2014年4月29日 星期二

超簡單極容易自家製雪糕

睇開我個blog o既人都應該知道我家芝士餅唔好食

佢連零食o既選擇都唔太多.......糖唔食, 包同餅都係食好"齋" 果d

比較喜歡食香口o野, 但食多兩食都會自動叫停

唯獨雪糕..........可以不停食不停食 (特別愛食哈根大司)

所以去年見班媽媽買呢個「Yonanas 都樂健康甜品製造機」時, 當時我都心思思...........



因為話部雪糕機可以輕易將冰凍的水果,無需加奶加奶油,就可以變成美味健康的甜品

............不過, 我當時大肚ing又唔食得多雪糕, 而且又怕清洗煩又怕多部機阻住個廚房

所以最後都不了了之.............

但眼見芝士餅喜歡食雪糕o既程度愈來愈高, 相反食生果就仍然食果幾款 (蕉, 蘋果, 梨)

諗諗下夏天又就來, 即係芝士餅會食更多雪糕..........

始終自家製係最天然最健康, 而且如果只用水果整又會零脂肪 (即係我同屋企人都可以狂食)

所以都係555555入手玩下呢部「Yonanas 都樂健康甜品製造機」

e.............佢體積比我想像中細部



只是click開就拆到



又而得幾件parts



上網睇, 最易整就係用「香蕉」!  

只要將起o左梅花點o既香蕉放入冰格24小時, 之後用部Yonanas 就done !!!

用「香蕉」個好處係佢質感似滑滑的乳酪 (另外可用牛油果), 而且用「香蕉」都好有益: 

  • 不含有鈉、脂肪或膽固醇
  • 高纖維,其纖維是可溶性,可以幫助降低膽固醇的水果種類
  • 含有三種天然糖份的天然能量:蔗糖,果糖和葡萄糖的
  • 沒有其他水果含有更多易消化的碳水化合物
  • 含有很高的鉀,礦物質,有助於製造肌肉和蛋白質合成
  • “健腦食物”,其鉀的含量高是大腦運作所需要重要元素
  • “好心情食物,含維生素B6和色氨酸有助於提升愉悅的心情

不過我今次就再加多少少其他生果, 就係芝士餅喜歡的蘋果同啤梨

我呢到係一份量: 一隻半蕉, 半份蘋果同半份啤梨



成個過程都好易, 只係先將冰凍香蕉放入滑槽內,然後用柱塞將香蕉推入雪糕機

重複放入冰凍蘋果同啤梨就得啦



真的易到芝士餅都可以幫手, 你o地睇佢幾開心!




有得玩又有得食番自己o既成品, 芝士餅好hyper啊!




味道方面都真的好似好似雪糕, 但好fresh好清甜, 仲食到生果肉


只是一整完就要即食, 因都幾快溶 ~

之後從雪糕機取出導槽配件, 除去所有剩餘的雪糕就可以清洗啦!

由於冇奶油, 全部是生果, 真的連洗潔精都唔水用, 用水沖完就得, easy!!!

下次我打算試下整雪葩 (用水份較重的生果) 同埋加 Oreo (芝士餅都食呢款餅), 餅就唔水雪o既

嘻嘻............當了媽媽, 事事都為兒女著想

換轉以前, 我又點會貢有心機整自家製食物呀, 去7仔買杯雪糕食咪乾手淨腳 :p

e家當然希望自己小朋友食得健康啦

所以就要努力喔!

希望我來緊再同大家分享我的自家製雪糕成果 ^_^

更多資料: 


2014年4月28日 星期一

芝士餅@We嘩!充氣嘉年華

2014.04.19 (星期六)

好.....跟住又講返呢個「We嘩!充氣嘉年華 」

之前都有講過下有咩玩...........按此

呢日芝士餅扮完空姐, 我們便過了九龍城

先去金寶食個lunch (原先想去食牛肉餅, 但我們車泊九龍城廣場, 所以懶行到尾)

之後就去九龍城廣場玩玩玩

當日「We!充氣嘉年華」係九龍城廣場分o左兩層舉行


當然最 eye catching 係 「小丑魚奇幻漂流 」


呢個係一個首創具自動開合口功能, 可分為彈床、攀爬及滑梯等 3 個活動區.........

攀爬區 (即鯨魚 口部) 有開合口功能,滑梯每 30 秒開口 1 ,待小朋友攀爬到鯨魚口內,風機啟動合口,小朋友魚貫地從魚內高處滑下魚尾一次過玩盡 3 種樂趣



原先芝士餅見到個貢大o既彈床好hyper都話要jump

可惜一見個鯨魚 口張開就9秒9走佬話唔玩 >< 


好彩佢對呢個「恐龍遊樂園 」有興趣



呢個外型吸引o既 跳彈床小朋友可以在色彩繽紛的遊樂園中嬉戲,從而刺激小朋友的視覺感

芝士餅玩呢個狂跳狂sir滑梯

玩完一次又一次, total 玩o左3次呢!!!

又呢個 「 We!抓抓樂」芝士餅又係玩o左3次


呢個game每次只限4個小朋友入去, 一吹氣, d 波波周圍飛, 就考驗小朋友的反應,鍛鍊手眼協調及空間感



e.........芝士餅都捉到d 波波喎!

玩完d動態活動, 我們上另外一層玩d靜態o既

呢個「We !造型流沙 」乃瑞典首創o既造型流沙集無致敏源


d沙不含麥麩 (Gluten) 、抗菌、抗水、易清洗、不污染衣物等

大家可以安心俾小朋友拿揑時有流沙般的獨特手感,又絕不容易散開



我之前都係日本訂o左會類似o既沙係屋企玩, 不過得5kg

呢到多貢多沙同堆沙模, 確實完全為小孩度身訂, 等他們係商場能在都市享受堆沙的樂趣

之後仲同Papa一齊做手工, 揀o左間屋仔砌



估唔到芝士餅今次好乖乖坐定定同Papa一齊整, yeah!

大會都區都有派有足夠人手維持秩序, 排隊排一陣都輪到

貢樣我們都玩了差不多3小時呢

下次再有We嘩!充氣嘉年華 , 一定會再帶芝士餅去跳跳跳跳, 放晒d一電

期待下次係戶外地方搞, 小朋友應該仲hyper呢~

玩完兩場的芝士餅.............





kids AIR CREW 2014

個台北遊記只要起o左個頭...............

.............唔知會唁會有尾啦, wakakakaka ~

不過, 等我又跳下update下芝士餅呢個復活節做o左d乜先

2014.04.19 (星期六)

呢日芝士餅約埋佢幼稚園d同學仔一齊扮空姐呀!

呢個活動係星島集團搞的 (http://www.studentmoveup.com.hk/events.php)


去年正當衝上雲霄熱播時, 芝士餅堂家姐都有參加呢個活動扮Cool魔



hehe, d小朋友著住d飛機師衫好型 (當然實際上未必學到好多野 :p)

呢個活動要3歲以上o既小朋友才可以參加

早陣子有2010.10媽媽會朋友話組團, 可惜唔夠人成唔到團

於是我便試下問下芝士餅幼稚園d同學仔, end up 成o左兩團空姐團 (每團8人)

其實我自己想芝士餅做飛機師多d, 不過可能參加o既同學仔都係女孩子

所以投票結果就是空姐勝出!!

當日去到報到完就去換制服 (原先打算帶埋豬仔包一齊來, 可惜豬仔包病o左, 還是乖乖留家)



之前收email通知, 做空姐o既建議著白色底衫同黑絲襪, 所以一早brief定唔愛著絲襪o既芝士餅, 估唔到換衫時佢好合作啊!  (可能佢早幾日才坐完飛機有印象)

yeah, 換好衫了!  大家各個爸爸媽媽們都好hyper同自己o既小朋友影影影 ~



之後小朋友們便排隊跟空姐姐姐們入去上堂 (呢個時間大人冇得跟既)



我們家長便在出面吹吹水, 因為約30分鐘後家長便可以入去觀課 (但只可以一個家長入去)

呵呵呵, 當門打開, 先見到班小空姐不斷講:「歡迎登機!」呢個情景好可愛!



之後我們入o左一間房扮模擬機艙

小朋友們就扮小空姐示範穿求生衣, 幫我們扣上安全帶




接下來便輪流派餐




佢o地經訓練之後見到我們唔會叫「爸 爸媽媽」

而係叫「先生 / 小姐: 想食咩味朱古力, 想飲咩果汁!」

仲雙手派餐碟tim, 呵呵呵 ~



serve完我們, 家長觀課呢part就完了

之後我們又要出去等, 而小朋友們就繼續上堂

我們大約又在出面吹多30分鐘水, 小朋友們就出來進行畢業典禮

成個活動時間約1小時30分鐘, 按我們收到的email, 小空姐活動如下:


²        1部份 (75 分鐘)[** 家長可參與觀課]
機艙教室
登機安全檢測任務**
實戰派餐任務**
儀容化妝指導
緊急應變大測試
逃生充氣滑梯演習
畢業典禮(頒發畢業證書)
²        2部份 (15 分鐘)小朋友與家長自由拍照時間

出來啦, 出來啦!

畢業了!!!!

飛機師就有帽帶, 而小空組就加o左條絲巾


講真, 呢個$3xx o既活動, 收費同成效真的有點不成正比 (點可能係1小時30分鐘學到好多野呀)

而且芝士餅佢o地得3歲多, 好多o野可能未必掌握得好好

玩完又未必可以原原本本同我們分享反 (我估5-6歲會好好多, 不過今次玩完芝士餅都有同我講之後姐姐教佢化妝同坐滑梯.........好過乜都話唔知, 哈!)

不過...........媽媽我本住係復活節假期輕鬆下玩玩玩, 貪得意叫做著下套衫體驗下

又可以同班同學仔見下柴娃娃一下, 父母o既集郵相又多o左個回憶呢!

http://www.studentmoveup.com.hk/events.php

2014年4月25日 星期五

Phonics @ Jolly Kingdom (II)

1時間真係快............

原來轉眼間上個月芝士餅係 Jolly Kingdom 已經上o左8堂 Phonics

早排仲收到第二本習作啦



第一本練習完成啦 ~


見佢寫d字都開始有d紋路




e家見佢每次上堂前都開開心心貢上去, 我都好恩惠

芝士餅次次都好開心收到d貼紙, 本手冊就來滿晒啦 XDDDD ~



如果芝士餅keep住一星期上一堂, 成個 Jolly Phonics 應該要3年多才能完成 (當然, 如果一星期上兩堂時間可以縮一半)

所以正如之前聽佢o地個講座, 「開心, 信心同鬥心」keep住小朋友團火繼續讀上去o既elements

好希望芝士餅繼續讀到落去, 希望學好o左, 對佢將來自己拼音, 串字都有幫助啦 ~

最後, 為大家送上一段movie...........係芝士餅扮老師教我o地Phonics 



睇得出芝士餅so far都愛上課呢!



2014年4月24日 星期四

兩母女離家出走台北遊 (Day 1 - 十份、九份)

2014.4.13 (星期日)


呵呵呵,我們兩母女離家出走遊台北!

今次我當真拋夫棄子。。。哈!

當我post上上fb, 有朋友以為我當真兩母女自己去。。。

Well.......我呢d港女媽媽邊得貢堅呀:p

事緣我家姐姐有Asia miles換到5套台北機票

於是我同芝士餅就同娘家一齊go go go (老公又請不了假)

由於我們0910機,呢日芝士餅要0545起床

之前brief過佢搭飛機要好早起身,唔可以發脾4

估唔到前晚0800瞓嘅餅,第二朝0545起身真的自動波!!


如果返學天天都係咁你話幾好呢〜

之後。。。已經多咀的她就似開籠雀bla bla bla non-stop唔停咀講嘢

睇來佢都幾hyper!

個多小時的機程好快就完。。。

去到機場換完$買完電話卡(上網好緊要喔,而且5日任上都係300台幣,都扺呀!)

由於之前有朋友介紹book車 (我們包車8小時為台幣3700)

所以一落機我們就直接去十份!

去了十份瀑布



想睇瀑布,入場大小也要入場費(聽說以前不用)

未見過瀑布的餅很開心


到此一遊之後, 我們又去了放天燈


才幾十塊錢的天燈俾我同芝士餅寫/畫足4面






放上去時芝士餅又係好hyper (返酒店之後佢不斷play番條片睇)


玩完十份我們去埋九份 (因為兩老未去過呢)

不過去到九份又落雨

去九份至愛食菇菇


我們快行一圈就去了間cafe坐下 (因呢間個樣比較舒服同有飯俾芝士餅食 -___-)




搞搞下都成6點幾, 係時候回程返台北lu

好彩包了車, 可以舒舒服服唔水周圍再搵車轉車

由於我C9上身, 貪平book 了架 "所謂" 7人車

早知用5000台幣book架真正的7人車, 貢大家對腳就可以再舒服d ~

今次我們4大1小book了台北轉運站附近的 i Taipei Service Apartment

貪佢around 港紙一千鬆d就有兩大房兩大廳一廚廁容納我們






而且樓下就係商場, 地下街, 對面就係台北車站, 所以都好方便啊~

芝士餅一向喜歡住酒店, 玩o左成日, 佢沖完涼飲完奶睇完故事書就9秒9訓o左

原先打算等佢訓o左我同家姐姐就去行夜市

...................

.......

..

可惜訓o左一陣就突然咳到嘔!!!!!!!!!!!!!!!

佢同我成身都係 @@   (好在老媽係樹幫我清洗衣物咋)

之後佢要攬住我訓

再之後...........我都攰到冇力出去食飯

只是食樓下鋪頭d關東煮同mos burger 就算



any肥, 咳o左d痰出來都係好事來既

<是日行程完畢>