芝士餅試食報告: i-yes-mom 韓國天然有機小食

較早前收到有關代理邀請, 問芝士餅有冇興趣試食一下幼兒食品

well..............我之前都講過, 我雖然好C9好貪便宜

但如果係for芝士餅的, 一定要了解同考慮清楚

所以我第一時間問有關方面提供多d資料

原來呢隻 i-yes-mom 係韓國著名有機食品品牌



e家係香港推出的幼兒食品係採用天然材料, 無化學添加化學成份的小食

講真, 除了星星餅同BB餅, 我貢耐都冇乜俾過零食芝士餅食 (佢糖同go go 力都冇食過)

一來芝士餅唔係一名為食BB

二來"零食" 始終都唔太健康 (佢入面加O左D乜乜酸乜乜納同埋唔知咩O既化學色素貢)

三來我自己覺得小朋友大大o下返o左學自自然會食到各式各樣o既零食

現階段真的唔水俾佢食

所以當我收到invitation時第一個感覺係有d抗拒

不過, 當我上網再睇o下, 知道除了有機小食之外, i-yes-mom 仲有「有機早餐脆脆系列」(即係可加奶/豆奶食果d呢) , 有機米製系列同埋幼兒牙餅

而且佢d小食唔經油炸, 採用烘焙方式, 用原材料製造, 感覺上健康好多

原來i-yes-mom 所有products 都保證不含味精, 不含防腐劑及農藥殺蟲劑, 不含添加化學物同化學色素 (呢點令媽媽們安心好多呢)

之後去埋佢韓國o既官方網站 (按此), 見佢o地公司都拎o左ISO同有機加工食品O既認證, 於是又安心好多

所以end up 都接受offer試食下

我收到以下小食/早餐



包括有機芝士同士多o卑梨小食, 同埋有機果味脆脆

不過收到products之時正值芝士餅剛剛病好, 所以我都唔敢俾佢食住

上星期見佢精靈番晒 (加上唔知點解佢病後食完餐飯/奶都好似唔夠飽, 成日都話要食餅乾/食包包), 所以我就拎d i-yes-mom小食出來

我們先試o左有機士多o卑梨小食



外形好似"X哈多", 大人食落去就可能覺得冇貢脆, 味道也淡淡的............但我就覺得啱小朋友食~

呢款小食原材料係糙米(有機),草莓(有機),有機糖﹐草莓粉﹐有機米䊢﹐有機牛奶﹐山茱萸粉﹐竹鹽

原來佢O地制作中不使用草莓醬﹐而是將有機鮮草莓榨汁後加入﹐與有機糖和有機米䊢融合﹐形成柔和香甜的味道

芝士餅食完仲不停叫食士多o卑梨呢  (芝士味就未食)



另外呢款有機果味脆脆係早餐系列之一, 可以加牛奶/豆奶伴食



佢原材料有糙米(有機), 黑米(有機), 糯米(有機), 大麥(有機), 高梁(有機), 有機糖, 有機牛奶﹐有機米䊢﹐草莓粉﹐南瓜粉﹐仙人掌粉﹐洋蔥粉﹐蜂蜜﹐核桃﹐葵花籽﹐松子﹐芝麻﹐竹鹽。

1盒有3種不同味道﹑形狀與顏色；星星(粉紅：草莓味), 球形(紫色：黑米﹑堅湧類), 環形(黃色：南瓜﹑洋蔥)
由於我一直都好想cut下午茶時段O既奶奶 (但因芝士餅唔太愛食其他o野, 所以我們中間仲俾多餐奶佢食)

但cut o左又唔知佢食乜好, 呢款早餐系列的確幫到我

其實以芝士餅呢個年紀, 飲盒裝o既鮮牛奶絕對係no problem

今次我就將呢兩樣o野mix 埋俾餅食啦

結果佢都接受到..............仲食o左成碗呢!

Yeah, 以後下午茶可以試下另外o既東西俾芝士餅食啦!!!

原來i-yes-mom系列可以係全線荷花同吉之島都有得賣啊 (貢都幾方便)

另外, 仲有以下幾間特約銷售點 (都係賣d健康食品/嬰兒鋪頭), 好似:

天賜糧源
樂本．健
新生堂
Healthy Delight
旺之寶
有機時代 (山頂總店)
更多資料可以去i-yes-mom 香港Facebook睇睇啊: www.facebook.com/iyesmom