2012.12.15 (星期六)

呢日同芝士餅上完堂就去中環出席《Cha-Ching》音樂卡通第二季特別放映會

收到邀請時，我第一時間上You Tube 睇下《Cha-Ching》係乜東東，原來係音樂卡通，一個教導小朋友理財的音樂卡通

 

我見內容係講述 earn, save, spend 同 donate 呢4大個人理財概念

 

雖然芝士餅呢個年紀要佢fully understand 呢個理財concept就冇乜可能

 

但作為卡通片, 個concept好, 就算唔太明白, 我估都好過睇d暴力/粗口片掛..............而且又有音樂聽, nice ~

今次function o既地店係Pizza Express, Waiter姐姐幫我們點了以下食物:

一路食, 大會有關人樹就講解《Cha-Ching》音樂卡通是「智叻兒童理財」教育計劃的核心項目，這項計劃是專為小朋友度身訂做，由2011年面世至今，已有超過15,000名小朋友及教育工作者受惠，仲吸引了國際非政府組織Junior Achievement於去年在本港及其他亞洲城市舉辦工作坊，供小朋友參加。  

除了可以在Cartoon Network 電視播放《Cha-Ching》音樂卡通，原來最近他們還推出一個全新互動網站和一系列應用程式。

 

而新一季節目有3集, 主要係教導小朋友有關金錢預算, 信用卡的用法同埋投資的主要原理, 由於即場放映新一輯《Cha-Ching》音樂卡通俾大家欣賞, 我睇到卡通片叫我們唔好先洗未來錢, 我覺得呢個concept反而好啱我呢隻敗家精聽



之後仲有《Cha-Ching》音樂卡通裡面兩位人物同大家打招呼同影相 (係卡通入面有6位人物, 每個o既性格都唔同............好似Pepper就係粗心大意o既購物狂, Prudence就精明實務, Justin就係天生企業家, 有唔少賺錢主意等)

可惜, 芝士餅好驚呢d人扮o既大公仔, 唯有我自己同佢o地影, 哼:

 

除了我之外, 靚媽一家都有出席, 今日芝士餅好親親妹妹啊~



之後仲有人介紹一項《Pocket Money Manager》o既流動應用程式同即場試玩, 呢個game將4大理財概念融會貫通, 令小朋友監察零用錢去向, 掌握理財之道

hehe, 玩ipad...........就算唔太明個concept, 芝士餅手郁郁梗鍾意啦!



另外當場仲派o左份budget planning o既worksheets, 係希望小朋友睇完卡通, 家長們可以同小朋友作親子活動, work out 一個生日派對o既budget planning





當然呢份o野以芝士餅來講就一定做唔到, 但我自己覺得如果睇卡通片之外, 仲有o野可以學到又相當唔錯~

其實每集《Cha-Ching》音樂卡通只是3分鐘, 間唔中俾小朋友睇下的確唔錯

不過佢主要target 7-12歲o既小朋友 (umm, 我覺得K3以上都應該明明地), 所以要階段O既芝士餅真的唔太明 (hehee, 佢應該真的當卡通片去睇 )

返到屋企再睇d資料, 原來《Cha-Ching》係美國同亞洲都得到唔同o既awards表揚為有效推廣理財之道的節目

另外新加坡同台灣都有唔少學校引進《Cha-Ching》o既遊戲同教學材料教導學生

所以我們身為家長呢, e家睇定都冇壞...........因為可以預先equip下自己, 睇家將來點教小朋友理財concept (特別係我呢隻敗家媽媽)

原來《Cha-Ching》第一季有成10集 tim, 淨係睇內容簡介都好吸引:

第1集: 收入, 儲蓄, 消費, 捐獻
第2集: 金錢必須賺取
第3集: 企業家
第4集: 促進金錢增長
第5集: 儲蓄以獲取成功
第6集: 未雨綢繆
第7集: 朋友, 消費吧~
第8集: 小豪客, 請三思!
第9集: 慈善 - 我如何能夠幫助他人?
第10集: 最終回 - 收入, 儲蓄, 消費, 捐獻



大家有興趣, 可以上《Cha-Ching》o既Facebook 專頁了解更多又或者去You Tube睇番d音樂短片

各位媽媽, 大家仲可以去以o下o既website睇睇啊

http://www.cartoonnetworkasia.com/cha-ching/en/index.php?ref=cha-ching.com

http://www.cartoonnetworkasia.com/cha-ching/case_study