豬仔包沙龍照@sens studio

唔知係唔係因為夏天, 個人特別心火盛, 人人燥底, 事事也比較煩, 好像諸事也不順............

我份人好呀Q, 一有事就龜縮, 唔想理世事

好天真同好傻貢奇望龜縮一排就會有另外一片青天

.................

........

....

哈, 當然冇呢個可能啦!

人始終也要面對現實, 不可能活在Peter Pan的世界!

永遠一moody的日子就懶寫blog..............

..................

....

但其實永遠寫blog可以令我stress release (特約blog除外 :p)

所以今日Happy Friday, 大家又見我啦, yeah!!!!

早排放大假搬屋的日子, 抽了一個下午帶豬仔包去sens studio影相

因為手上張coupon 6月尾到期呀 ^.^

張coupon係豬仔包參加媽媽會半歲生日派對o既禮品之一 (free package 包10張相)

之前見靚媽, 大頭妹媽媽同其他fb媽媽買團購package出來的效果也不錯

所以c9的我見free package當然go go go 啦

也想為快將1歲的豬仔包留下倩影

不過, 媽媽也知sens studio 既extra copy要$100/張, 要extra 20張才有8折

記得今年年頭去face sogo, 帶晒包餅一齊影, end up 因為芝士餅太搶鏡而霸了很多soft copies

所以今次只帶包一個影相, 既公平也可減少荷包出血情況 (芝士餅細個也成日有自己沙龍照)

況且作為成日買團購相既媽媽, 我手上仲有另外一張團購package (包所有soft copies), 打算年底又來個全家幅啊, 呵呵呵 ~

好..............又講下當日影相情況............

umm, 唔知係唔係free coupon關係, 當日只有攝影師一人影相, 沒有助手幫忙引包笑

而且豬仔包都有d怕羞

我抱佢就好地地, 一放佢自己坐地就爆喊

因為冇助手幫手引笑, 有時攝影師引完再舉機, 唯一笑果下個moment就冇o左

我引咩............佢就即爬來變臉扭抱, 當時我心諗呀囝你真替媽媽省錢.............

btw, studio 既地方和道具都ok既

早幾日約了睇相.............

唔太喜歡有個staff坐係個panel到幫手負責click相, 而我就聲控keep定delete (因為face sogo同另外我之前影的好幾間也是自己睇自己click)

明白他們打開門要做生意, 每多一相就多賺一點錢

但作為客人, 就有hard sell之感啦

每當我話delete相, sales姐姐就會話 : iya, 呢張笑得好開心/喊得好可愛喎, 呢個景得一張咋, 支持下攝影師啦..................

-___________-"

我想話呢, 如果影得好好, 作為一個擁有選擇困難症的我, 會好多都唔捨得cut

但因為豬仔包當日都唔太好心情, 出來好多張都唔太笑, 唔太正面, 我又成鬼日去影, 冇奶油貢都要嫁............

不過, end up 我都由自己target 揀12張相 (即extra 2張) 變成19張 (即extra 9張)

Total $900

仍然係我每次影相大概千多元既budget之下

當然..............

老公仍舊會反白眼, 仍舊會說我貪小便宜, 唔去影就最平云云..........

Any肥, 我還是我, 我仍然愛間唔中帶芝士餅同豬仔包搵專業攝影機影相留念

為他日我攬住呢堆相陪伴我終老作準備!!!!!

哼!

以下就post幾張俾大家睇下啦 ^.^

豬仔包11個月成長報告

2014.06.27 (星期五)

嘩...............

最近個blog又生菇菇

老家的劏房工程係6月中完結

我們最近搬回老家, 放大假不斷unpack unpack 同 unpack

整多幾個櫃都好像擺唔晒家中的雜物..............

放埋個大假好想好好收拾好間屋

可惜留家的日子就只會掛住抱包圍餅, 結果.............

............

.....

好, 講番正題

真的又要來句光陰似箭

下個月, 我家豬仔包就1歲了!!!!

1歲啊...............乜貢快就貢大個仔?!

媽媽我好像陪伴豬仔包的時間都唔太多

他可愛的嬰兒期又告一段落

.............好快又踏入trouble 2 ~_~

由於我冇度高磅重, 所以真的唔太知, 不過so far so good 啦

仍舊3奶2固體

lunch 會食通粉, 麵, 烏冬

晚餐也開始食杰飯仔

感覺上, 豬仔包比家姐餅愛食野好多 (但願如此啦)

去飲茶見我們食野就會叫, 餵d佢食就即時笑咪咪

生果也愛吃, 俾乜都食..........有次俾粒酸士多啤梨豬仔包, 佢覺得酸都食, 好好笑

不過以下條片就係食西瓜, 都好可愛嫁, 哈!

指令就一時時..........會拍手, hi-5, bye bye, 拎頭

可以企同扶梳化行

呢個月也完成了人生第一個爬行比賽, 我們呢d旨在集郵, 豬仔包可以完成晒成個比賽已經好開心, 而佢居然可以係小組第3名呢 ~

仲記得仲兩個月前引佢爬, 佢好懶唔願郁.........e家居然肯爬來爬去 ~

又早期佢見陌生人就喊, 帶多o左出去見下世面的確好o左好多

而家成日見人就笑咪咪, 又會用眼睛電下人, soooooooooooooooooo cute cute

BB既成長速度的確好快好快

媽媽我真的好唔捨得呢個如公仔般可愛的嬰兒期.............

但是

現實始終要面對

下個月, 我個囝就1歲啦, yeah!!!!!!!!!!!!!!!!!!!!!

PaPa Happy Birthday 2014 @Merci Minnie

2014.05.16 (星期五)

wakakakaka, 就來隔o左成個月才出老公生日飯 :p

呢個月太多樹發生啦.............

屋企同公司都有唔同o既變化

好開心的, 有唔開心的, 有令人頭痕的, 有令人要再follow up的, 有乜乜物物的, 有X+Y的...........

林林總總................

仲有我失驚無神、自告奮勇做芝士餅低班家長代表 @@

有時忙到甩褲之際真的唔想再寫blog

但另一方面, 又總覺得寫blog可以令自己減壓

所以仲有氣的話, 真的仲想再寫.............

好............言歸正傳

呢日同老公慶生

大家一早已聲明唔要大搞

因為.........剛剛才搬去中轉屋, 好多野都仲要收拾

而且.........老公又想一家4口一齊慶祝, 貢當然唔可以去fine dining

所以.........我就搵了區內附近的西餐廳小店

呢間小店叫Merci Minnie (按此往open rice)

係我同老公呢排常去的西餐廳

佢lunch set $68-118, Tea set $38 - 48

品質同味道唔錯

在東大街內, 除了安利, 此乃我們的2nd choice

晚餐其實同lunch set 差不多, 但價錢就比lunch貴一倍

不過是日慶生就冇計啦 :p

好...........就來介紹一下啦:

足料蘑菇湯, nice ~ 

蠔王老公當然要叫蠔食下啦............

呢set $208 包3款6隻

他說ok新鮮

我和老公都點了鵝肝牛柳

我叫8成都好淋和juicy

老公叫5成也正是他喜歡的血淋淋 ~.~

這兒火喉也控制得幾好呀~

是日只吃白飯和薯蓉的芝士餅 -___-

99點的牛排 (我忘記邊一part), $238

非常重牛味, very very nice!!!!!

當天我lunch time去了銅鑼灣Tony Wong樹買了呢個mini chocolate rose

即場仲可以整個生日牌仔tim, nice ~~~~

買相和味道都令大家喜歡啊 ~

而且4個人食, 份量剛好呢 ~

人大了, 對自己的生日不再有太大要求

一家人簡簡單單, 齊齊整整食餐飯都已經是開心樹 ^.^

老公: 在此再祝你身體健康, 天天開心, 心想事成, 好好待我和一對超似你的囝囡吧 XDDDD

illuma eden X 種植新體驗

2014.05.31 (星期六)

新鮮熱辣出post同大家分享呢個親子活動 ~

話說上星期放學, 芝士餅收到張invitation card 可以去illuma eden 的 plant jamming working shop

Plant jamming係乜東東？！

即係可以同小朋友一齊設計個人化盆栽

既可以設計盆栽, 又可以參與種植體驗, 仲可以親子

一舉貢多得就當然 go go go 啦

一去到發覺大會真的好有心思...........以白色加綠色植物, 竟然將中環4號碼頭打造成一個環海莊園

 雖然天氣真的好鬼熱, 但見到個環境, 第一下個感覺都係好清新

去到主打當然係plant jamming 啦

 我們去到有好nice 既工作人員教我們.......

 第一件事當然同個盆栽扮靚靚啦，先用顏色筆在玻璃盆上畫上自己喜歡的圖案

 芝士餅d畫功雖然 ~_~

但小朋友只要開心享受到個過程, 就算個output唔太靚都唔緊要啦 :p

跟住我們又去影相整紀念品，係獨一無二嘅盆栽裝飾吊牌

芝士餅同豬仔包各有一個：）

之後就教我們加泥土, 加士多啤梨苗, 再加一層珍珠岩

加珍珠岩既目的係保持水份、空氣、營養的正常交換，穩定結構

最後就再加丁丁已稀釋營養液令幼苗更吸收........

跟著回家將士多啤梨幼苗偶爾晒下太陽、配合水份同營養慢慢生長

呢點又可以繼續回家教小朋友有恆心種盆栽、好好對待小生命呢！

係呢個illuma eden會場入面, 最令我印象深刻就係呢個示範 (其實好似中學時學Geography都有聽過............)

就係兩邊的植物，一邊泥土、石層等配搭合適，有雨水時更易吸收，所以生長得好好

另外一邊就因為吸收唔配合就冇貢好..........

其實小朋友既成長同植物要茁壯成長o既道理也差不多

就好似illuma既「親和人體配方」，佢既sn-2 Palmitate 個份子結構同其他奶粉唔同（好似植物泥土層咁），BB易d吸收到營養，仲可以幫助到便便（好犀利咁*0*）

唔係我拋書包，其實都係個場到睇番來 XDDD 

會場仲有Milk Bar，除了提供illuma奶奶，仲有果汁俾大人，好細心啊！

未瞓都有奶奶飲，你睇芝士餅飲得幾開心

同場仲有個discovery zone教小朋友認識不同植物

芝士餅第一次摸怕羞草

另外又有唔同場景影下相

同場擺咗d名人用家種植嘅士多啤梨幼苗

原來我們每種植一棵植物，illuma 都會透過香港地球之友捐一棵樹，好好呀！

如果大家都有興趣呢個親子活動，大家可以呢個週末（7/6 - 8/6) 11:30am - 8:00pm 帶小朋友去中環4號碼頭一齊體驗下〜

提外話，果到d工作人員好nice，佢哋好主動話幫我們影相，另外我們架BB車，男工作人員又係主動幫我們搬上搬落，而且又有nursery room，配套設施當真叫細心呢！

Phonics @ Jolly Kingdom (III)

原來芝士餅已經上o左超過3個多月Jolly Phonics 啦

已經上o左Stage 2幾堂

好開心佢愈來愈喜歡去Jolly Kingdom上堂

話說我呢個怪獸媽媽又想搵d暑期班俾佢過日神...........

..........

因為我怕她整整兩個月在家無所事事對住工人姐姐........

去親另外d教室門口芝士餅都抗拒唔肯入去貢........

跟住佢就會話 : 「我鍾意去Miss Queenie (即Jolly Kingdom個老師) 果到上堂呀!」

睇怕來緊都要考慮去Jolly Kingdom上summer course (因為星期一至五都可以上堂 ^.^")

又話說上次芝士餅扮老師教Phonics之後

接放學時俾Miss Queenie 睇

佢話雖則芝士餅發音有d唔準

但個大方向與他們平日上堂教的一樣

老師也說芝士餅已溶入這裡的上課模式

比初初上課時有進步

我同老師講自己冇讀過phonics

所以都唔太清楚芝士餅個發音準確與否

於是她便介紹了呢隻DVD俾我

在家可以同芝士餅一齊睇一齊聽

我可以從中了解發音

芝士餅又可以一路睇一路當溫習

又可以同芝士餅當親子活動

其實芝士餅之前都有學pre-letterland

不過據說芝士餅學校K2開始也會學Jolly phonics (好像好多學校也是用Jolly phonics啊)

所以佢e家都俾佢上Level 1 打下個底子

到時pick up 易d 又一致d 貢啦~

$50隻, 價錢也合理啊 ~

經老師指點後, 芝士餅d音好準確啊, 呵呵呵 ~~~~~~

芒果雪芭

係貢多款水果之中, 我至愛食芒果

而夏天就係芒果當造的季節

不過, 通常食親芒果, d老人家都會話食芒果濕熱

冇錯.......芒果係濕熱

而且有些人對芒果會敏感症狀，食後會引起濕熱紅疹

不過, 我每次都唔係食好多 (其實所有野都唔應該食過量) 

根據維基百科, 芒果肉含有豐富的維生素A、維生素C和維生素D、醣類、繕食纖維、葉酸、鈣、磷、鐵、鉀、鎂等微量元素

芒果仲具有可抑制腦細胞死亡的效果，食用冷凍芒果，有助於讓使用過度的大腦得到舒緩............

所以呢, 如果本身對芒果冇敏感的, 間唔中食就冇問題啦  ^.^

呢排天氣真的熱過火屎

返屋企第一時間就要開冷氣.............

一路嘆冷氣一路食雪糕確實人生快事

於是又remind自己拎部Yonanas雪糕機出來

今次決定做自己喜歡的芒果雪芭

其實好多水份較重的水果也合適做雪芭, 好似芒果, 奇異果, 士多啤梨, 蜜瓜等等

而用Yonanas雪糕機整雪芭, 一定係"零"失敗 (呵呵呵, 用佢整雪糕, 媽媽我入廚信心提升不少 XDDDDDD)

做法真的好簡單:

1. 將水果切好放入冰箱冷凍24小時
2. 整前幾分鐘拎出來把水果稍微解凍
3. 將水果放入Yonanas雪糕機
4. Done ~~~

真的easy easy easy!!!!!

不過我今次就3份芒果加1份香蕉, 令它有丁丁軟滑急

Ooops, so yum yum yum ~

由於100%生果無添加, 所以我絕對放心俾豬仔包食啊~



而且整o既過程 (唔計洗切) 都唔水2分鐘

所以就算我平日遲放工, 返到屋企都仲可以同芝士餅一齊整



媽媽我已經諗o左整以下配搭:

• 士多啤梨 x 香蕉
• 雜莓 x 香蕉
• 雪梨奇異果雪芭
• 香橙雪芭
• 同埋芝士餅和老公喜歡o既榴槤

今個夏天, 我們這一家可以成日食健康無添加雪糕啦, yeah!!!!!



題外話:

上網知道Yonanas係著名食品公司Dole其下品牌, 矽膠同配件都經過安全測試, 有BPA Free同SGS Safety Certificates, 質素就有保證啦 ~

更多資料: 

網站:  http://yonanas.hk/ 

Facebook:  https://www.facebook.com/DoleHongKong 

食譜: http://yonanas.hk/recipes/

豬仔包10個月成長紀錄

2014.05.27 (星期二)

由於一年容易又中秋

所以一個月就更加容易又來出成長報告

OMG..............

實在 ~~ 實在 ~~ 實在 ~~太快了

點解我呢隻小甜包貢快就10個月大

他的百日宴仲好似早兩個月才發生一樣

嗚..........乜原來又要開始諗一歲生日會啦 (well..........其實都冇打算搞, 哈!)

呢個月唔知有冇長高到, 也唔知有冇重到 (因為冇去健康院)

只知今個月一次過出3隻牙 (上面兩隻門牙同一隻右犬齒)

一日3餐奶中, 大部份時間食240ml

包最近唔係日日便便, 有時令媽媽我有d擔心呢 (果陣餅唔食都有得痾嫁ma)

另外2餐固體都食杰粥了, 希望他努力向爛飯進發啦 ~

今個月真的爬得好o左好多

呵呵, 來緊希望記得帶他參加爬行比賽啦 (果陣芝士餅冇去玩過, 所以今次希望記得啦 :p)

也開始了上pg



有了芝士餅的經驗, 原先我打算豬仔包過一歲才上pg

點知上次free trial 時他超級爆喊

發覺他真的好怕陌生人同陌生地方 -_____-

剛巧同4個媽媽會媽媽又可以夾到時間一齊join新開pg的promotion......才$200/4堂

地點又叫近我們, trial 完也叫ok (以貢o既價錢來說)

所以就go go go 啦 ~

so far 已上了2堂, 豬仔包上第1堂已經比上次上trial好 (只是第一下有d d 飲泣)

第2堂就冇喊啦

希望他keep it up, 來緊唔再怕陌生啦

唔好講笑............媽媽我嘆埋個暑假又要搵N班, 之後又interview 啦............sigh /~_~\

學習方面, 懶媽媽就係懶媽媽..........

得閒早放工才可以同佢玩下

媽媽我真的冇鬼用呀, 哼!

呢個月豬仔包也第一次剪頭髮

為公平起見..........豬仔包第一次剪髮也在較有名的Private i Garden Kids Salon剪 (家姐姐之前就貪張cert在文華酒店剪)

之後當然在家樓下的$20 EE到搞掂啦 XDDDDD

其實最 ideal 最親子係自家剪!!

可惜我美勞一向fail, 自己都信唔過自己, 也唔想找自己對囝囡做犧牲品啦 :p

仲有豬仔包第一次品嚐雪糕

第一次盪鞦韆

也過了300天

..................

....

媽媽我期待與這小伙子經歷更多的第一次!

豬仔包: 媽媽我只知道此刻愛你!!!!!