第六次產檢 x Oscar Test (@11w6d)

2010.04.29 (星期四)

因為星期六full booking, 所以唯有揀平日去見倪醫生, 幸好老公肯冒險中間既返工時間溜一陣出來陪我一齊見醫生咋 ~

今日係做Oscar Test -- "早孕期一站式唐氏綜合症篩查", 簡單d來講即係check下bb患有唐氏綜合症既風險, 而呢個test係適合懷孕11-14周既婦女去做既 ~

今日芝士餅11w6d, 所以係時候去check下啦 ~

一去到, 芝士餅好懶呀 (唔通似亞媽我?!), 倪醫生叫極佢都唔多願郁到啱醫生check到佢頸皮既既位置 (好naughty呀 ).........倪醫生唯有先幫我抽血先, 希望等一陣芝士餅會乖d啦 ~

抽完血我都不斷同芝士餅講叫佢乖d轉啱位俾倪醫生check, 好彩佢轉多幾轉終於轉啱位度頸皮啦 ~ 

第二日驗血報告出o左, 感恩...感恩, 個 results 係1:10000, 屬於低風險呀, yeah, 過了第一關啦!!!! 芝士餅

之前睇Forum, 見d媽媽去照Oscar, 醫生會俾埋vcd佢, 甚至乎有d醫生會醒幾張3D/4D張tim, 所以我今次都要求倪醫生俾vcd我.........不過倪醫生今次就冇print相俾我呢 巧彩老公返去幫我capture張相出來呢, yeah!

*****************************************

P.S. 今次見完倪醫生, 本來下次再見佢係一個月之後...........不過因為轉醫生(佢診金太貴了, 比一般醫生貴50%呢, 我想留番d錢俾出世後既芝士餅用啊) , 所以暫時都應該唔會再見倪醫生住啦