其實確實返o左學之後真的病多o左, 不過感恩都係d mild case
之但係, 今次就嚴重o左d.............連埋今日, 已經連續冇返4日學了~
平時芝士餅有少少鼻水/咳, 我們已經唔俾佢返學 (之但係, 成日都見到其他同學吊住行鼻涕都返學的學生, 真係唔知果d家長點諗
) 今次嚴重o左, 可能同佢7號打完四痘針有關 (因為姑娘話可能會係打完一星期後才發燒)
點知打完針兩日後開始running nose, 見mild case就去附近診所睇啦
食完真的收o左一半, 但又成日吊住吊住.............睇o左兩次end up 都要去養和睇曹醫生
原先睇完都好似冇乜樹................但呢個時候就發燒, 我們前一晚仲唔識死見佢冇乜o野貢就帶o左佢去屋企附近個playroom玩 (夜晚通常我們包場only)
就係貢.............可能因而trigger到佢條氣管
搞到佢條條唔順.................end up 狂咳
咳到嘔 x 發燒
芝士餅平時病唔太辛苦o既話仲會周屋走
今次呆o左兩日, 夜晚每粒鐘咳到喊真係令我好心痛, 也好自責
經過今次, 我打算等病好番之後打流感針
雖然未必100% protection, 但我估點都好d 掛.............
唔知有冇媽媽都帶o左小朋友打o左, 可唔可以分享下呢?!
唉~我家Jo.b都係大病中左流感呀!!!!我都建議你打流感針,因為而家正值流感高峰期,再加上佢已經返左學,打左穩陣d!!
回覆刪除[版主回覆01/22/2013 10:00:17]oh no............打完都一樣由年頭病到年尾?! 但打完再病o既情況有冇好少少 or 快d康復?!
[80' 後媽咪遇上 10' 後 baby回覆01/22/2013 01:45:09]我家朗豬由細到大都好易病, 所以上年聽醫生講, 打左次流感針, 點知, 打完都一樣由年頭病到年尾..... 我唔係反對人地打針, 只係分享之前經驗!!!
wish 芝士餅 speedy recover
回覆刪除[版主回覆01/22/2013 09:59:45]thanks!!!!
吊住行鼻涕都照返學？嗰啲家長會唔會過份咗少少？希望芝士餅早日康復！
回覆刪除[版主回覆01/22/2013 10:00:24]係啊...........有d家長真的好過份~
陰公豬, 希望芝餅快d好返, 唔好又冇2磅肉令媽媽心痛!!
回覆刪除[Yan回覆01/22/2013 20:23:44]BB真係瘦得好快.. 大人病又唔覺會瘦, 唉~~
[版主回覆01/22/2013 10:02:07]佢已經即時瘦o左.........塊面尖o左~_~
芝士餅快d好返啦！
回覆刪除[版主回覆01/22/2013 10:02:20]我都希望啊..........連埋今日, 冇返成個星期學了~
唉...我屋企有個細的仲慘...小丸子好似自10月之後都不停病，好幾日又病幾日...岩岩星期六見完要 "吸氣" 添，大頭妹都係返學之後先第一次 "吸"，小丸子 9個月就開始 "吸"，我都好擔心﹗
回覆刪除btw, 我上次睇勞永樂醫生的一篇文章，佢係唔建議打流感針的，所以我都無同佢地去打，我睇下仲搵唔搵得返篇文。
[【Happy Boy ＊Jo.B 成長記趣】回覆01/22/2013 13:21:17]Wa, thx for sharing!!!!! 原來真係打左都冇嘜大作用~咁唔知水痘針又有冇用呢? 而家真係好鬼多針打= = 都唔知打好唔打好..
[Athena and Joe回覆01/22/2013 10:06:56]搵到啦: http://www.gloryin.com/home-space-uid-89962-do-blog-id-3460.html