2013年9月30日 星期一

我們的中秋節2013

為免失憶,還是記錄一家四口過的第一個中秋節。。。

2013.09.18 (星期三)

一家四口去維園綵燈會


怕正日太多人,還是一家四口迎月去

我覺得今年除了那個用水樽砌成的巨型花燈夠特別之外,其他都好似比往年失色和少。。。






不過迎月日人唔多,我們就可以CC服服行個圈


 可惜豬仔包仲太細,也不敢留太耐。。。出年一家人可以去草地果邊hea住賞月呢!



2013.09.19 (星期四)

正日上半場單拖帶芝士餅入迪士尼 

芝士餅未出發先興奮,之前同我講要玩乜玩物


可惜。。。

一入到去就超膽小,乜都唔玩><

只愛玩。。。唔郁的咖啡杯 @@


同埋玩水


之後就只愛去每個區的精品店shopping 

。。。

。。


sigh, 搞到我呢日一心想申請年卡的決定要停一停再諗下先。。。

細個仲肯入去玩,e家就爆喊 ~_~;

我原先想話得閒半日安同個囡去下樂園嫁ma,但芝士餅乜都唔玩就好唔抵呢!

返屋企食完晚飯又再同餅餅去樓下公園玩陣


以前未有小朋友,我同老公中秋一定玩通頂 (好似去BB蕉、睇午夜場再去沙灘晒月光)。。。

但有咗之後,年年都係簡簡單單平平淡淡一家人過。。。

真的平淡是福~

2013年9月25日 星期三

真的封blog了! .......... 別了Y!Blog~

已經轉場去blogspot一段日子...........

嘻嘻, 請各位朋友 bookmark 以下呢樹啦, 呢樹啦 

http://gg-mamafamily.blogspot.hk/

講真, 電腦大白痴o既我到e家仲未係好識用blogspot

不過, 佢可以手機 / ipad 寫blog又真的好爽

得閒打幾句, 去洗手間又可以打幾句

手機有相就可以upload去blog樹

只是唔識整d介面同搵唔到d blog友仔

..................

不過.......

既然此處不留人, 自有留人處

係呢一刻仍然想寫blog就要搵地方搬............

打完呢篇blog我就會按backup掣

即係話我再唔可以係Y!Blog寫o野lu

我要告別一樹我寫了7年自家事的小地盆

一向做事冇乜恆心o既我居然可以keep住寫了7年blog

自己都暗暗俾個叻自己

感恩有個blog俾我可以記錄自己o既樹

更感恩可以識到好友, 好網友

大家可以無私的share share share

希望係新天地仍然可以同大家聯絡

我唔知道我按backup掣之後會點, 之後又搵唔扣搵得番你o地

所以如果你們係專頁或者blogspot見到我, 記住同我相認啊

我會掛念你 當星光優美

在晚空察看遠方中的角落 訴說你樂與悲

我會掛念你 當分開千里

就算我世界 有繽紛天與地

我眼內仍是你

所以為免失散同埋可以緊貼芝士餅與豬仔包最新的生活趣事, 大家快d Like 佢o地個專頁啦

掛泵

唉。。。

冇鬼用的我終於頂唔順要掛泵了!

我敵不過一個月塞咗四次之苦而叫停(乳線炎呢。。。4次都發高燒)

其實第一次都有去睇醫生

不過醫生俾抗生素我食

但我唔想食(因佢都叫我食咗塞果邊胸d奶暫時唔好要)

所以當晚就自己焗身汗挨咗佢

第二日再去健康院

人奶姑娘叫我靠豬仔包把口幫拖啜鬆佢

而且都叫我唔好食藥

兩日後的確好番

所以第二第三次我都係貢做

但到了第四次,家人同陪月EE都叫我唔好再死頂

要再睇下醫生,因為我好似塞得太密

。。。

餵人奶真的好辛苦

而我又真的我太冇用

屋企雖然有人幫手,但仍然舞唔掂兩隻大小魔怪

大嘅失心瘋

細嘅成日扭抱

要settle down佢哋又要去泵奶d時間簡直全天候俾晒佢哋 (而且我用單泵,每次泵清兩邊要45mins。。。我都知埋身唔泵方便d,不過唔想令陪月家人question唔知食幾多,所以我就泵出來俾佢哋睇,而且又可以儲冰奶)

我成日覺得餵人奶同坐月係好矛盾

明明坐月期間係要好好休息調理番個身子,但人奶媽偏偏頭兩個月又會無覺好瞓

其實我今次上奶上得幾好

好快餐餐都泵到6安

至高峯係兩個單泵每邊有200ml

所以要係未返工前早貢多斷人奶路呢個decision 真的令我唔知點好 

有奶唔去餵好衰女貢

但另一方面,我又好想返工前有覺好瞓有dd私人時間

所以最終叫陪月EE整幾碗淡豆豉湯我飲



飲時感覺似飲孟婆湯一樣!

但真的好見效,一飲奶量即急降一半(不過我食ing抗生素,所以d奶都要不得)

之後再減少泵奶次數

慢慢地奶量過了幾日就得番一安



其實過了一個多星期,我仍然有谷奶同漏奶情況

有時都怱發奇想都有諗好唔好推倒從來再谷過奶

不過沒有當奶媽的日子,我可以一覺瞓天光

可以陪多咗芝士餅同豬仔包玩 

可以出街唔水計時趕返屋企

可以飲大補湯同奶茶。。。

都可以叫有d安慰

當然人奶係對BB最珍貴最健康嘅禮物

但我家豬仔包同佢家姐姐芝士餅一樣

都係食兩個月左右就冇得食 (好彩之前爆雪櫃,豬仔包仲有stock食)



呢個冇用媽媽,唯有用更多嘅愛對待包包去補償自己唔可以堅持人奶媽呢條路

所以我覺得可以堅持半年甚至更長日子嘅人奶媽好堅好偉大

我由衷的佩服她們!

人奶媽我永遠支持你!!








2013年9月21日 星期六

收到第一期巧虎啦

之前晌書展訂咗嘅幼幼版巧虎,上星期終於收到啦!


入面有一本遊戲書、DVD、家長指引、教材指導同埋巧虎和小花兩隻公仔

今期其中一個章節講巧虎多了一個妹妹,情節好啱芝士餅呢!

DVD內容與遊戲書互相配合,有兒歌、教自理、品德禮貌等。。。

雖則兒歌d歌詞同樂曲唔係好配(有d夾硬來的感覺)

不過芝士餅好愛睇呢,一路睇一路做動作tim



其實芝士餅係比較合適來緊推出的快樂版 (3~4歲)

不過快樂版未出,而見幼幼版(2~3歲)內容都ok, 而且來緊豬仔包也可接收,所以我都襯書展有少少優惠就訂購一年



由9月開始,每個月都會收到巧虎遊戲書,而每兩個月就有玩具同DVD。。。唔好講芝士餅,連媽媽我都好期待~

今期除了講巧虎多了位妹妹外,另外又講述中秋節、有事要慢慢講唔好喊、長大了要自己做(收拾袋袋)、穿衣服等,內容真的唔錯

而遊戲書又有貼紙玩,所以so far芝士餅也很喜歡呢!

雖然上YouTube search都有國語版,不過教自理、情緒呢d嘢,還是用母語好d。。。

而且訂購版又有教具提供,e家除番每個月為百幾蚊,同自己講食少餐飯/買少件衫都係番到 (媽媽成日敗家的籍口)

希望芝士餅同豬仔包睇完有得著啦~



2013年9月18日 星期三

芝士餅正式返K1啦

2013.9.2 (星期一)

時光飛逝, 轉眼間芝士餅正式入學讀書啦 (之前N班唔一定要上)

爸爸媽媽千揀萬揀,終於都選定e家呢間學校俾芝士餅



叫做龍校。。。可以100%直上小學,而且仲有中學

希望叫做少d升小一壓力,等我呢個怪獸媽媽可以叫做冇太大擔憂 (即係仍然有啦:p)

芝士餅可以輕輕鬆鬆鬆、快快樂樂渡過呢三年

也很感恩細佬佬豬仔包提早出世,我可以係開學前坐完月,好讓我可以陪家姐姐返3日適應班

呢3日適應班,家長仲可以跟埋校車坐呢!

其實由下午班轉上午班,都真的要時間適應

之前聽Ken Sir講座,話要早兩星期開始同小朋友調教番個返學mode

所以我都提早叫芝士餅瞓覺同起身

不過呢期正值芝士餅「失心瘋」,叫佢瞓覺真的心力交瘁

反而叫起身就好d d (因為媽媽出山帶佢去公園放電)

但真的好感恩,係返學之前,瘋癲餅嘅失心病情有所控制

第一天返學,唔多水費力就可以起床梳洗

第一天的校裙look



。。。個書包大到呢(入面有套extra底同面衫、冷氣外套、雨褸、杯、毛巾盒、口罩)

不過之前開家長會,校長叫我們由細培養佢自己揹,家長唔好幫手,所以我都叫芝士餅靠自己!

大約半小時車程就返到學校,放低書包係自己個櫃到就可以去操場玩

有得玩芝士餅當然開心啦〜
 
 

 
 
之後夠鐘就排隊分組入課室

學校呢三日採取漸進式方法令小朋友適應

第一日家長拖住小朋友入課室,之後玩親子活動

第二日就小朋友行先、家長之後才入課室和坐後排觀課

第三日就家長目送小朋友入課室後就去另外課室與校長見面,到小朋友放學才接他們

芝士餅起初見要同我分離都好似有d眼紅紅,不過見我坐後排同埋有老師draw attention,佢好快又投入課堂活動了
 
 
 
其實小朋友嘅適應力真的比我們想像更多!

好像茶點時我要去泵15mins奶,返來見芝士餅自己一個人坐係到(其他同枱同學仔有父母陪)都冇扭,也可以一個人安享茶點〜

另外佢跟老師去wee wee時我偷看她,原來她已經可以自己除褲著褲抹wee wee自行去洗手 (係我太直昇機了,在家個大人塔仍然帶她除褲著褲抹wee wee。。。)

同之前間學校比,呢樹冇精美嘅手冊學生証同校服等,而且冇教科書同唔多功課

不過校長同家長會代表都話呢間學校係簡樸、訓練小朋友自理有禮、讓小朋友開開心心從遊戲中學習

到K3時就會發現小朋友日日返學玩之餘都學會了很多東西。。。

希望啦〜〜〜〜

你們知我幾怪獸,正當係fb見其他媽媽d小朋友返學一陣子已學會了呢呢路路,我呢個低B媽媽又暗暗比較。。。

其實明知不應去比較,但我呢個煩人又去自尋煩惱。。。

乜我最基本嘅希望唔係想芝士餅天天開心快樂咩?!




e家放產假,日日接送芝士餅也見到她的happy face
 


老師打電話來都話芝士餅開朗健談,喜歡答問題。。。

我應該感恩才對呢!

在此繼續祝願芝士餅每天也快快樂樂上學,認識多d同學仔,溶入學校生活,好好享受無憂的幼稚園生活!!


2013年9月17日 星期二

「產品試用」Boogie Wipes 濕紙巾

較早前公關姐姐送來美國No.1濕紙巾品牌Boogie Wipes俾芝士餅試用



呢隻濕紙巾含生理鹽水,係可有效溶解鼻水的濕紙巾

睇番資料,原來呢個品牌係2007年由兩位媽媽為解決自己孩子流鼻水問題而開發

相信大家同埋小朋友傷風時成日「包雲呑」包得多,個鼻最終抹到紅鬼晒

所以我都好想試下呢隻濕紙巾,睇下work唔work

原先諗芝士餅又冇樹,不如自己一個人試用啦。。。

點知芝士餅返咗幾日學之後真的有些少傷風(唉。。。返學真的易病)



結果我們兩個齊齊試用

其實Boogie Wipes質感同一般濕紙巾差不多(即係柔軟過普通紙巾),所以可以減少摩擦

佢不含酒精、鹽酸同防腐劑,BB都可以用

而且加咗維他命E和蘆薈成份,貢就可以舒緩擦紅咗嘅鼻鼻

我們試用嘅係「清新Fresh味」(另有無味同葡萄果味)

芝士餅就唔太like呢個香味,我估無味應該啱佢多d

用佢來抹鼻,的確比一般乾紙巾柔軟 (不過反而係自己仲未太慣用濕紙巾擦鼻,哈!)

我想如果大家因感冒或鼻敏感而引成日流鼻水,搞到成日要抹鼻紅晒的話,呢隻濕紙巾都係另一個alternative〜

更多資料:www.primegoalhk.com

銷售點:Mothercare, Bumps to Babes, Baby Central, Tiny Footprints, 卓悅, 健樂整體療法坊

芝士餅34個月成長報告

2013.8.29 (星期四)

好.........寫完細佬佬就寫家姐姐啦~

呢個月我只可以用"失心瘋"來形容芝士餅!

估唔到豬仔包o既出現, 對佢有著如此這般大的衝擊

 


















佢一方面好肉緊細佬佬, 見親佢又要抱又要錫

但另一方面, 佢內心深處又唔知點唔知點貢...可能都有呷醋潛意識掛

所以小小事佢都變得脾氣臭

 











佢冇時嘅時候就是一粒開心果,一失心瘋時我內心真的想狠狠揍她!!

呢樣唔係、果樣唔啱。。。真的搞到人都癲〜
 
又成日都要痴嫲嫲(之前我或者工人姐姐陪瞓都冇問題,失心瘋期間只搵嫲嫲,中間又會紮醒喪喊搵嫲嫲。。。真的辛苦晒99)

當然想息事寧人的話,乜都順佢意,我們的日子會易過d

 

之但係,我怕她將我們的底缐愈整愈低,也擔心她變大臭四

所以我仍然盡力堅守抵缐。。。

當然換來瘋癲喊聲(其實我內心都好痛苦)

我知道。。。要個3歲未夠嘅小朋友突然接受貢多新事物新轉變,可能一時三刻接受不了 (因暑假期間我又週圍報咗d暑期班想佢消磨下時間,點知就仲賴嘢)

唯有付出更多的愛同耐性俾芝士餅

到坐月後期,決定提早出山陪芝士餅朝早去公園去playroom放下電,又去下圖書館超市逛下 (順便tune佢變返上晝班mode)

制造多d兩個人獨處的時間,希望佢知道我都愛錫的囡囡就是她!


 

經過個多星期,芝士餅失心瘋嘅程度的確有所控制。。。

我們要繼續努力喔〜

豬仔包一個月成長報告


唉............

係日月無光的日子

o既苦惱於如何處理兩隻大小魔怪

又煩惱係邊樹繼續寫blog好

.................

結果豬仔包第一份成長報告拖到e家

2013.08.27 (星期二)


豬仔包出世時重3.235kg, 出院: 3.05kg

第一次後去健康院: 3.05 kg (黃疸指數高o左好多)

好彩幾日後再返健康院時回升: 3.23kg

兩星期大再去健康院check黃時: 3.56kg

一個月再返健康院打針: 4.56kg

第二日媽媽乳線塞o左又去健康院請求時: 4.65kg

呢個成績表好感恩都幾理想, 也為人奶媽打了支強心針 (不過我唔可以叫做全人奶媽, 因為豬仔包初期退黃同每晚overnight果餐都有食奶粉的)

同家姐姐比真的好唔同, 豬仔包永遠未夠鐘食奶就喊食 (芝士餅就過晒鐘都唔願食)

由初初第一個星期每2小時一次, 到一個月大時就3個半小時左右食一次

已經可以食4安奶啦~


訓覺方面就唔太好, 人家nb baby 應該成日訓

但我家小王子就唔多願訓, 成日眼仔碌碌

至愛人家同佢傾計, 佢就會笑

排泄方面都幾好, 片片次次都濕同埋每日一poo (不過因為食人奶, 所以好水呢!)

除了初初出世時可能我未上奶, 佢片片唔夠濕同埋出院後第一次去健康院時黃疸指數高o左 (240度) 醫生建議補奶粉之外, 之後真的好感恩豬仔包各方都so far so good~

希望豬仔包繼續keep it up...........做媽媽o既, 只要小朋友身體健康, 開開心心已經係最大的希望啊~

2013年9月7日 星期六

有機嬰兒產品natures purest


生完豬仔包後, 好開心收到PR哥哥送上禮物

係natures purest呢個品牌啊~



自己之前都買過佢d夾衣........質地非常軟熟

另外也有朋友送過natures purest的car seat 套裝 (有被, 頸枕同安全帶套)

呢個品牌以有機見稱, 由嬰兒服飾到玩具以至嬰兒傢俱都有

佢d products 全部都採用earth tone, 感覺舒服自然, 大愛呢~

今次PR哥哥就送上Hug Me Bear俾芝士餅同埋Snuggle Buddy俾豬仔包



睇番d資料, 原來natures purest所有嬰兒服飾均以有機天然彩棉製成

擁有安全且環保的特性,更不經漂染,避開了化學物質對材料的傷害,唔怪得
產品質地特別柔軟耐用。

所採用的棉花全部不含染料,螢光增白劑等化學成份,更不含有害殺蟲劑,農藥及重金屬,是以現今最天然潔淨的有機物料所製造,並獲頒贈
OEKO–Tex 100第一級別認證及由國際生產認證中心(ECOCERT)頒贈的GOTS有機認證。


所以特別安心俾嬰兒用, 送禮俾朋友的話係一個不錯的選擇~
你o地睇..............一向唔太like公仔o既芝士餅居然好like個Hug Me Bear
  
夜晚仲攬住來訓




而呢塊Snuggle Buddy就係用來陪豬仔包訓覺o既好buddy啊~



e家仲可以當被仔, 不過遲d隻Snuggle Buddy應該俾佢咬咬咬


再次多謝natures purest同PR哥哥o既禮物啊~

************************************

想緊貼芝士餅與豬仔包的生活趣事, 大家快d Like 佢o地個專頁啦