開心樂園套餐 x 櫻桃小丸子玩具

2013.05.19 (星期日)
呢日同芝士餅去了太子新開冇耐的麥當勞 (題外話: 呢間新開o既麥當勞地點同裝修又幾正)

出席麥當勞首次為「開心樂園套餐」而搞的blogger event





相信大家對「開心樂園套餐」都唔陌生, 以前我通常食「開心樂園套餐」o既主要原因都係為o左跟餐o既玩具

不過e家同芝士餅去麥當勞, 就算唔係為o左個玩具, 我都會揀「開心樂園套餐」食

因為「開心樂園套餐」o既配搭多d, 佢有自己o既「1+2+3 餐牌」

即係主餐, 配餐同飲品三部份有不同選擇

配餐可以揀薯條或者粟米杯



飲品又有豆漿, 高鈣低脂牛奶, 荳奶, 橙汁, 利賓立仔仔等等揀



而且份量對小朋友(or 我當下午茶) 來講剛剛好, 唔怕食唔晒

大家都知「開心樂園套餐」每期都有唔同主題o既玩具

今個5月 「開心樂園套餐」就同櫻桃小丸子合作推出一套6款玩具呀 ~

以前讀書年代成日睇小丸子,  我至愛oh baby o既花倫同學, 佢個髮型簡直係正正正 ~~~~

今次o既小丸子玩具造型係以日常生活為主題, 可以同小丸子上學, 玩耍, 洗澡同睡覺, 仲可以畫小丸子tim , 好好玩啊 ~~~

芝士餅收到禮品好開心呀!



急不及待要拎出來睇同玩

而是次blogger event, 麥當勞有關方面除o左同我們一次過介紹呢6款玩具, 仲可以近距離見小丸子啊 ~~~~

雖然我估計芝士餅一見大公仔會驚同唔肯影相, 不過我想帶佢試多幾次, 希望慢慢build up 佢o既信心 ~~~~

一去到見到M&M兩兄弟, Mancent 個新髮型好型仔啊.........

之前芝士餅都見過Mancent, 兩位一見面都唔陌生呀   仲食人家o既薯條 ~~~



另外芝士餅都好like細佬仔Marcus............希望佢將來對細佬佬都貢nice啦~





芝士餅自己點o左魚柳飽「開心樂園套餐」..........不過來到只肯飲奶同食幾條薯條

好彩我可以包晒底

如我所料, 小丸子一出場芝士餅屎都唔肯同小丸子影相

不過, 今次好彩冇喪喊..................已經叫有進步一丁點啦

貢難得, 我當然自己一枝公都同小丸子影相啦

唔肯同真人版小丸子影相, 好彩都肯同banner影



大家食飽飽後, 麥當勞仲優先同我們介紹繼小丸子之後, 來緊將會推出o既玩具...............



oh yeah, 又來Hello Kitty.............賣飛佛



仲有車仔...............問芝士餅, 佢起初好似like車仔多d

d車仔可以變身又幾得意啊.............

之後拎d hello kitty 俾芝士餅睇, 佢又好似好喜歡bor..............

即係..........來緊我又要去食多幾餐先

臨走見到Judy媽同澧澧啊, hihi...........nice to meet you



另外, 唔講唔知, 原來食「開心樂園套餐」係有印花卡儲印花嫁

買任何一款「開心樂園套餐」就有印花一個

夠兩個 +$10 就可以換麥當勞叔叔樂園人物手錶 or 儲4個印花就免費贈送



大家下次食「開心樂園套餐」時記得問佢o地拎啦

再次多謝麥當勞o既PR姐姐邀請.............大家都有小朋友, 傾起計來好啱key呢, 呵呵~

*************************************************************************************************************
有關小丸子玩具造型資料:
小丸子好友滑滑梯 -- 按小丸子個頭會有貼紙走出來啊~



小丸子幸福泡泡澡 -- 把畫紙放入浴缸中可以印出2種唔同圖案

小丸子開心遊樂場 -- 用畫筆放在沙上可以畫出花圖案

小丸子甜夢花睡袋 -- 可以扣在肩帶上同小丸子上街街



小丸子靈感繪畫板 -- 可以印拓出小丸子頭像

小丸子搖擺呼拉圈 -- 按小丸子個頭就會轉呼拉圈