爆殼壽宴 @ 北京樓

雖然踏入o左3月, 但係我既生日飯仲未食完呢

自從認識到甜甜餅神, 一日未食佢整既餅神蛋糕, 我既大晒活動都唔可以叫做完結啦

相約o左一排, 今日終於可以同我既好blog友們食飯慶祝啦, 好開心啊 

難得老闆唔响office可以早放工, 即刻拿拿聲相約圓圓一齊渡輪上

一見到圓圓, 一向天真同好傻的我就更加傻傻傻, 大家諗o下一個轉數快既聰明豆遇上轉數慢既烏GG會刷出o羊火花呢

今晚我既壽宴設响尖沙咀既北京樓

終於可以一嚐富貴雞啊 ~

不過要我爬出去幾張枱遠既地方去打爆一個疑似自己個殼既物體..........內心~~~~巧~~~~興~~~~奮~~~~啊~~~~

 

隻雞好香呀, 而且都幾好味, 不過如果d內再滑d就更完美 ~

其他餸菜:

 

 

 

 

 

味道同賣相都好, 我特別覺得個魚做得好出色啊

收到好多禮物, 件件都好啱好啱我呢 ~  你o地真係有心啦  

仲有, 好開心你o地各位同我唱細細聲既生日歌呀

最後既重頭戲當然係食甜甜為我整既生日蛋糕啦, 聽佢講完個波節重重既整餅故事, 我巧感動啊!!!! 真係好多謝你呢  (回多你一個吻先)

呢個係榛子香蕉朱古力蛋糕, 淨係個賣相已經好得啦, 再睇埋佢既內涵 :

(面層係焦糖榛子粒&chocolate truffle mousse, 然後係榛子mousse, 中間夾了半條香蕉, 下面係香蕉mousse, 最底既蛋糕係朱古力蛋糕 <-- 蛋糕解構源頭 : 甜甜餅神) 

個蛋糕真係好好好好好好好味呀 , 我覺得今日個蛋糕比我情人節响文華食既go go 力蛋糕更好味啊~

多謝圓圓, 甜甜, 好妹妹天蠍GG, Dancing Queen Karen 同 齋戒 TanTan 啊, 見親你o地我既感覺都好親切呢, 我呢餐生日飯食得好爽呀, 再一次又食又拎啦

雖然靚花Cindy同菇菇Babe你o地有樹來唔到, 不過我從中收晒你倆既心意啦 ~

仲有仲有, 我果位深海奇兵蝦吉.........噢, 我旦著與你踏枱腳呢

p.s. 菇菇Babe : 今晚你家家嫂巧錫我啊, 佢今晚少o左哼打爆我呀我, yeah