因為芝士餅好厭食, 過了3歲之後之後又要收$$$, 所以我呢d C9 計完條數就bye bye ~
我覺得如果佢食都值得呀, 可惜佢唔食又食, 仲成日媽咪媽咪, 搞到我掛住服待主子都冇得好食 > <"
所以最近悅來酒店邀請我們一家四口去食自助餐時提及有playroom供小朋友玩, 我第一時間話go go go ~
要知道playroom係小朋友放電既好地方, e家個playroom仲係buffet旁邊
大人可以食, 小朋友可以玩, 真的win win situation 啊~
原來我們今次來食 dinner buffet, 正值咖啡室於3-4月期間安排的「巴西美食嘉年華自助晚餐」
未開始食, 也見到滿場的旗海同特設的以巴西森巴舞拍照佈景同巴西音樂, 好好氣氛啊!
雖則悅來酒店咖啡室唔係咩頂級酒店, 我也是第一次來食, 但酒店俾我感覺叫地方雖小, 五臟俱全, 食物總類好多選擇呀
回本食品有我老公至愛即開生蠔 !!!
另外也有長腳蟹, 螺, 海蝦, 魚生等..............
話明巴西美食嘉年華, 當然有好多巴西美食
包括椰汁焗蟹肉、煙肉黑豆燴排骨、燴海鮮、雞肉玉米碎、炸鹹鱈魚，各式沙律如八爪魚蕃茄沙律、燒茄子沙律等
另外, 又有一系列當地特色甜品，例如蕃石榴芝士餅、士多啤梨撻、軟心朱古力、香蕉蛋糕和椰汁藍莓布甸，滿載南美風情
而且只要惠顧自助晚餐，每位客人更可享無限量供應汽水同紅白酒!!!
以呢個價錢有紅白酒任飲同埋不同總類食品, 真的好合理呀 ~
不過我們另外order了特飲，包括芒果沙冰同Caipirinha
芒果沙冰冷涼透心，也好香芒果味
而Caipirinha是巴西的國酒，擁有超過四百年的歷史；以甘蔗酒為本，混和檸檬、砂糖和冰塊，便成一杯酸甜可口的雞尾酒。
如果住開附近的朋友, 平日或然者weekend 近近地都可以多個考慮..........
而好似我們住港島區既, weekend去新界玩完都可以輕輕鬆鬆去 d baby friendly 既地方慢慢食回下氣.......有playroom 俾小朋友放電真的好正呀 ^.^
當日芝士餅就真的乖乖快快食完碗飯就入去playroom玩
作為友誼小姐的她又不斷同其他小朋友social
順帶一題, 我當日去時差不多full house, 但d服務員仍然好有禮貌, 收碟速度都好快
聽PR哥哥姐姐講, 來緊5-6月會做我至愛既星馬美食..............相信會更吸引大家呢 !
再次多謝悅來酒店公關部的安排 ^.^
更多資料:
http://www.pandahotel.com.hk/zh/dining/pandacafe
收費：星期一至四 成人: $418 小童及長者: $318
星期五至日、公眾假期及公眾假期前夕 成人:
$448 小童及長者: $348
優惠： 憑VISA信用卡惠顧自助晚餐，可享7折優惠
地點：香港荃灣荃華街3號悅來酒店大堂
訂座︰ 2409 3218
備註： 所有價目另加一服務費
沒有留言:
張貼留言