病病了 ~_~

2011.2.7日 (星期一)

唔知係唔係初一至初四都出過街拜年, 還是被爸爸傳染

我家寶貝係 Day 102 第一次病了, 嗚嗚嗚 ~

初五放工回家, 奶奶就同我講芝士餅晏晝咳了兩聲, 不過之後就冇再咳........

但係我既警戒系統都立時啟動

唔知係唔係個心裡"仍"住, 見到芝士餅個樣真係悶悶不樂貢

拿拿聲走去幫佢探熱..........係marginally發燒既邊緣, 噢!

之後每粒鐘都走去check住, 體溫開始上升, 而且仲係兩粒鐘內咳o左4下

於是決定去睇醫生, 但係屋企附近冇夜診, 我們就打算去St Paul到睇

一去到...........嘩, 好多病人啊!  作為災難小姐既我更加擔心交叉感染呢

點知登記時姑娘話bb太細個, 而呢晚又冇兒科睇, 建議我們去其他私家醫院 or 政府睇急症 (乜話 )

唯有問下附近既養和, 巧彩佢o地話會睇............即時打的飛過去

去到分流站, 姑娘再幫芝士餅探熱就冇燒, 但仲有兩聲咳

不過好攪笑, 芝士餅一見姑娘同醫生就同人笑笑笑, 醫生個聽筒一擺埋去芝士餅到又係笑到卡卡聲............醫生見到貢就更加話佢只係普通感冒, 應該冇乜樹 ~

d 人乜唔係話bb頭6個月有免疫力嫁咩 ?! 唔通e家d菌真係貢勁, 定係我家寶寶體質差??!!

返到屋企一路keep check 都冇再燒, 不過就keep住一粒鐘有兩聲咳, 有時仲有扯蝦feel, 貢細個人仔就貢辛苦, 真係心痛屎亞媽我

見芝士餅食藥喊晒口, 咳既時候又貢辛苦 (塊面谷到紅晒), 真係想佢將d病過戶晒俾我啊

食o左兩日藥, 我們就再去養和睇兒科專科, 同上次一樣, 芝士餅又係一見到醫生姑娘就笑笑笑, tum到醫生鬼貢開心 ~

感恩芝士餅係患病期間仲識成日同人笑笑笑, 唔太扭計, 有兩日咳得特別嚴重都冇乜喊..........只係.............只係比平日食更少的奶

而我同99因為加陪照料芝士餅就比平日更加辛苦............而最終, 99同我都先後加入屋企既大隊成為病軍一族

Anyway, 我們辛苦唔緊要, 芝士餅: 只要你多多加油打低病菌小子! 繼續努力做個健康快樂的小寶寶啊 ~

新年looksss

2011.2.3 - 2011.2.5 (年初一至年初三)

芝士餅第一年過農曆年, 我當然想好好貢為她扮靚靚啦

坊間係新年通常都會有d唐裝衫仔for bb著, 但so far 仲未搵都到啱我杯茶既款式

之前見cotton candy有件棉襖好有新年feel而且又夠潮, 可惜巧早就out of stock!

巧彩係有限既時間之下 (e家可以去shopping既時間真係少之又少), end up 都搵到衫仔俾芝士餅著令令呢

好..........去片:

大年初一既兔仔look, 件衫chinese得來又唔老土, 配牛牛褲就型晒.........hehe, 我仲買了頂兔仔帽match埋佢呢 ~                                 

出街時仲加埋件紅卜卜棉襖呢..............你睇, 又係有兔仔嫁, 呵呵呵 ~

年初二既長耳朵兔仔look, 巧可愛呢 ^^ 

成身黑tone, 型!!!!!

年衫三既chinese look........著住茄媽同Honey媽送既令令紫色棉襖, 件衫好good fit, 不過頂帽就已經唔啱了...........你睇, 芝士餅自己拎住兩條頭帶, 哈! 

年初三係芝士餅一百日既日子呢

呢日我們都冇乜同佢特別慶祝, 只係夜晚買了件西餅同佢影下相當慶祝.......因為芝士餅既百日宴安排係初十舉行呢 ~

三個月大了

2011.1.29日 (星期六)

真係真係真係轉眼間, 芝士餅就3個月大了

噢........時間真係快得令人吃驚!!!!

一向喜歡玩BB既我, 對嬰兒期特別鍾愛

我e家已經擔心時間既飛逝, 芝士餅好快好快就baby no more, 會變成一個每事問既小朋友, 再轉眼間又進入o左唔多出聲既青春期.......之後又話拍拖, 結婚, 生仔.............噢!

一想到貢, 就令我覺得要好好記錄芝士餅的成長記錄

有時見其他blog媽好有心日日update, 由 day 1 到 day 99 係貢update, 自己就成個月先update一次, 真係好慚愧..........

.......可惜我份工唔係人貢品, 而且一放工又要湊囡, 真係時日冇多 (踩)

.......更可惜係我唔可以做全職媽媽, 屋企冇o左我份人工係唔得

.......sigh, 鬼叫我窮要頂硬上咩 ~

希望.........都係唔好希望lu.........唯有講句try my best update幾多得幾多啦

入番題.........三個月大既bb真係開始好好玩

個人硬淨o左, 唔再只係一舊飯.......對外界開始有反應

成日會對住人笑笑笑, 會講bb話, 同佢tummy time可以枱起個頭, 最鍾意人o地同佢傾計同佢玩bu bu o即

芝士餅基本上樣樣都好抵打 (hehehe, 費樹佢小氣呀 )

之不過佢食奶方面仍然係令人沮喪

佢e家少o左玩奶, 因為佢玩我同女痳女痳!!!!  佢e家食奶前勁扭, 個咀一掂奶樽就喪 , 俾奶咀佢又笑番晒, 唔迫佢食奶又會開心番.........通常玩半至一粒鐘先肯食, 不過佢肯食就可以10分鐘內KO晒枝奶

一般隔四粒鐘都唔食, 有時甚至隔五六粒鐘都唔肯食, 救命呀   佢貢樣就會攪亂晒食奶既 pattern, 而且攪攪下一日五餐就變成四餐

問過醫生, 見過健康院既姑娘都話冇方法, 唔食就由佢唔迫得來, 肚餓bb自然會肯食......而且佢o地話芝士餅e家體重都ok, 又冇乜異樣, 所以真係冇乜辦法............

但係點可以食貢少嫁 (之前仲食到 160-150ml, 最近只食 110-120ml).........貢咪愈來愈un

你知啦, 如果bb體重折折上升, 佢做媽媽既光榮ma............為此, 低能既我因為呢個issue了好幾場..........

不過家姐姐成日同我講只要芝士餅身體健康, 開開心心, 精靈活潑, 點解我仲貢貪心, 要求芝士餅成為米G蓮呢??!!

係既係既...............媽媽的確由衷希望芝士餅身體健康, 開開心心, 精靈活潑, 做人係唔可以貢大貪的~

 

而且老媽仲話, 如果芝士餅樣樣都貢prefect, 我就唔知做人呀媽係幾貢辛苦!!! e家個天就俾呢個會我緞練耐力

好.......為了芝士餅, 媽媽會繼續努力的 ~