芝士餅37個月ad hoc 成長紀錄

hehe.......上次都話過o左3歲就唔再個個月貢regular幫芝士餅寫成長紀錄

但點解我又pat pat痕走來寫個遲來的成長紀錄呢?!

因為我覺得呢個月芝士餅o既失心瘋有突破的改進

呢點真的令我由衷的感恩同感動

...............

其實我都唔知點解因乜事可以trigger到芝士餅有貢o既improvement

..............

或者她已接受豬仔包的存在

或者她又跨過o左terrible 3 的恐怖日子

又或者........又唔通.........媽媽我o既無比耐性戰勝o左芝士餅內心心處o既惡魔?!  wakakaka

any肥, 見到芝士餅似返個人, 媽媽我真的真的真的有苦盡甘來之感!!

芝士餅e家大部份時間都叫正正常常, 唔會話太過亂發脾氣臭四 (除了扭眼訓扭計之外)

又成日話細佬佬好得意, 亦都開始handle包包with care

仲有就是肯食番菜同水果 (由於佢好想打乒乓波, 但又未夠高去波枱, 所以我們用呢個point叫佢食多d蔬果長高d)

肯主動做家務小幫手同肯用番牙膏刷牙 (呢d都真多得學校教導)

肯臨訓聽我們講故事書又肯咩人陪訓都得 (早排佢失心瘋就發癲式搵99陪訓咋)

雖則以上總總的進步我真的好開心

之但係........我家呢隻小不點又點會貢容易俾安樂日子我們呀

芝士餅仍舊monkey, 有用唔完的energy在家跑來跑去, e家仲識搵d 「危險」方法爬高 @@

e家把口咀gel gel, 除了問點解點解點解之外, 已經開始識駁咀同跌落地拿番咋沙來回應你>.<

一唔夠訓就特別臭四, 又或者朝早剷到上天都唔願起身 -___-"

出去任何餐廳都唔食o野 (但係屋企就可以食成碗幾兩碗飯)..........貢媽媽我真的好難帶佢出去威威啊 @@

耐性 / 專注力仍然唔太足 (鬼咩............媽媽我都冇呀, 嗚嗚嗚~)

umm...............當了媽媽之後, 我發現原來「生」小朋友已相對容易, 怎樣「教」才是更高的學品同層次

父母真的是小朋友的鏡子, 有o左小朋友之後, 自己更要好好tune自己的態度, 待人接物..................

仲要係e家呢個畸形怪狀o既香港教育制度下打滾..........

你緊張咩, 又俾人叫怪獸; 唔緊張咩, 又俾人話唔教子女或者臨急抱佛腳先知驚.................

唉................

老公話: 從來只有「品學兼優」, 沒有「學品兼優」的

所以at this moment我仍然要記著自己首要希望是子女身體健康, 天天開心, 品德行先, 學業為後

為此, 媽媽就pat pat 痕打了篇blog作個紀錄同共勉之!!!!