樂施有禮

好開心芝士餅收到了契媽們同爸爸媽媽額外的生日禮物

之前搞mini party, 事前我同契媽們講不用送禮, 只要俾封利是仔俾芝士餅就可以鳥 (但end up 各契媽仍然好有心送了禮物俾餅餅 , 謝謝!)

因我會將她們的祝福代餅捐去樂施會, 參加「樂施有禮」呢個計劃

說實在, 芝士餅的確實有很多玩具同衫, 一時三刻契媽們問我買咩禮物俾餅餅好, 我都想唔出呢 (雖然我o地兩公婆都好想呀囡有部鋼琴, 但呢樣野冇奶油叫人買嫁)

琴日睇番自己既「G胎記」, 令我想番自己由有o左之後既種種擔憂

身為父母, 孩子能健健康康, 快快樂樂其實已經充滿恩惠

我們真的要感恩!

為此, 我好希望身為小小樂施之友既芝士餅可以由小到大培養出sharing, 好好領悟施比受更為有福呢個道理

的確......小心思, 大意義!!!

因為「樂施有禮」呢個計劃係屬樂施會扶貧項目的一小部分

我們每選購一份禮物，所捐出的款項將用作資助有關的扶貧項目，讓有需要的人得到所需的幫助。

 

而收禮者又可以收到心意卡，即係一份禮物兩份心意呢

 

例如訂購一隻毛絨山羊，捐出的款項有以下用途：

 

1. 購買一隻毛絨山羊

2. 運送山羊到有需要的農戶家裡

3. 教授農戶養羊的技術　

4. 種植牧草餵飼山羊

5. 協助養羊戶獲得更多市場訊息

 

樂施會將盡用每位訂購者的捐款，推行指定的扶貧項目 (如買羊所捐出的款項，將用於養羊項目，直至該項目結束為止)。

 

倘有餘款，他們會把有關款項用作資助其他扶貧發展項目，以便更有彈性地回應各地貧窮人的需求。

 

目的係助人自助　對抗貧窮!

 

今次我們送了以下東東俾芝士餅:

 

雞鴨羊三寶

對尼泊爾山區的貧窮農戶來說，耕種的收入受環境及氣候變化影響而每況愈下，飼養雞、鴨等家禽以及山羊，是幫補收入的主要途徑。

 

十隻小鵝

為貴州貧農提供幼鵝及飼養培訓，出售鵝隻及鵝蛋可增加收入，而鵝糞亦是優良的天然肥料，降低農戶購買肥料的成本，減少使用化肥，保護自然環境。

以前我成日都好想去捐下錢/ 助養下兒童, 但成日都只係响『想』呢個level上 (當然有咩突發災難我都會捐錢, 但唔regular囉)

唔想餅餅學自己, 所以當生了她之後, 我與她便齊齊成為了樂施之友, 每月捐少少幫下有需要的人

等遲d餅餅大個有自己既零用錢, 我就會叫她每個月儲起來自己捐

希望她由小就可以培養一份愛心, 可以由小就關愛別人

我想每年都keep住送呢份禮物俾餅餅啊!!!!!!!

大家如果都有興趣, 又或者諗唔到送咩俾朋友作生日禮物 / Xmas gift, 可以去以下呢樹睇下呀:
http://oxfamunwrapped.oxfam.org.hk/index.php?r=2&lang=cht

禮物價錢只是由$120起...........另外仲有一個人多勢眾送大禮都好正嫁!