家長觀課日後感

呢篇post又要搶先出, 因為好值得做個record............

.............哈哈, 講真要追post都唔知要點追 ~_~

...............呢個record係for自己睇, 你們睇又可能覺得好悶, 哈!

2014.03.06 (星期四)

唔計開學頭3日新生陪返學適應, 呢日係人生第一次以家長身份觀課啊!

如果之前抽到生日會當天做家長義工, 貢之前都可以觀到d d 課.........可惜報名人數太多, 抽來抽去都抽唔到~

好期待, 好興奮.............

好想了解芝士餅真真正正返學o既流程, 話晒芝士餅都上o左一個學期

送完芝士餅上校巴, 我自己就飛的去學校

由於家長唔可以跟校車, 但我又唔想芝士餅同我一齊唔搭校車返學 (我唔想佢覺得今日係與別不同的日子, 更何況我觀完課都要返工, 佢自己放學都要搭校車, 免得佢g-g-jor-jor, 所以我就等佢同平日一樣坐校車返學)

原來我比芝士餅早返到去, 去到學校, 見到每個小朋友都流露出happy face

有d小朋友見到我就同我講芝士餅媽咪早晨 / Auntie 早晨 (當時芝士餅仲未返到學校...........唔通佢o地認得我名牌寫住芝士餅家長?!)

個個一入課室已經好清楚個流程:
自己交手冊去自己組別個tray --> 放低書包入自己個架 --> 自己除校褸自己掛件校褸去衣架 --> 去洗手間洗手 --> 拎自己個name tag 去出席表 --> 未夠鐘就各自各去不同學習角玩

芝士餅做完以上流程就去美勞角, 佢自動波搵番自己本畫簿, 再係另外一個架搵顏色筆畫畫畫

本畫簿除了塗鴉仲有d剪貼............之後有best friend 來搵佢, 大家話玩泥膠就go go go

我見芝士餅又自動波收拾兼拎玩泥膠工具 (包括cutter / 枱墊)

當老師拍下個搖鼓, 成班小朋友知要上堂就快快收拾歸隊

之後唱完歌就係自選活動時間...............

...........何謂「自選活動」?

原來小朋友們要先plan一下今日係6個學習角中揀5個, 再分先後次序, 想玩邊個第一, 邊個第二.........如此類推

跟住就要係自己本「自選活動」冊子入面搵返今日日子圈返自己計劃o既次序

(6個學習角分別為: 玩具角, 探索角, 學習角, 扮演角, 美勞角同閱讀角)

之後老師就俾一段時間去玩, 玩完就拎本小冊子 coloring 番佢去過o既乜角物角作紀錄

well organized o既小朋友可能可以去到 4~5個地方

有d小朋友就時間完o左都只掛住係一個學習角玩

芝士餅呢...........佢就玩o左2個角

老師事後brief我們, 佢話呢個「自選活動」旨在訓練小朋友如何計劃同組織自己想玩的活動和訓練時間分配, 就算做唔晒或者未太掌握得太好都唔緊要, 因為佢話原先呢個活動係高班先train, 但見小朋友o既常規同自理都唔錯, 所以上星期開始試行...........

.............講真, 呢個「自選活動」計劃對K1小朋友來講都幾具挑戰喎 (我自己平日都未必貢well plan 呢!)

之後佢o地就進入情緒認知時間, 學習咩樣 / 咩事令佢o地開心 / 唔學心, 之後又畫畫, 再同大家講大家分享

跟住就學主題課程, 呢個星期學植物........大家從遊戲中學習「花, 草, 木」呢d生字, 學習「花, 草, 木」係需要在泥土生長, 出去摸下d泥土

繼而做下植物習作紙訓練大小肌肉, 配對同顏色等 (佢o地連拎習作紙都唔係老師派or傳, 係要自己去自己組別, 排隊再搵自己果張出來的!)

玩完一輪就當然係茶點時間

每張枱當值小組長就要負責抹枱, 小朋友就要拎番自己個書包同餐具出來

自己倒水, 自己排隊拎麵包................芝士餅仲自己倒水同拎麵包俾我 ^.^

食飽自行收拾後就為來緊親子遊戲日練歌..........

觀完課............愈來愈喜歡呢間學校!

明白佢o地學術方面, 現階段的確一d都唔深

不過自理, 常規同禮貌方面真的唔錯..............

小朋友個個都開開心心上學, 上課時也很留心, 也很願意同你分享..........呢個我係星期六上興趣班見到其他班小朋友都感受到 ~

或者一條龍的關係, 學校e家都唔急係現階段push小朋友學術o野 (聞說上o左小學3 / 4 年班先來料)

當然, 如果我們小一唔繼續讀, 走出去其他競爭力更高o既學校, 芝士餅應該會好吃力 (以我們e家冇再谷她學d學術o野來睇)

不過, 太長遠我們都唔敢去諗住..............

e家個教育制度我都唔知點去comment

太谷...........又可能俾人叫怪獸

唔谷...........到時冇學校要又"賴" o野

呢個平衡點到e家我都未掌握得好好

懶惰o既我暫時還是只想芝士餅開開心心, 身體健康, 做個有禮懂自理的人..........其他o野遲d至算 :p