日本肝油丸.........KAWAI 呢!!!

話說............我細細個比芝士餅更偏食 ><" 

好多o野都唔食, 又唔食飯 (我細個好瘦嫁 XDDD)

所以由小學開始我老媽就俾KAWAI EC 美肌維他命我當supplement食 (因我連魚肝油都唔肯飲)

當時o既我當糖食, 其實都唔知有乜好 (因為真的好易入口又好味)

e家大o左就知道維他命Ｅ+Ｃ具抗氧化效能

美肌美白之餘仲可以增強免疫力

所以我e家大個o左都仲有食 

不過就唔係長期食, 係間唔中食一罐起兩罐止, 然後過一排又食過

早排身痕又想買來食之際, 見到同品牌o既另一款: KAWAI  Ca 梨 + 鈣

睇下description, 見一日4粒已經夠一杯奶鈣質

而且可以修補肌膚之餘, 仲可以強健骨骼, 保護眼睛

加上我見價錢平d d 之餘仲夠1個半月食 (EC一罐就1個月份量)

所以C9的我就買來試試 XDDDD

....................我想話呢, 呢隻梨 + 鈣又係好好味

連我99都好like, 因為佢唔飲奶, 所以佢都想食下來補充鈣質呢!

與此同時, 我仲買埋呢隻日本肝油丸 C20 俾芝士餅試下

由於芝士餅食生果種類又係好limited (得蕉, 梨同蘋果)

所以我都好怕佢唔夠維他命C

因為維他命C可增強抵抗力, 促進鐵質吸收及傷口癒合

而呢隻肝油丸有維他命A+D+C成份

既可增強抗病能力, 仲可以增強食慾, 改善視力, 促進骨齒發育, 幫助吸收鈣質及磷質同維持肌膚健康

其實KAWAI 呢個牌子同罐上呢位小朋友我細細個都有見開 (有百年歷史), 上網睇都見佢得到一定o既品質獎項, 所以我都放心俾芝士餅食

佢o地一向標榜無腥味肝油丸, 服用又方便, 而且一罐仲夠3個月份量 (價錢百幾蚊又ok wor)

橫掂要儲萬寧印花, 所以我就買來等佢e家d supplement食完之後就試埋呢隻 

點知隻臭餅見到又話要試............你肯食, 媽媽我一定肯繼續買 XDDDDDD

BTW, 我自己都試o左粒, 係橙味, 我就覺唔錯呢 ~

餅餅也upgrade @ 樹屋田莊

2014.03.22 (星期六)

呢日芝士餅成功挑戰自己啊!

身為媽媽o既我感動呢~

唔知大家之前有冇睇「BB也 Upgarde」呢個節目呢?!

當中幾個藝人同佢d囡囡去o左大埔呢個樹屋田莊宿營

又爬樹, 過横水渡, 自己去買o野等...........

節目完o左之後, 1010媽媽會有媽媽朋友就打來問有冇興趣一齊組團玩, 因為湊夠人又早報團有discount呢 (更多資料按此)

見貢好玩, 我當然話go go go 啦

原先大家都傾過想玩宿營, 不過考慮過天氣 (太熱太凍太潮濕又或者雨季又唔想), 要預備o既物資 (因宿營要自己預備被袋, 露營用品等), 小朋友年紀等 (始終我們大部份都係1010小朋友, 才3歲多d d, 萬一件件都唔適應就頭痕)

所以我們決定先玩一次日營睇下咩環境先 (日營可揀3個活動)

如果真係好玩就考慮再去玩宿營

就係貢, 我們早兩個幾月前就book o左, 而我亦間唔中remind芝士餅來緊會爬大樹伯伯

一大清早, 我們就同芝士餅好友Amber 一齊call車出發

因為佢唔建議自駕入去 (冇車位泊), 而且又太早, 所以我們就一齊call 車入去.......

...........如果唔係, 响大埔墟坐64K巴士都快o既 (交通資訊按此)

去到由樹屋田莊o既人帶我們入去

之後就brief下我們個行程同要注意o既事項

第一個玩o既係田園追蹤

類似搵checkpoint x bingo

「樹屋田莊」多個地點設有「密碼卡」, 利用提供o既map同tips搵「密碼卡」圖案, 我們2家人組分成多組進行追蹤比賽，最後看誰的組別能最快集回所有密碼，成為勝利者。

呢個熱身活動幾好玩之餘又可以順手認識下「樹屋田莊」各區

yeah, 我們係第三名呀!  有兩包魚糧做獎品!!

第二個玩o既樹屋歷奇

即係爬樹屋, 亦係我們來呢個camp o既重點活動!!!!

大家需自行攀上樹屋及以水管作消防員式下降返回地面

大少朋友都有安全帶, 亦都有負責人在旁邊伴住, 所以都安全o既 (而且樹屋亦會做維修, 好似來緊9月樹屋就會暫停一排做維修保養啊)

原先芝士餅等o既時候都冇乜野, 唔知係唔係等得太久定點...........

一到佢上去時即場爆喊!!!!  不過, 好好笑就係佢一路爆喊都一路爬上去

最終mission completed!!!  都成5米高, 媽媽我怕高都唔敢一齊上, 只叫老公頂..........

...........嘻嘻, 所以芝士餅真的叻過媽媽了!

之後落地面時以水管作消防員式降落 

明明見佢笑緊, 但當雙腳著地時見到我就又咋嬌爆喊

哈, 朋友們就拍下呢個貢 "touching" o既搞笑情景啦

之後我們就食lunch, 我們冇order樹屋田莊o既午餐盒

反而叫o左差不多$$$ o既外賣pizza 

大家食飽飽休息下, 餵下魚...........感覺好舒服啊~

呢日天氣好好, 唔凍又唔熱, 周圍行下, feel so good!!!!!

最後我們就玩埋last個活動: 奇妙橫水渡

「橫水渡｣的意思是利用竹筏在水上漂流。

在沒有人依靠的情況下，小朋友只能靠著自己的力量，加上個人膽識，「渡｣ 過重重的障礙。

原先我打算陪芝士餅一齊玩

點知小朋友4人剛剛夠坐竹筏, 所以我就唔陪啦..........

............結果, 又爆喊!!!

不過, 好彩佢玩玩下已經唔驚

到第二次再玩時仲有出力拉tim ~





如果認識芝士餅o既人都知佢個樣好monkey, 但實際上係一隻膽小鬼

所以今次去呢個day camp, 芝士餅呢3個活動都叫做到, 媽媽我真的好proud of her!!

今次她真的可以挑戰自己, 係一個好好o既體驗呢!!!



來緊1010媽媽會打算4歲party再來樹屋田莊玩大佢, 希望我報到名參加啦~

各位有興趣, 可以同朋友仔 / 同學仔 一齊組團入去玩啊

http://www.treetopcottage.org/

**試食** 自然良坊「天然鈣」與「智高魚油DHA」

早兩個星期, 收到了自然良坊送來的「天然鈣」與「智高魚油DHA」

自然良坊呢個品牌我之前都聽過, 因它推出的靈芝孢子係早年消委會報告有唔錯o既comment  (係當時唯一樣本100% 「全破壁」靈芝孢子) 而價錢又唔太貴, 所以我對呢個品牌有印象

而上佢o地官網, 見自然良坊係2010年拎o左「香港名牌」, 產品符合GMP優質生產標準, 所以我都安心俾芝士餅試下.......

...........因為如果認識芝士餅o既朋友, 又同佢出過街食飯o既人就知佢幾咀刁 (甚至叫痳煩)

出街除o左白飯或者白麵包, 其他o野一概唔食

係屋企就好d, 菜魚肉都會食.............但都好~好~好很揀擇 ><  

而且今期愛食蛋, 下星期又會屎都唔食入口

今日唔食瓜, 過幾日可能又會食, 之後又唔食過 -____-

學校老師對佢唔食有料包都拿她沒法.........有時迫下佢食晒, 唔夠兩分鐘又嘔晒出來俾你睇 ><"

唉 ~ 唉 ~ 唉 ~

所以我一直都好擔心偏食o既餅會營養不均竹衡

所以今次收到自然良坊呢兩款兒童產品, 我都好樂意俾芝士餅試食

你o地睇............芝士餅知有禮物送俾佢幾開心 ~

仲仔細硏究包裝說明, 哈!

嘻嘻, 睇來豬仔包都想試啊...............e, 你又知DHA魚油丸6個月就食得呀 XDDD 

好, 先介紹第一款「天然鈣」

大家都知小朋友在發育增高的黃金時期，身體需要大量的鈣及營養支援發育。缺乏鈣可能導致發育遲緩，身型矮小，體重過輕等問題。

另外，鈣有助增強小朋友的吸收能力，能更有效地攝取食物養份，幫助成長，所以補充適量的鈣, 可以有助孩子體格長遠發展。

「天然鈣」由新西蘭製造, 採用新西蘭至純奶源, 跟化學合成鈣質大不相同，屬純食物配方，不燥熱，特別適合幼嫩, 腸胃敏感o既人食用

粒粒「天然鈣」以牛牛造型, 的確吸引到小朋友

按指示, 1-11歲小朋友每日建議食1粒, 12歲以上就每日2粒

而3歲以下小朋友可以磨碎溝入奶到

但芝士餅過o左3歲, 可以就貢咀嚼當糖食啦, 仲可以代替平時o既零食呢 ~

另一款試食產品係「智高魚油DHA」

源自頂級野生深海鮪魚(吞拿魚)作原材料，採用新西蘭獨有先進科技，提煉出高純度深海魚油奧米加3(Omega-3)精華

DHA對腦部、眼睛、心臟血管健康，和改善過敏症狀都有較顯著的功效，在奧米加3(Omega-3)不飽和脂肪酸中，DHA比EPA更有益，是最寶貴的成分，能直接進入血液，被腦或肝等器官吸收。但人體不能自行製造足夠的DHA和EPA，所以須經由日常飲食攝取充足份量。

DHA對孕婦都好好, 可以一人食兩人補呢~

小朋友就建議1日1粒, 孕婦或者授乳O既媽媽就可以1日2粒

但由於呢粒魚油丸太似粒藥丸, 而且都幾大粒, 為怕芝士餅唔食, 我就剪o左粒魚油丸撈入芝士餅至愛o既白飯俾佢食

我先放粒魚油丸係白飯上面一陣, 利用飯o既熱力令魚油丸軟身, 我就剪開魚油丸尾部放d魚油出來 (因魚油丸中間部份比較難剪)

當然俾小朋友試食呢家o野, 做媽媽o既一定會自己先試o左先啦

我自己覺得「天然鈣」個味道居然有d似go go 力糖, 都幾易咀嚼同入口而「智高魚油DHA」就有d橙味, 不過我撈o左入飯, 芝士餅就未必太覺 :p

so far 食o左個幾星期, 成效當然即時睇唔到, 不過 at least 冇乜side effect

所以我都會繼續俾芝士餅食埋落去作supplement ~

當然, 最天然梗係食新鮮食物啦........

........不過, 我確信平日我屋企就算日日食唔同飯菜, 食物營養都未必可以均衡吸收, 所以我自己覺得食下適量supplement 都可以接受啊~

更多資料: http://www.naturalsquare.com.hk/index.htm

銷售點: 自然良坊專門店 (九龍彌敦道760號聯合廣場30號地下) 及萬寜

豬仔包7個月成長報告

唉...............都就來8個月, e家先記得未record豬仔包7個月成長報告, 這個媽媽真係呀 ><

忙都甩碌, 唯有來個簡而精報告先  :p

2013.02.27 (星期四)

身高: > 70cm

體重: >19lbs

(嘻嘻, 因為冇再去健康院冇度過)

奶量: 7安 x 3~4 餐

固體: 糊仔超like, 但食粥就想嘔

活動能力: 終於反到身, 叫做坐到十幾秒, 好懶零意慾爬

牙仔: 有2隻出o左好耐, 另外2隻上門牙谷o左好耐都未爆

性格: 都愛笑 (但比家姐餅冇笑貢多) 比夠女孩子, 有d怕陌生人 -___-

其他: 由於媽媽懶, 好間唔中才同佢睇下書睇下卡, 手腳也叫靈活, 至愛發聲叫Papa, 見到Papa同家姐餅特別興奮, 假日開始多帶埋豬仔包出街, 希望他多見人多睇下風景多看看其他事物

~ 多謝收看 ~

飯局@豪火鍋

2014.03.12 (星期三)

呢個係今年參與KC同Issac「飯局製作」o既第二個飯局 

第一個飯局係農曆年前@得龍 (唉..............懶過鬼都仲未寫)

any肥......寫o左篇新鮮滾熱辣o既先~

是日飯局位位$470

係我至愛的邊邊

睇完個menu, 即刻問下我Honey 美食達人事頭婆去唔去

仲叫埋同樣喜愛邊邊o既靚媽, 茄媽一齊拋夫棄子好好食餐好o既

原來大少奶都有被邀請, 所以我們一行5人可以去飯局當reunion啊, 呵呵呵~

雖則我原先報名食呢餐飯局係為o左食邊邊同牛牛為主

但估唔到呢間豪火鍋o既小菜都做得好出色

呢幾款小食超級香口, 而個鮑魚都好入味!

跟住呢4款小菜同酒樓絕對有得flight

呢個避風塘炒蟹好好好味!

個蟹o既肉質好嫩滑

唔係怕辣, 我真的可以食幾件 :p

其實已經食到半飽

呢個時間就上賣飛佛

牛o既不同部位

全部都好yum yum好新鮮

食到呢到已經到頂

呢個時候Issac居然個仲有個主打

就係 DIY "三文魚子配海膽 x 金鳳飯"

我已經飽到上心口, 所以只食三文魚子, 海膽同一口飯

最後, 仲有好yum yum o既雪糕三文治同生果做甜品

為呢個嘻嘻哈哈o既飯局作完美o既名句號

去飯局食飯o既好處係一餐已經可以食到間食店絕大部份o既招牌菜

所以我夾到時間, budget 又oko既話都會繼續join呢

如果大家都有興趣join「飯局製作」舉辦o既飯局

你們可以去佢o地fb個專頁了解詳情