炭爐 hotpot @ 泰豊廔

琴日與一班地獄天使飯聚並替易汪慶生

小朋友們揀了一間比佢o地斷層o左好多好多好多年 (好似係since 1961) 既酒家: 尖沙咀泰豊廔 (主打京菜.........e, 上次同佢o地又係食京菜鹿嗚春 -- 都未post, sigh~)

我一聽佢o地食呢樣野就心郁郁.............

..........因為係炭爐邊爐啊 (我未試過呢)

一向我都好很愛打邊爐嫁..........不論平貴都愛吃呢

其實成日都想搵d係用炭爐既地方..........有朋友講過土瓜灣有 (但我唔知exactly地址)

又有朋友講過九龍城方榮記 (呢間下個月會try呀)

e家有班小朋友介紹一齊去食, so happy ~

呢間泰豊廔係鹿嗚春前一條街, 大家既裝修同格局都好相像 (大家都係有好多伯伯待應呢.....好有返外婆家食飯既感覺)

 

一去到........先來混醬一番先~ 

 

 

我o地8條友.........除o左叫了一個4人火鍋餐($5XX)之外, 另外再叫了冷盆同關東燒雞, 呢兩碟餸都好好味啊 ~

 

 

登 ~ 登 ~ 登 ~ 登

你o地睇.........

....成個塔既炭爐啊........我第一次見, 好搞鬼呢 (中間支煙囪擺o左d炭)

 

我o地叫既4人餐都叫做夠食啊 (食完都8.5成飽呢!)......最好味係羊, 牛都ok啦 (當然唔可以同謙記既牛頸"隻"比啦).....尤魚同蝦都可以, 其他就一般貢啦 ~

不過以我o地請埋其中一位朋友, 每位只係$140來衡量, 我就覺得佢唔差啦........好適合成班人來吃啊.........唔講貢多, 去片啦 (琴晚冇帶相機, 只係用手機影)

 

 

 

 

 

 

 

 

  

個餐仲會跟4杯山楂茶同高力豆沙啊 ~

泰豊廔: 漆咸道29-31號溫莎大廈 (tel: 2366 2494)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

p.s.

噢..............之前仲乜乜物物扮晒蟹嚷住要減肥, 但係呢個

秋風起, 索G肥啊 (=.=')

well...........都係果句..............算吧啦 ~

做人要開心d ma..........食o左先算啦, 呵呵呵!!!

讀後感......內在美篇

續前......

好..........繼續講內在美

相片來源 : 大少奶

構思:

打從有書商搵大少奶寫書, 她已表明唔想淨係寫食譜, 因為佢覺得寫食譜比她叻的人大有人在...........所以當她與書商傾好本書既路線, target segments, 要求, 乜乜物物之後, 我覺得個構思真係好好........因為呢本係有食譜既散文!!!!!!

聽到後第一個感覺好型, 好配合我們平時係blog上認識的大少奶呀 ~

而且她與書商都好聰明豆走啱呢條路線.........講真, 要睇認真既食譜, 書店已經有很多........如何增強自己的selling point才是重要一環呢 ~

由於大少奶係blog界人氣旺盛, 大家都好想偷窺她更多既內心世界, 想了解她多一點..........另外大少奶平時係blog post她整既食物都好吸引, 將兩樣事情結合起來就真係最好不過了 ~

Contents:

絕對有 "起承轉合" 之感..........先道出由大少姐變成大少奶既經過, 為了大少爺食得招積而用心做菜煮飯, 繼而寫出一星期給大少爺的餐單, 大少奶一個人的午餐與她的私生活, 及後既節日餐單, 如何消滅買多了的"食物一條龍"和"入廚小智慧", 最後一篇充滿深情的後記作總結

好流暢呀 ~

不過......除了友序, 相信睇完你本書的讀者應該都希望有大少爺既序吧 --- 他基本上係呢本書既靈魂人物之一 (另一位當然是她的好爸爸啦)

食譜:

由於大少奶一早開宗明義指出她會用一個新手角度、以最快捷方便既方法去煮美食, 書中既食譜絕對達到呢個目的 ~

對我們呢班 playgroup level 既廚房新手來講, 食譜的確簡單易明..........以我的來講, 我只係間唔樹煮一餐飯俾亞仔食, 如果要我跟十九幾個步驟先弄到一餐飯, 相信一定會被嚇怕, 以後都唔想/唔敢再下廚了 ~

反之...........方便簡單既食譜比較易掌握, 如果能夠得到別人既讚賞, 自信自然心會提升, 下次入廚既機會同意欲一定會多d啊 ~

當然如果d食譜俾我老媽 / 入廚資歷較長既人樹睇, 可能佢o地會大叫 "把鬼"............之但係作者唔係一早就講o左她的寫作角度嗎 ?

散文:

呢個部份係我至喜愛的部份 (特別係食譜旁的小小小散文啊)

完完全全感受到大少奶對大少爺同她爸爸的愛之餘, 又不失佢一定係癲既性格

我認識了大少奶都有一段不多也不叫少的日子, 我可以以女作家助手之名發誓, 散文部份的確寫得好真, 好有heart.........佢教曉我要好好的去愛自己的另一半, 好好的去愛家人........你無私的愛啊~

如果真係要我講有冇唔好.........ummm, 第一係寫得唔夠多(唔夠喉啊); 第二係文筆...........太文雅了, 同佢平時咀gel gel 話我........

發覺好似有以下小typo:

p.84 是否應該 "不" 甘平凡 ?

p.172 蒜蓉保存法 -- "每次" 定 "今次" ?

總括而言, 本書的確好好呀..........我e家已經翻睇-ing啦  我對佢有信心, 一定會再版啊 ~~~

廣告時間:

我好好好榮幸有份寫序啊, 可以係本暢銷書上有我幾粒字, 真係爽呢 ~

我........我........我真係唔介幫你o地簽名嫁, 呵呵呵 (不知醜呢)

繼續祝新書大賣啊............你今日買o左未 ?

 ~ 完 ~

讀後感......外在美篇

由前日開始知道自己成為首批【大少奶的自悠煮意生活】讀者之一後, 心情真係既興奮又緊張 (唔知點解會連我都緊張埋)

從大少奶手中接過她首本著作後

她............居然要我做個開心樣俾佢睇

我............當然又做番第一次見佢個樣啦  

實情係.............上次同今次一樣, 個人興奮到都唔知點交戲了, 成個人開心到呆晒

本來以我既性格, 昨晚理應 OT 多一至兩粒鐘, 為來緊幾日做既報告作準備

不過...........我決定還是早早歸家

因為............我好心急想完完整整看完整本書啊

好想寫一份認認真真既閱讀報告 (本報告只屬個人立場, 完全沒有針對意式) ~

好............開工, 先講講本書的外在美吧 !!

封面:

的確很漂亮, 簡簡單單得來又有 details, 感覺好 grand, 那些凸起的星星, 書名同蛋糕紙都好正啊 (不過........如果右下角有埋張蛋糕紙, 杯茶加多片檸檬, 書背的蛋糕紙都係凸起會更好啊)!  封面顏色又好sharp, 但唔會刺眼 (當然, 如果隻色再dirty pink d 又會更好看吧) !!

紙質:

很好, 厚薄適中..........自己好怕那些 "令立立" 的紙張, 看起來好易反光, 格調又好像冇貢 grand............紙質太薄翻閱時又會易爛, 呢隻紙質好像多數用於散文中, 係"食譜書" 上就比較少數 , 所以呢本 『食譜 X 散文』用呢隻紙真係好特別好型啊 ~

相片:

角度同構圖都好好啊............只係多o左d noise (雜訊), 幸好配合本書既紙質, 整體效果並沒有因雜訊而有太大影響; 而且以新手及非專業攝影師來講, 的確相當唔錯, 而且只用一般相機影, 大家仲想要求成點呢?

插圖:

書中採用了大量簡單的線條而繒畫了與文中相關的內容/食物, 令整書本生動起來 (絕對好過齋文字乜都冇.........貢會太單調呀)

真的好欣賞菇菇姐既插圖, 雖然只得一幅, 但絕對道出大少奶的特質:

高跟鞋, 愛吃牛, 士多啤梨髮夾(因她愛吃), 做野快手快腳 (同一時間吸塵 + 煮飯 + 洗衫......噢, 現在的大少奶已經懂得按三個掣用洗衣機洗衫啦)

ummm.............到之於內在美.........現在已經係深夜1:30am, 請容許我明晚繼續吧!!!! 

所有相片來源 : 大少奶

(特意設隨意門 @13: 13, yeah!!!)

新書第一手 -- 【大少奶的自悠煮意生活】

打從知道大少奶會出書, 我們成班人都替佢高興啊!

我們真是好像見證著【大少奶的自悠煮意生活】由胚胎孕育成嬰兒一樣呢 ~

由起初她與出版社傾談合作細節, 到本書既大網、細節、書名、插圖.......一切一切, 她都與我們分享, 身為佢既粉絲、Blog友、娃友、女作家助手、攝影助手之一既我, 真係未出書先興奮啊!

真的......身邊有朋友可以出書喎, 一向浮誇既我絕對會因為貢感到光榮同得戚呢, 呵呵呵 ~

而且我仲有份參與丁屎貢多製作, 包括幫手食佢整既西餐、寫個小小小序、幫頭幫尾.........真係超開心呢!

貢都仲未算...............

................

.......

...

..

.

登~登~登~登~

你o地睇吓 :

【大少奶的自悠煮意生活】我已經到手啦, 哇哈哈

~

仲有埋女作家大少奶親筆

簽名呢 ~ yo ~ yo ~ yo ~

真係不枉我過海買西餅呀  (各位: 講笑咋, 唔好當真)

今日大少奶上出版社拎書, 之後約我食lunch, 佢將自己其中一本讓俾我, 旦一向慢手慢腳既我可以成為第一批擁有呢本書既讀者呢, yeah!!!!!

頭先拎住本書同圓圓手撓手行街, 好威啊, 呵呵呵 ~

雖然之後趕住要開工冇時間細閱, 但係來個快scan都覺得本書印刷精美、內容豊富、包羅萬有、 笑中有癲、瘋癲中又有感性既一面............而且仲有好有份量啊, 成400g嫁!!

書裡面既食譜簡潔易明, 而且每個食譜側邊既小小小散文好好睇, 有d又好鬼屎好笑, 正呀! 

呵呵呵, 下次gathering要整野食的話, 我就有reference啦 ~  so good!!!!!!!

一本貢正既書, 大家仲唔快d買來看門口 ?! 以後開門有第八件樹啦...........柴 + 米 + 油 + 鹽 + 醬 + 醋 + 茶 + 【大少奶的自悠煮意生活】呵呵呵 ~

To 圓美絹:

我真係好想寫份讀書報告俾你啊 ~

我以後得閒會提你按電飯煲制呀, 哇哈哈~

最後祝你新書大賣, 快d加印二三四五六版, 跟住同我o地去慶功, yeah!!!!!!

107 電影OT日

107係登山日

雖然係公眾假期, 理應唔屎開工, 不過當日我就決定作 "自願性" OT

因為第二日lunch前要交兩份report俾大佬, 但d料同事仔要106晚先可以預備到.............少o左一個工作日, 所有野都會變得好趕, 所以唯有107返工做定先 ~

不過為o左自己係假日都可以早起出門, 於是決定先去IFC睇個9AM早場, 揀O左呢套之前都好想睇既戲

的確好好睇, 故事簡單, D歌又好好聽, 睇完之後成個人都好醒神啊 ~

除o左我之外, 當日仲有兩位同樹返來拼博, 其中一位同樹仲送左兩張電影贈卷俾我

係上次同亞仔睇 "保持通話" 既時候佢嚷住要睇既恐怖片, 但當期時我為了靚仔古, 當然冇理會佢啦 ~

e家有免費飛, 身為cheap 精既我, 當然快快手清埋d工作就call亞仔出來睇啦

睇完..............原來一d都唔恐怖, 亞仔好失望呢, 不過以唔屎$$來睇, 套戲都幾ok喎, 呵呵呵 ~

雖然公眾假都要開工, 但睇番兩套戲平衡吓心理, 又清晒d工作, 感覺都好良好啊 ~

 

106半日安@花盃

係甜甜大婚之後, 我o地四位對音樂有共同興趣既娃娃 (圓圓, Diana 同亞茄) 又相約一齊啦~

難得齊腳, 我同亞茄當然好開心貢去拎半日安, yeah!!!!

第一站先去亞茄之前食過既日式鐡板燒 @花盃 

 

 (張相係我o地食到3pm時影既)

 

一去到已經見到個師傅整緊.................多士!! 原來佢將塊方包燒燒吓變成薄薄既多士.........師傅話燒完旦一陣會更好味, yes......真係好味~

 

  

好新鮮既沙律 ~

未燒既食物......睇到都

   

 

跟住師傅就慢慢幫我o地燒其他既海鮮, oishi 呢~

 

 

 

 

好yummy既鵝肝配多士~

 

我要求6成同7成熟既薄燒牛肉走蔥, 正!!!

連芽菜仔都好好味啊~

仲有炒飯&麵鼓湯

  

................呢個係我既走蔥version啊, 幾靚~

最後既甜品同咖啡, so good ~

 

雖然呢餐要~$250, 但係物有所值啊

一來我o地坐佢bar枱睇住師傅表現, 二來食物質數的確good, 三來個師傅聽到我們瘋癲既言論會偷笑同搭訕, 四來同佢o地三位食飯的確巧好開心好舒暢好relaxing啊~

食飽飽之後當然去shopping啦...........雖然今次我冇收穫, 但我同圓圓都睇中o左個MJ袋啊, 心CC-ing 呢 ~~~~~~

洗完錢我o地就去唱K

想當年新歌推介頭兩版可以唱到 "勒勒聲" 既我, e家頭幾版我都唔識唱

(除o左菊姐首 "無心害你"之外), 有d新人我仲要借問佢o地聲係邊位tim ~

噢.........

我真的巧out-精巧老呢 ~~~

唱完K"R"o左亞茄陪我去買小馬花生醬啊

快樂既時間真係過得好快, 同佢o地一齊嘻嘻哈哈, 傾吓女人野, 心底話, 時間真是過得好快...............

下次亞靚你再返來, 不如我同亞茄請全日安, 貢我o地咪可以朝早去食早晨全餐 + Ocean Park + Isola食晚餐啦, yeah!!!!!!

= = = = = = = = = = = = = = = = = = = = = = = = = = = = = = = = =

P.S. 花盃係可以番頭食既地方啊 (不過再食都係食lunch好了, 食dinner貴好多呢) ~

地址: 銅鑼灣新寧道8號民安廣場2期2樓

電話: 2577 9799