翻查記錄, 發覺我既 【G相館】巧耐冇post過自己影既相啦
對上一次已經係今年1月既時候了, 之後只係懶到响fb偷d Ali 妹既相出來 
我部玩具自從花展之後已經收埋o左好一段日子啊, 佢唔發霉都已經偷笑呢......
其實我對影相仲有 "pair 唇", 自己仲好想好想學好佢 ~
早排都有留意 d 師級既影相course, 價錢成皮皮聲, 心思思想走去讀, 但又怕就算願意俾錢讀, 卻發現自己根本未夠班上 (因為自己真係好好好低 "呢", 怕其他同學講什麼光圈快門移軸, 己就O晒咀 ~)
e家都係決定先玩玩亂拍拍操多d先至再作決定吧 (好怕自己又3分鐘熱度呢)
又到聖誕, 各大商場都整到鬼火貢靚, 可以有機會去影影影啦 ~
繼上年既 carrie chau, 今年時代廣場就用o左幾米, d 公仔好靚啊!!!
可惜周日晚人山人海, 巧難先至就到個鏡頭係冇途人......umm.......定係其實影寫實相, 根本就唔需要就來就去呢 ?!
不過好難得亞仔肯陪我去影兼行街街呢, 最重要係之後一齊去吉野家到打邊邊, yeah!!
食完吉野家之後我不斷同亞仔講我好滿足, 好開心......佢就好奇怪點解我唔係去鎌記都貢開心呢.........其實做人有時簡單d, 得既快樂會多d呢 ^^
*****************************************************************
同場加映:
世貿既 LOVE christmas ~
同埋發記甜品, 第一次食佢既酥皮卷, 幾好味bor ~
同埋e家周圍既糖水鋪都整既綿花冰 (ummm........呢隻甜品對我呢個寒種人來講實在太寒涼了, 食o左幾口已經不斷打冷震 @_@~)
沒有留言:
張貼留言