復活節玩樂系列 : Yoho Mall 恐龍歷險之旅

呢個復活節真。快樂!

之前都有講過芝士餅伯會去Yoho Mall 恐龍歷險之旅 試玩會 (按此)

剛剛的星期天就約了芝士餅的彈跳buddy 軒軒出來彈彈彈

無見軒軒一陣子, 除了仍然靚仔之外, 個人開朗好多, 也說話多了好多, 同芝士餅超有交流好開心 ^.^

今次我們去了元朗Yoho Mall 玩, 我們全部也是第一次來

雖然沒有Papa 揸車, 但我們在坐西鐡去原來也好快

而且Yoho Mall 二期在西鐡F出口, 我們過返一期行天橋都好方便

一去到Yoho Mall, 我們嘩嘩聲

個mall超大超新, 也有好多好多品牌同食店 (e家住元朗也好方便呢!)

去到我們先玩了首次曝光的考古天秤機

小朋友坐在可轉向方向的控制室內親用控制吊臂，磁力吸吊9色恐龍珠，考小朋友手、眼及腦協調

芝士餅同軒軒都好用心玩, 吸到幾個恐龍珠呢!

之後我們玩了同樣首次曝光的歷奇機械爪

芝士餅同軒軒於限時內操控機械爪將小恐起放在育嬰箱中, 呢個game有成6分鐘, 他們有足夠時間玩啊 (其實今次好多game都可以玩6分鐘, 時間耐o左呢)

雖然芝士餅唔太like, 但也和軒軒玩考古挖掘機, 一齊掘下蛋慶祝復活節

之後我們就轉戰室外玩首次曝光的逃出速龍口

25呎高巨型暴龍頭充氣滑梯, 可訓練孩子的勇氣及肢體協調，好玩又益智

上次玩巨型充氣驚驚地既軒軒, 今次一D都唔驚啦

兩位小朋友玩到好開心

之後玩埋對面的越押威龍

同樣首次曝光, 但玩完25呎, 再玩19 呎高的暴龍就變得easy job :p

玩了半日, 我們就係Yoho Mall 食lunch

太多選擇都唔知食乜好 :p  end up 食了鐡板燒, set lunch around $100左右都ok 啦

飯後繼續, 撐艇仔已經大排長龍>.<

作為慈母, 我就去排呢一小時

而茄媽媽也帶住兩位主子去細仔專區玩恐龍仔滑梯同小小森林世界 

玩完時間剛剛好撐艇仔啦!

見到小朋友的笑臉, 媽媽呢1小時在陽光下等候都變得值得 ^.^

當日天氣好好...............好熱, 我爆晒完要入番室內另一親子專區

係時候玩d靜態既game, 好似次次玩既流沙, 不過今次可以流沙掘龍骨

另外也在恐龍藝術廊整 DIY 手作, 復活節當然要去整蛋啦 :p

旁邊仲有3個遊戲攤位: 復活蛋過三關、狙擊 鐵甲人、懸浮射蛋

芝士餅同軒軒超喜歡玩.................因為玩完之後有魚仔餅送啊~

就係貢..........我們由11:30am玩到6pm呢

呢個時候, Papa 同豬仔包就join我們去食B仔同旦王花食thai菜

芝士餅同軒軒仲玩到難分難捨呢, 呵呵呵~

雖然玩呢d充氣遊戲係要收費, 但買套票的話價錢都可以接受, 而且既可換來小朋友的快樂, 也可以有某程度上的手腳, 手眼訓練, 絕對可以從遊戲中學習呀!

好似玩ing時, 我也有同芝士餅講下恐龍, 而芝士餅也有問點解恐龍會絕種..........所以學習既野, 真的可以隨時隨地呀~

彈跳buddy, 我們下次再彈過啊~

小朋友仲未返學, 平日去應該會小人好多, 大家又可以考慮下啊 ^.^

有關Yoho Mall 恐龍歷險之旅 資料:

日期: 2016年3月19日至2016年4月10日 
時間: 上午11時至晚上7時 
地點: 元朗YOHO MALL I及II
大會網頁: http://www.wewaland.com

復活節玩樂系列 : 挪亞方舟「反轉美食大派對」

上星期日, 我同芝士餅豬仔包去了挪亞方舟玩了一天好開心 ^.^

芝士餅去年暑假同E-MAMA都去過一次挪亞方舟玩大讚 (按此)

今次, 媽媽我就再帶埋豬仔包來玩, 發覺挪亞方舟又係一個可以玩一整日既親子好地方

我們今次去挪亞方舟是以「反轉美食大派對」為主題, 原來係3月19日至4月10日期間逢周六、周日及公眾假期就會預備七大食玩活動俾小朋友以「美食」作體驗 ~

起初以為去馬灣好遠, 原來旺角有Shuttle bus 去挪亞方舟正門 ($38雙程), within 30分鐘就可以去到, 好快又方便呢 (班次按此)

一去到, 我們先看到呢個巨型美食3D合拍區 

呢個3D合拍區係由本地著名3D立體畫藝術家Milton Wong 設計, 以精緻小巧的英式茶點在青馬大橋及馬灣沙灘美景襯托之下的立體畫作。

作為集郵媽, 當然要同兩位小朋友拍拍照啦 ~

之後我們就去了整雲彩花式棉花糖

呢個活動都是進場後免費的 (但4月2日- 3日暫停)

我們先看示範, 之後我就主力卷, 芝士餅從旁協助

但由砂糖變成一朵花, 之後再加d裝飾, 制作過程簡單但有fun ^.^

整完之後仲可以食呢~

跟著我們就去看廚藝激鬥奇趣Show (也是進場後免費的)

原來個show係兩位廚師以精美食材，配合各式廚具，上演出一場烏龍百出的廚藝激鬥表演。

因為表演場地黑黑地, 以為豬仔包會驚........點知他的反應也好好, 不斷舉手

而芝士餅當然看到卡卡笑啦 ~

之後, 我們就去了豐盛閣 吃lunch

那裡有buffet吃, 不過我們冇食到, 只叫了main dishes 食

價錢方面唔太貴, $50-70左右, 味道也ok喎

而且, 對住個靚海景食就已經值回票價啦~

Lunch 後, 我們就去了整趣緻甜品手作梘 (進場後免費活動)

彩虹姐姐在手作梘工作坊內教授小朋友製作仿真冬甩手作梘

其實大部份彩料, 彩虹姐姐已經預備好, 小朋友主力做decor

不過冬甩手作梘仿真度好高, 小朋友整完又有靚靚packing入起, 整完都好開心呢~

之後, 我們再去了另一進場後免費活動和風食物模型蠟

呢個活動係整日本料理果d 食物模型製作

平時見到d食物模型像真度好高, 今次可以同芝士餅一齊整

唔好話小朋友, 連我也覺得新奇呀

我們以蠟製作像真度十足的翠綠生菜！生菜凹凸薄層、逼真紋理、翠綠色澤幾可亂真......

另外仲有好似既天富羅啊, 呵呵呵 ~

之後我們也參加了創意分子料理廚藝班 

呢個活動要收費, $50/組 （包括一份製作材料及一套小廚師服）

穿了廚師服既芝士餅同豬仔包好可愛啊 ^.^

分子料理顧名思義是利用科學方式破解食物分子，把食材的味道、口感、質地、樣貌打散，再重新「組合」變成意想不到的形態

大家見到呢set紅蘿蔔印尼炒飯, 其實係冇紅蘿蔔冇蛋又冇飯嫁!!!!

今次推出的分子料理就利用海藻酸鈉與乳酸鈣結合產生凝膠球化的特性，製成能承載著果汁的可食薄膜，芒果汁包裹在薄膜內變成美味的煎蛋模樣, 絕對反轉以往對食物的傳統概念。

芝士餅大個囡了, 今次可以自己一個人聽完酒店大廚教授完就跟著做

...........而豬仔包就掛住食d可可米 >.<

不過都好, 可以讓我呢位地獄廚神媽媽也玩一份 :p

一場來到挪亞方舟, 我們當然要去方舟花園行下, 睇下67對栩栩如生的動物雕塑

剛巧芝士餅假期後要帶野生動物相回校分享, 我們就可以順便在此做埋資料呢

最後臨走前, 我們仲飲了杯獨一無二的朱古力奶.......就係有我同芝士餅豬仔包個樣的朱古力奶啊!!!

呢個自拍萌像飲品工房 ($30/杯)係用手機或相機影完相, 當自拍完成后，可於現場將相片發送nahkhr@gmail.com，工作人員就會將相片打印出來，完成一杯暖笠笠的朱古力奶, 好特別呢~

不過飲前就要將d奶油mix埋一齊飲就好味d呢~

其實除了「創意分子料理廚藝班」及「自拍萌像飲品工房」另需收費外，其他活動於購票進場後可免費參加。

活動會於開始前指定時間派籌，名額有限，先到先得，額滿即止呀~

關於活動時間表，可登陸以下網址查閱：http://www.noahsark.com.hk/eng/pdf/promotion_140_timetable.pdf  

襯小朋友仲放緊復活節假, 來緊仲有幾日假期, 大家可以不況考慮一下啊 ^.^

「反轉美食大派對」資料:

活動日期:2016年3月19日至2016年4月10日(逢周六、周日及公眾假期)

時間:上午10時至下午6時
地點:挪亞方舟 @ 香港新界馬灣珀欣路33號
網站:http://www.noahsark.com.hk 入場費:成人HK$168；小童及長者HK$138(「創意分子料理廚藝班」及「自拍萌像飲品工房」活動另須收費)


p.s.原來於香港挪亞方舟官方網頁預訂門票，即可憑確認信於旺角新世紀廣場內1樓商場顧客服務中心免費換領方舟專線雙程乘車券(價值$38)。

************************************

開了個FB專頁紀錄芝士餅同豬仔包的生活趣事

大家快d LIKE 啦 ^.^

https://www.facebook.com/gg.mama

LIKE LIKE LIKE 

************************************