產前講座 X 4

今個月 so far 聽了 4 個產前講座 : 2個係東區醫院攪既, 另外2個就係私人機構攪既........本來琴日仲有個係BK同Johnson攪既BB睡眠講座, 可惜滿額抽唔到我們呀, 嗚 ~

雖然我都知好多育嬰知識上網搵應該有好多...........但我e家放工已經巧鬼屎懶上網, 而且一上網又好易分心去o左唔知邊樹 (e.g FB, 淘寶), 反而呢d正經資訊搵一搵又冇心雞

而且特別for亞仔來講, 佢好懶睇書, 朋友們借俾我o地孕媽媽既書, 佢一d都冇心去睇, 返而我見佢又對聽呢d產前講座又冇抗拒, 仲好願意去聽, 所以我就搵唔同topic既講座去聽, 迫佢at least 吸收一下d basic information, 加上有真人同我o地講又好似易d上腦貢, 同埋有時呢d講座既贈品間唔中都幾ok呢

好.............唔講廢話住, record 番之前講座d野先 :

(1) 2010.6.5 (星期六) 東區醫院產前講座 - 產前護理

 呢個talk主講孕媽媽懷孕期間要注意既時項, 其實大部份 info之前睇書都知既, 但recap一下都好呀 ~

 姑娘提醒生前生後都唔好食人參等行氣活血既食品, 以免流血不止

 晒太陽去吸收維他命D係好既, 因可幫助吸收鈣質 (高鈣食品有芝麻, 奶, 硬豆腐)

(2) 2010.6.10 (星期四) Baby雜誌產前講座 - 母乳 & BB疫苗注射

 講母乳個part就冇乜料到, 反而講者提出Harvey Karp 既5S techniques去處理嬰兒百日哭又好似幾work貢 ~

 聽完疫苗果part, 令我開始諗第樹幫芝士餅去私家join疫苗package好 (會係最新既疫苗同埋打少5-6針) 還是去健康院 + 私家作補充

(3) 2010.6. 18 (星期五) BB care 產前講座 - 準父母湊B全攻略

 林小慧姑娘同Ken Sir分別講述新生父母既擔憂同早期教育既好處又講得幾好呢 ~

 林姑娘都有引述Harvey Karp 既5S techniques呢, 睇來真的可以去follow下 ~

 另外就係1歲前用安撫奶咀係ok的, 唔會令BB牙齒有問題 (上次講座位醫生都係貢講呢)

 Ken Sir就指出0-6歲係發展幼兒右腦既黃金時間, BB係滿月之後已經可以用黑卡緞練視力同右腦發展, 而佢即場同我們玩既右腦遊戲又好似幾work呢 ~

(4) 2010.6.19 (星期六) 東區醫院產前講座 - 分絻過程

 哈...........今次位姑娘講得好生鬼呀  可能佢一開始就同我們講生bb係超超超超超超超超痛, 但我們已經洗濕o左個頭, 貢佢就用輕鬆d既手法同我們講解啦 ~

 今次主要講由作動開始, 入院帶既野同埋之後去到醫院佢o地 handle 我們既過程, 仲有d相show了產房同生產過程既相, 都幾informative, 等我們現在有個idea去到醫院會係點, 減少丁屎唔知下一步唔知係d姑娘會對自己攪d咩既恐懼 (不過相信到樹痛到咩都唔記得了 )

芝士餅: 希望爸爸媽媽聽聽埋埋呢d講座可以對照顧你有幫助啦, 仲有............希望我生你既時候同我一齊努力一齊合作55555555開到10度順利生你出來啦  錫晒你