雖然我明白...............
但仍然傷心...............
事緣係...............芝士餅昨晚唔好跟我
平日放工回家, 佢見到我都會笑笑笑, 叫佢叫我又會媽咪媽咪貢
點知...................
琴晚放工見到我唔多啋我
又唔叫我
我換完衫出來想抱佢又唔俾, 仲喊
之後食完飯玩遊戲又係唔多跟我, 佢淨係成日搵99
我都明99長時間照顧芝士餅, 比較跟佢係好正常
之但係...............
我仍然要唱心酸的情歌囉
唔通因為我係屋企唯一o既衰人........會話隻臭餅, 叫佢企naguhty corner, 同唔就佢 ?!
但係隻餅真係愈來愈難教, 早兩日佢發脾四掉o野, 我大聲d話完佢就狂喊, 仲喊到嘔!!!
我覺得隻餅係專登狂喊, 專登chok到嘔番d粥出來嚇鬼佬.............
當時我並冇因此而心痛, 只係覺得佢好naughty, 有冇搞錯xyz@#@
之但係, 99同呀仔就梗係5555問餅知唔知錯 (佢梗話知, 話乖啦), 然後就抱走佢
真的想頂佢, 滿腦子點解點解點解
愈來愈覺得生b容易教b難!
天呀, 有冇d tips可以指引下?!
唉﹗我都一樣啦﹗都有得你叫TROUBLE TWO啦﹗差唔多2歲就開始 "黎料" 架啦﹗不過我會同阿旺輪流做衰人囉﹗
回覆刪除[版主回覆06/15/2012 14:37:43]我老公都唔會"就" 芝士餅, 因為佢會採取"由你喊" o既招數.......但又唔會做衰人囉
Oh...I have the same problem too!!! 就嚟兩歲就百厭到飛起, 返學唔肯換衫, 食飯唔肯坐 High Chair,好百厭真係想講 @#$#@@#%! 不過小朋友要慢慢教, 罰完佢就再講道理...唔知 work 唔 work??
回覆刪除[版主回覆06/15/2012 14:39:17]sigh.............教佢o地真的要好大o既耐性同EQ~
冇辦法, 一定要同屋企果2個講清楚唔可以一鬧就抱走架, 餅餅只會愈來愈唔理你(有人撐腰嘛)
回覆刪除[版主回覆06/15/2012 14:46:40]平時佢o地唔會o既, 佢o地會俾我鬧............不過今次隻臭餅喊到嘔, 仲嘔o左幾多同仲想chok去嘔, 所以就拿拿聲問臭餅知唔知錯, 佢o地都等佢講知錯才抱走(因隻臭餅開頭仲唔肯講, 哼!)
笨 C 呢期都成日扭計兼且勁硬頸, 喊好耐都唔停o個種。係老公先治得佢掂 >< 笨B爸爸好激架, 佢會o係條褲度抽條皮帶出o黎嚇笨 C, 雖然我好驚佢真係打落去, 但我都要扮睇唔到唔理, 聽到笨 C o的喊聲我都好肉痛架 ~
回覆刪除[版主回覆06/15/2012 14:48:38]佢o地呢期超trouble two 呀...........隻臭餅得唔到o既o野成日咋喊, 我們已經唔show佢 or 用其他o野引佢, 真激氣!
我都好feel for你, 因為我都面對同一個問題!
回覆刪除我覺得唔係ftm就一定要面對呢個問題, 尤其係老人家湊, 佢地對細路就算唔係就到暈都通常都係軟功出擊, 而我地父母就stand firm, 小朋友簡直精到暈, 點會唔識揀! 但係我地都要堅持, 因為咁細個已經唔肯obey父母, 大咗仲難教呀!
努力, 加油!
[版主回覆06/15/2012 14:51:43]yes yes yes, e家d細路真係精到屎!!!! 我99都唔係就, 不過就軟功囉........所以我間唔樹就俾d文章99睇, 希望可以改到少少佢個mind set (好彩我99都會接受的)
我都係比我爸媽湊, 某程度上佢地都係"縱"d, 所以我見到就會返屋企再思想輔導下阿女, 好在佢都幾明白事理。 另外, 我睇左本書叫"好媽媽勝過好老師" 我覺得寫得好好, 推介比你~
回覆刪除