2012年10月31日 星期三

兩歲小型生日會

2012.10.23 (星期二)

呢日公眾假期, 又係B聚的時候~

今日又參加10月生日會啦

係一位媽媽發起搞的小型生日會, around 十幾個family

我自己覺得搞呢d BB聚會, 呢個人數係至perfect

太多人又難控制, 呢個人數氣氛非常好~

地點係某屋苑club house (有o左小朋友就發覺有club house o既好處, 好似呢d BB聚會/生日會, book 呢d地方唔太貴但又空間夠, 仲可以去埋playroom tim )

我們早到少少幫幫手set 場 (雖然都有夾$$, 但人家一位媽媽負責之前的preperation已經非常好啦, 幫到幾多就幾多)



搞手媽媽淘了好多波波, so nice ~



另外又淘了相片banner (hehe, 我自己都有淘來俾餅)



叫了d到會



各位媽媽唱下水, 影下相..............今次見面o既話題當然離不開N班同interview啦

小朋友跑來跑去已經開心





搞手媽媽仲安排了小指畫時間, so nice............老公話芝士餅見set枱o既時間已經企定定想玩





之後當場又係大合唱時間啦, 個蛋糕好令啊~~~~



芝士餅今天又見到佢buddy伯納仔, 兩個一見面就又hug又錫, so sweet



走o既時間芝士餅仲話要跟EE同伯納返屋企 (omg, 你老公XA會唔會唔膠興呢)

在此希望所有1010小朋友生日快樂, 身體健康, 今年個個都搵到心儀的K1, YEAH!!!!!

24個月成長報告

2012.10.29 (星期一)

來來來............每月一報告仍然要keep住的!



身高: 90cm (早半個月前係醫務所做test交俾新幼稚園度的)

體重:  27lbs (早幾日係Banyan tree 磅的)

說話能力: 跟人口水尾的能力強了好多........也可以講到一句完整句子表達自己

大小肌肉發展: so far so good, very monkey



聽覺: 作為一位視覺型的小朋友, 有時你同佢講o野or 整d 聲引佢, 佢可以當聽你唔到, 對眼又唔鬼知focus去邊!  但通常播音樂佢都會好開心un pat pat 的~

學習能力: 唔識講............通常我們想佢學o既o野佢會唔專心唔願學, 但唔expect佢知佢會學到的, 佢見到/聽我們講一次就學識, 隔一排仲會記得!!

之前收到Ken Sir電話, 佢叫我唔好expect 一個兩歲o既小朋友too much

坐唔停係正常o既, 加上佢係視覺型, 好多時俾眼前o既o野吸引o左, 所以走o左佬 (當真?! )

而我教color同其他interview o既o野, Ken Sir 話每日5分鐘已可以 (o下...........5分鐘?!  佢唔知走o左佬幾多次, 實質吸收到幾多嫁?!)

之但係..........早排睇blog睇fb都見到有小朋友不幸患上cancer

以前睇到呢d都feel sorry, e家做o左人呀媽更加...............而且更加又會諗多諗............

所以睇完呢d不幸事件, 都會令我反省健康才係重要的!  (當然良好品德也不容忽視!!)

只係我對學業o既期望同壓力俾之前減低了點 (即係............仍然怪獸啦 )

名牌學校 / 心儀幼稚園在我來講e家希望抱住不強求不強求 永遠等候o既心態.............

學呀仔話齋, 最worse o既情況都只不過係做大B repeat K1 (or K2) or 用世襲制讀呀仔間小學 (區內都叫ok啦, 升中record也不差) , 根本用不著俾貢大壓力自己...........

umm, 佢o既樂天性格都真有佢一套o既...............(只係有時我又會seafood問會唔會又太安份守己啫 )

e, 我又去o左公海打圈tim

芝士餅今個月應該好開心, 成日去party, 又去了生日馬交遊 (即我變相少o左時間train佢o野)..............所以佢成日都同我講佢好開心, 哈~

食o野方面, 早排腸胃炎完好似好d, 成日都話要食o野

呢排又變返一隻厭食餅, 大部份o野都唔好食.................只愛吃白飯

見肉見菜都拎晒頭, 我們要包係白飯入面才食d

有時佢可以食完d白飯吐番d肉出來

好似今次去馬交, 我又入o左d 即食baby food 俾佢, 以免佢唔跟我們食大人o野

點知今次乜叉都唔食, 真的只吃白飯!!!!!!!!!!!!!!!!!!!!!!!!!!!!!!!
 
天啊, 對住呢位厭食餅有時真係火屎都來埋  

個呀媽食到肚滿腸肥, 點解個囡會唔愛吃呢

性格方面, 感恩暫時都仲好熱情開朗 (我當然希望她天天都開心啦)

不過我成日覺得佢過度活躍兼坐唔定...........出街食飯頂籠一粒鐘就有針拮佢, 成日都話要去街

喜歡扔o野.............有時打佢都唔知驚, 用間尺大力打完左手, 問佢再打好唔好................佢居然俾埋右手你, 你話呀

間唔中trouble 2 devil 上身, 幸好我仲有EQ同佢鍊過

我知道e家係critical moment, 芝士餅性格同品德係人係鬼好睇我們e家點教

唯有要繼續努力!



踏入11月, 芝士餅將會正式返N班

決定轉呢間學校其實我都唔知對佢來講好定唔好 (但睇牌面應該好d o既..............), 希望芝士餅來緊N班生活愉快

亦都希望我唔會收到太多班主任o既投訴話佢上堂跑來跑去同擾亂/打其他同學啦

來緊呢個月有好多interviewssssssssssssssss

亦都開始見到FB有d媽媽post o左好消息出來

希望............好希望........好好希望我可以平常心待之

冷靜...........冷靜............冷靜 ---> 呢句說話係我成日同臭豬餅講的 (佢一心急想做o野又做唔到就會有d發癲, 我通常先同佢講呢句說話)

來緊我都要同自己講

芝士餅已經兩歲人仔了, 已經係小朋友階段

俗語說3歲定80

我好信..............所以來緊呢年更加要好好教導她, 特別係性格品德方面的培養呢!!!!

2012年10月29日 星期一

芝士餅出爐兩年啦


嘻嘻嘻~

呵呵呵~

今日係芝士餅兩歲生日呀



專登用隨意門set o左呢個時間出..............

..............

因為, 你o地睇緊o既時候, 我們係馬交Banyan Tree 梳乎中

回想2010年的出爐記 (按此)

去年的一歲大集會 (按此)

噢! 時間真的快到捉不住

幸好係呢d特別日子仍然有寫blog記錄下來

往事只能回味

感恩呢一年芝士餅仍舊愛笑, 愛玩, 愛動的寶寶

呢年的interaction真的多o左, 雖然有激氣事, 但總的都是開心的多

感恩感恩~

但我們也要好好的向前看..............

因為來緊我們要同芝士餅一起開開心心, 快快樂樂, 健健康康的渡過每一天喔!

2012年10月27日 星期六

1010 兩歲生日會

2012.10.21 (星期日)

yeah..........又係一個期待已久的派對

呢個party早係大半年前已經要報名, 係10月媽媽會搞的兩歲生日會啊~



今次大會只收50多個家庭 (上年100個), 所以今年報名都爭都呢

我原先都報唔到, 好彩後來可以後補到咋~

其實呢d生日會收費都唔平 (e家2a+1b都成$6xx)

不過我們自己唔搞生日會.............其實搞一個生日會真的好多o野要搞, 如果仲要貢大scale就更加, 所以都好多謝成班義工媽媽搞手的

而且去到又可以social下, 一年一次就go go go 啦 ~

同去年比, decor今年就少o左好多 (去年有好多波波decoration嫁)............今年得一張banner ~

我諗大會將d$$$$集中係禮物到, 令人人有禮物 (仲要份份都ok唔太差呢)



另外仲每位BB打造金牌同cupcake架







umm..........雖然叫做食buffet, 但食物種類同選擇都唔算多



同場仲有小小攝影corner俾大家影家庭照...........不過個backdrop就

其實成個生日會主要係抽獎時間 (希望出年佢o地再大d有遊戲時間啦), 估唔到芝士餅抽到大獎



不過, 隻斑馬屋企已經有

anyway呢日芝士餅好有luck ^^ 

因為芝士餅係益力多個booth抽到個大獎啊, 仲有又抽到sponsor送的魚肝油, 呵呵呵~

之後同幾位媽媽吹吹水, 大會唱下歌影下相, 快樂的生日會就完結了~



舊年參加1歲生日會o既時候, 大部份仲係一舊飯唔知自己做緊乜............今年個個都變晒小豆丁, 又可以講到小句子, 有自己的小主見..........芝士餅去o既時候仲不斷同人講: 「去開生日會! 去開生日會!」

睇住成班由bb變成小朋友, 感覺好特別啊!

所以都好想1010媽媽會年年都搞一次呢   (低b的我有時諗, 如果呢d生日會keep到10年20年, 如果我年年都可以參與, 個感覺會係點呢?!)

最後送上"大晒冷"照片一張





多謝收睇