產前講座@Eton Hotel

哇哈哈..........我同亞仔琴日又出動去聽產前講座啦 ~

今次既主辦單位係雅培IQ Plus, 而地點係Eton Hotel 既金鑽廳 (當年都有考慮係呢樹擺酒呢, 不過佢唔可以擺三十幾圍.........起初仲以為係酒店攪talk會有小食供應, 點知原來係冇既呢 )

見個topics都幾OK, 而且又註明有禮物拎(...係重點之一呀), 於是第一時間就通知埋B媽同另外一位朋友報名參加, 而最後我們都可以on-list 參加啊 (因為人數有限呀)

呢個talk係星期日朝早舉行, 對於有渴睡症既亞仔來講真係一個大挑戰, 起初以為佢一聽到個時間就會say no 唔去, 點知佢願意去之餘我仲唔算太費力就叫到佢起身, 而且仲可以盡時去到會場 (不過就唔夠時間食早餐), 真係好感動呢!!!!

今次個talk既topics有關於陪月, 胎教, 產後運動, 母乳既營養素, 初生嬰兒護理........ummm, 都幾好聽呀............起碼聽完令亞仔e家晚晚都同芝士餅傾計同介紹自己係佢爸爸, 仲有仲有..........同我腳步按摩啊, 呵呵呵 ~

個talk除o左有資訊聽, 仲有獎抽呢 ~  不過我就抽唔到, 但B媽就中o左獎呀, yeah 恭喜晒!!!

另外當然唔少得就係完場既禮品包啦............另外有幾個攤位擺o左係樹, 而個別攤位係登記完之後都有welcome gift 送呢, 呵呵呵 ~

來緊我都報了兩個免費既產前講座, 希望都可以派到籌聽啦.........Johnson & Johonson 果個list out o左個禮物包都幾正嫁, wakakaka ~

登記@浸會醫院

今日放工同亞仔一齊去浸會醫院登記..........

........話說我第一次睇倪醫生既時候, 佢已經幫我申請養和醫院, 而當時既養和仲係有位既 (但好似到了3月中左右既時候, 養和11月既booking已經full o左, 真跨張呢!!!), 到大概4月尾左右, 姑娘就打電話通知我5月前要俾兩萬元訂金作留位費

其實我仍然15-16-ing去政府醫院定私家醫院生, 但e家貢早就要俾貢多$$訂金即係叫我們冇彎轉要去私家醫院生, 亦即係再要俾多幾皮野出來.............但係政府醫院生, d錢就可以留番俾出世後既芝士餅用............可惜, 另一方面, 自己仍然對政府醫院有d concern .......

呢個問題其實我同亞仔已經諗o左好耐, 有樹亞仔會話唔想我辛苦就會話都係去養和生啦........但有樹一諗起生bear既total cost, 又會覺得貢多人都去政府醫生, 應該都冇乜問題掛, 而且仲可以慳貢多..............sigh, 我們只係普通打工仔, 如果巧有錢, 以上既問題就唔會係我o地既concern啦 ~

後來, 因為轉睇所有野都平一半既曾醫生, 而佢亦都幫我們去check下九龍區私家醫院仲有冇位, 結果九龍法國同仁安都full booking了, 得番浸會仲有幾個quota, 而浸會既留位費亦只需$6000............經過一輪相討, 我倆決定拎呢$6000出來買個保險........如果我一路都feel ok, 貢就會去東區生; 反之, 如果我到樹有咩問題 (e.g. 芝士餅size太大, 臍帶圍頸 or 頭仔冇向下轉.....), 貢我們就有option去私家醫院生穩陣d.......

家姐姐知道我o地既決定之後, 就覺得我好seafood, 覺得我好似當年結婚一樣成日俾訂人呀  我知知...........我係seafood吱呀

產前講座@東區

今日又去聽免費既產前講座

負責既單位係東區醫院 ~

只要大肚媽媽係响東區醫院登記既, 貢拎住張 "白卡" 就可以去聽

佢通常係星期六下午時段攪, 一連5個星期為一個循環課程, 每次一個topic, 因為佢唔水錢, 所以就算miss o左一堂, 可以係下一round再補番 (貢都幾好呢!)

我今日同亞仔去聽既係 "嬰兒護理"

姑娘都叫做幾細心貢講解照顧初生嬰兒既注意事項, d 料有d同早幾日上既產前講座差不多 (Good, 可以不斷recap自己既memories), 仲有條片睇點同bear bear沖涼, 而且又有Q&A時間, 對我們呢d無知既P牌父母來講都的確唔錯bor ~

今日呢班都有成50/60個準媽咪係樹, 場面都的確幾壯觀呢

另: 東區醫院仲有一個$750既課程俾d準父母參加, 呢隻course就有教呼吸法同產前運動...........我仲考慮-ing參唔參加呢, 因為一參加就要一連5個星期六由朝早十點上到十二點, 之後如果又繼續上佢既產前講座, 貢即係去到下午四點幾............噢, 成個星期六又差不多冇晒呢

見倍月姨姨

今日同老媽 & 家姐姐約了位倍月姨姨見面

本來唔打算請倍月既, 因為99認為佢可以manage到, 佢早兩年都全天侯照顧弟婦坐月既起居飲食同埋打理到Ali妹肥肥白白, 所以覺得唔好浪費果萬幾蚊俾人, 反之用來買補品仲好.......而且我老媽都會日日來探我同幫幫手, 家姐姐又會請大假, 所以認為都應該可以應付 ~

.........不過, 老媽諗諗下都係覺得請個人幫輕我99手會好d同舒服d, 因為初生嬰兒成日係夜晚先喊, 如果我99由朝照顧我同芝士餅都晚就怕佢太辛苦同勞累, 所以老媽就決定請個倍月姨姨主力由朝到晏照顧我同芝士餅, 貢99就可以留力接夜晚既淩晨場, 起碼大家都可以有幾粒鐘訓下.........而老媽同家姐姐就唔水倒塔貢早同老蓮貢遠趕來幫手 ~

由於坊間大量陪月中心, 一時三刻都唔知搵邊個好, 而且有d朋友用完又換來一肚子氣, 所以我o地都只係靠朋友們介紹 d 曾經用過而comments又ok既去contact...........

點知好多個都已經俾人booked, 噢 (我大概3個月多d開始搵, 貢即係d人一有o左就搵啦) ~~~

最後得3位倍月姨姨係仲有期既...........不過其中一位我同佢over-the-phone傾野已經唔太滿意佢既態度, 同埋佢d期好pack, 以我e家既預產期同佢下一個job既schedule來計, 佢只可以照顧我三個禮拜, 之後又push我雖然未見佢都想我confirm請唔請佢, 因為佢剛剛剛收到call要另一個早我半個月既offer, 既然係貢, 我唔水同你interview都決定啦, 哼 ~

今日去見面既係Mini介紹既倍月姨姨, 佢好有禮貌亦都好considerate, 講野都有文有路, 而且呢位倍月姨姨以佢年紀來講又的好確幾靚同順眼 (我老媽好怕d面目可憎既亞姐嫁), 雖然老媽話佢究竟做野係快手腳定慢手腳要到樹先知, 不過起碼e家見面就合格啦 ~

本來我仲想去見約另外一位由茄同樹介紹既倍月姨姨, 但家姐姐怕我seafood, 見完又係差不多ok我又15-16煩佢o地兩個, 加上佢覺得既然e家兩位價錢又一樣, 又係朋友介紹 (即係用過既人都會話佢o地ok), 貢我自己覺得佢o地好唔好都係要做落先知, 為免我再度seafood, 老媽同家姐姐都話費樹煩同費樹再約見就不如揀今日見面呢位倍月姨姨 ~

hehe...............就係貢, 我們就請了鳳顏姨姨來照顧我坐月同照顧芝士餅, 希望鳳顏你真的幫到我o地手啦 ~

***************************

特別嗚謝: 資助請倍月姨姨既老媽同家姐姐

產前講座@科學館

2010.05.17 (星期一)

今日同老公第一次去聽產前講座, 呢個講座係由仁安醫院免費搞既, 講兩個topics: (1) 順產定開刀同(2)初生BB要留心既事項

可惜我遲放工, 結果遲O左成半粒鐘先去到, 去到已經講O左一大半順產同開刀既好同唔好處..............雖然只聽到尾段, 個醫生既view都係覺得如果冇乜大issue, e.g. BB size好大or其他特別原因, 佢都係覺得順產係好d既.............

而另外一part關於衫生bear bear既注意事項, 醫生就好briefly講一d初生bb可能會發生既現象, 係咩情形係唔水緊張, 而咩情況就需要睇醫生; 另外又講下母乳既好處........

起初我都怕亞仔會覺呢d講座會悶, 點知佢都覺得呢d講座都幾有用, d info又幾好, 仲話如果來緊仲有佢都願意繼續聽 ........

Yeah........芝士餅: 你爸爸為o左你變乖o左呀, 因為佢以前讀U樹成日走堂嫁

而我都好喜歡聽呢d產前講座, 因為除o左收到知識之外 (呢個course係唔水錢既), 仲或多或少都收到d禮物, 簡直啱晒我呢隻cheap精啦

 

老公, 生日快樂!

哈.........之前一口氣出了好多篇私人網誌, 今次等我出番篇公開既啦 (不過我估又會收到好多垃圾留言啦, 哼 ~)

5.16 係亞仔既大晒日啊

今年亦係佢婚後第一個生日呢, 所以係我第一次同佢講: 老公, 生日快樂!

希望你身體健康, 開心愉快, 繼續努力關愛我..........同芝士餅, 為了我們, 你要努力工作喔 ~

以前點都會早早就預備好去邊樹食飯同買d咩禮物, 踏正十二點又會打電話同佢講生日快樂.............

點知今年第一年一齊住, 我居然掛住上Baby Kingdom而忘記同佢講生日快樂啊.........而且仲未book枱食飯呀

end up 攪到佢過o左十二點幾响我面前行來行去同報時我先醒起

訓醒後就拿拿臨去openrice搵地方食飯, book o左幾間, 問埋亞仔意見, 就決定以下路線途:

Lunch @ 時新漢堡包

Tea @ 曼聯餐廳

Buffet @ Harbour Grand

原本今年打算唔買禮物嫁 (因芝士餅已經係最大既禮物呀), 但後來係曼聯餐廳入面既專門店仔都買了份小禮物俾佢呀 ~

雖然都係平平淡淡貢渡過, 不斷既食食食我們就最開心啦, 而且今年既生日大家既身份唔同多, 仲多o左一份子同我o地一齊慶祝, 感覺好特別耶 ~

****************************

P.S. 呀...........醒起自己慶生冇post過去邊樹慶祝呀, 果日大家都要返工, 所以只係食晚飯慶祝, 本來就係想去Harbour Grand食buffet, 點知當日冇蠔食, 唯有改去銅鑼灣食扒, 順便改去下場派利是.............

今年除了收到亞仔送既太陽眼鏡做禮物之外, 佢仲係fb彈o左首生日歌俾我tim, 雖然彈得唔太好, 而且個睡衣look仲嚇親街坊............不過, 我好窩心呀

另外, e家計番d日子, 原來我生日樹芝士餅已經係樹同我們一齊慶祝啦

第7次產檢 x 曾醫生 (@13w5d)

2010.05.12 (星期三)

上晝99陪完我去東區, 下晝就係老媽同家姐姐接力陪我去見新既婦產醫生 -- 曾醫生

呢位醫生其實係弟婦同佢既一眾同樹睇開的, 上網睇Forum都有讚呢位醫生詳細同細心而且收費又合理.........佢仲有個package價, e家係$8000包晒成個懷孕過程無限次去睇佢連藥費呢, 當然Oscar/照結構/驗血另計啦 (我之前睇倪醫生幾次已經係呢個package價既雙倍價錢啦, 如果好似我之前流啡既situation而要密d見醫生, 貢佢呢個package又真係化算好多呢~)

加上我覺得自己真係愈來愈負擔唔起倪醫生既收費, 雖然e家開始只係每月一次, 但遲d到了八/九個月左右又要見密d, 甚至乎後期仲要一個星期見一次, 貢加加埋埋都幾係野.........加上如果揀佢就要去養和生, 佢既醫生費同醫院收費最近又加了價, 噢 ~~~~ 真係要預成十皮先得呢 ~

基於以上原因, 我就試下見almost所有野都平佢一半既曾醫生.........

umm.......佢的確幾ok呀, 而且照 u/s 的確好細心, 佢左照右照同不斷解釋呢個係咩位置咩器官, 而且仲一口氣俾o左8張相我啊 (我呢d C9當然開心啦, 因為有時睇倪醫生, 佢唔係次次都俾嫁, 要我左問右問先有呢)

之後同佢講番我尿糖既問題 (因我係呢樹同樣驗到尿糖高o左d ), 不過佢就冇嚇我, 反而話驗尿唔係最準, 觀察下再係貢先至需要驗血, 不過佢當然都有叫我小心飲食, 講講下就估計係我飲既鮮榨橙汁可能太多果糖而需要

不過如果揀曾醫生, 佢只掛單九龍區既私家醫院.........對我來講就遠o左d.........well, 係呢個階段我仍然15-16係政府醫院定私家醫院生, 所以都係叫護士check下有冇位先啦 ~~~~~

 

第一次見醫生@東區醫院

2010.05.12 (星期三)

繼上次見姑娘之後, 今日終於安排見政府醫生啦 ~

約了10:40am, 結果呆旦了個幾鐘先見到醫生 巧彩我有部唉瘋陪我咋, 而99就聽收音機 ~

入到去見到個女醫生 (巧似仲細個我), 問o左我一d簡單問題之後就用 "鴨咀拑" 幫我驗下陰道, 再用胎心機check下芝士餅個心跳 (每次聽到我都會好開心), 之後就再驗一驗乳房, 成個約三分鐘既檢查就完成了

醫生之後再約我下次見 (不過未必會係佢見啦), 但下次就安排照結構.........即係有超聲波睇啦, yeah!!!!

聽朋友講, 政府醫院通常只安排照一次 u/s (我同樹係瑪麗就話一次都冇tim), 不過唔緊要啦, 因為睇政府醫院係唔水錢, 係有限既資源都唔可以expect佢o地有d咩星級服務, 不過我覺得政府醫院d姑娘同醫生都算佢貢啦, 都好有禮貌同叫有系統......想見多d芝士餅, 我咪再睇私家醫生囉 ~

Yes, 今日晏晝見新醫生又可以見芝士餅啦啦啦啦啦啦

************************************

P.S 今日拎d尿俾姑娘驗 (政府醫院係需要自備樽仔俾姑娘驗的), 佢話我尿糖多了一個 "+", 醫生就話現階段就觀察下, 如果下次都係貢, 就會安排我早d "飲糖水" test 吓有冇糖尿呀