雖然都安排o左d暑期班俾芝士餅消磨日神
而且 d course 都唔係全部學術性
之但係，成個暑假冇奶油唔出去週圍走下嫁
可惜媽媽我平日要返工, 呢排又唔請到假
好彩..............
芝士餅有個好錫佢的E-MAMA
好多時媽媽我有乜事湊唔到芝士餅, E-MAMA也盡量請假幫我 ~
上星期, 99去了旅行, E-MAMA便請了幾天假做baby sister 睇包餅 (媽媽我唔方心只有工人姐姐一個睇兩個ma)
當中有一日, E-MAMA一早就帶了芝士餅去遊歷...........去打工!
嘻嘻, E-MAMA其實帶了芝士餅去挪亞方舟的《 暑假特工大聯萌》
時間為期約1星期左右 (時間幾好，朝10晏3), 上完之後又會有集體表演
其實好想玩, 不過未有同伴而且又要去金鐘坐shuttle, end up 就冇考慮。。。
而今次呢個《 暑假特工大聯萌》, 就是將小朋友變身暑假小特工
親身挑戰專業特訓，肩負一連串服務社會的使命，發掘品格潛質，萌發正能量因子
既然有E-MAMA幫手, 當然就同芝士餅go go go啦 ～
挪亞方舟媽媽我都未去過 (當年去馬灣影結婚相只是路過咋)
去到當然要影下到此一遊指定相片啦, 哈~
《 暑假特工大聯萌》有好幾項職業嫁, 每個職業也有不同時間和地點舉行
所以大家要留意活動和派籌時間 （周四五按此）（周末按此）
未入場，見到有人表演，芝士餅已經投入去玩～
好, 芝士餅第一份工係做消防員
其實呢個《智勇消防體驗營》既目的，是訓練小朋友勇氣、毅力、誠實
E-mama 話呢兩位哥哥好正, 引到芝士餅好留心聽他們講解
佢o地教芝士餅火警時的逃生三寶, 返來芝士餅仲考我tim ~
之後佢o地就出外面實習
好認真的教學~
E-mama話有一part是小朋友救番佢哋嘅家長出火場，而且仲配合埋煙霧（當然冇味啦）。。。説感覺迫真～
芝士餅個樣好似真的救完火, 哈~
Mission completed!
之後, 又再化身為白衣天使 ~
而呢個《智愛育嬰小護士 》就訓練小朋友智慧、仁愛、靈性
小護士們又是好留心上堂喎~
E-MAMA話 d 哥哥姐姐真的由專業人士train完才教授小朋友嫁
所以佢o地教授得好pro ~
芝士餅一向愛bb, 所以都照顧得幾似模似樣呢~
又幫bb檢查
yo, 成功!!!
做o左兩個職業係時間休息下啦, 芝士餅同E-mama食完飯仲去了玩她至愛的堆沙
Lunch 後又開工，先來做警察 ~
E-MAMA說做警察時, 小朋友不單要步操訓練紀律, 也有教如何去救人
仲有射擊訓練..............
感覺真的好似去了槍房, 哈~
嘩............完成了仲有銀笛獎, 哈哈!
最近, 芝士餅去做妙手仁心
呢個《智仁醫生大發現》就以train up 小朋友智慧、仁愛、修養為target
醫院既環境像真度也高
當然大家各位準醫生要先上堂後實習啦 ~
oh..........預備做手術呀~
聽E-MAMA說, 他們做手術替病人除去肚附近壞組織 (其實一舊泥賿), 但感覺上好真實呢~
救到人, 大家當然開心啦 :)
原來今次呢個活動由親子教育專家張笑容女士擔任星級專業顧問
她聯同來自多個行業的專業顧問團隊跟挪亞方舟合辦，並特別為是次活動設計了測試兒童品格強項的測試問卷，讓家長了解子女的優點和能力所在，鼓勵孩子善用品格特性，發揮「真正」所長
因為之前E-mama也有同我們一齊去台灣baby boss, E-mama話今次呢個《 暑假特工大聯萌》比台灣那個，芝士餅玩得投入d
一來用廣東話易明好多，二來芝士餅又大個咗，明白多了
另外E-mama 話由於每個職業都有專業顧問團隊幫忙, 加上每個職業既訓練時間也唔太短 (total 前前後後around 1 小時)
，所以講解上, 實務上的時間就會多d, 可以令小朋友了解更多和發揮多d
玩完4個職業已經大半日, 芝士餅仲想再玩呢。。。但已經差不5點啦～
其實挪亞方舟仲有其他地方.........
E-mama仲同芝士餅去睇動物同小電影, 的確可以由朝玩到晚呢~
來緊............媽媽我好想組團去挪亞方舟overnight去觀星呢～
如果時間許可又或者weekend未諗到去邊，大家可以利用呢個暑假同小朋友去挪亞方舟玩一玩 :)
再次thank you E-mama 出錢出力同芝士餅去體驗 ^.^
************************************
開了個FB專頁紀錄芝士餅同豬仔包的生活趣事
大家快d LIKE 啦 ^.^
LIKE LIKE LIKE
沒有留言:
張貼留言