芝士餅俾人認到啊, 呵呵呵~

2012.12.08 (星期六)

話說呢日我們一家三口連6299去了迪迪尼hollywood hotel 食步飛 (點解?!  遲d再出post講 )

正當我們預備由離開, 途經酒店門口間精品店之際.................

..........

我見到門口的三眼仔好cute, 想叫芝士餅睇睇.......................

..........

呢個時候, 居然有位美少女sale姐姐叫芝士餅

.........

o下?!

點解o既................

噢 ~ ~ ~

原來我呢個二打六blogger都有人識 (sorry, 人家應該係識芝士餅囉 )

呢位姐姐仔仲送o左好多stickers俾芝士餅呢 (太客氣了, 我打算將一半寄俾我的養子Jodi, 些些)



雖然她是隱形fans, 但我都好多謝你來我個blog探我同芝士餅呢 (當然留言會更開心啦, wakakakkaaaa)



其實我大大話話都寫o左6年blog, 但中間好多時間都hea o左, 又冇每日一blog

但至少由我未婚, 到結婚, 到生仔o既人生大樹都有紀錄下來..........

可以的話我仍然想堅持下去...........

一來可以紀錄自己的生活點滴

二來我係blog樹又認識到好多好朋友

三來我相信呢個blog係我老來日日煲o既地方

為此, 我一有時間就會打幾粒字............希望各位繼續支持啦, 多謝收看

p.s. 提外話: 好彩果日我去event有少少make up, 芝士餅又冇扭計, 所以我冇同老公發癲, 個人唔太惡形恐相咋............如果唔係, 嚇屎人啊

敗性難改

唔係慳家的人, 永遠唔買"呢"就會買"路"

我老公真的多得我唔少

原先去bobbi brown同老公補給 (yes..........係老公, 佢要用bobbi 某一product )

跟住sale姐姐話老公用開的product來緊會唔返貨一陣子, 叫我入多枝...............well 都ok呀

買完sale姐姐又話買多少少o左就有呢套gift set



由於我唔係成日化眼, 而呢盒o野細細地, colors又幾earth tone好啱我........................

所以又敗了多盒2-way cake, concealer同lip balm



買完又有少少內疚..............因為屋企仲有

不過佢枝concealer stick好正, 我d斑斑摭得好好啊! 

另外, 琴日先話唔買衫俾餅, 但又買了其他東東, 哈哈................敗家的人總是有籍口!!!!

多得靚媽推介，係北角城市花園有間shop專買日本文具精品, 比出面平喔~

而且老闆仲間唔中入已經停產的babymilo x sanrio products

之前已經係樹買了baby milo 傘子 ($60咋, 我見過出而賣$1xx), 同babymilo rainboot ($100 only, 但size太大, 唔想擺屋企兩年之後才著, 唯有割愛送俾妹仔吧)

琴日又再掃了以下東東:


 
有沙灘椅, mat, 食物袋連盒, 牙刷套裝同媽媽食一個~

yeah, 買完呢批o野好興奮, 一d都冇內疚....................我估, 買芝士餅related o既o野只會興奮啊, 呵呵呵~

清倉大行動

琴日又叫係放大假時做o左件有output o既task ~

就是幫芝士餅清衣櫃

你們見到呢堆衫係預備送俾4位朋友的.................. (其實呢堆山主要係去季的夏天和冬天衫以及家居服)



1歲之前靚的已入迷你倉, 另外有d又係已經送人

之但係成日都總有d唔捨得俾人...........

可惜屋企又唔係大, 再貢擺都唔係方法

而且我貢敗家, 貢買法, 相信多多倉都唔夠...............加上都唔知自己仲會生唔生件......................

所以今次決定9成唔留, 全部送人

一路執都覺自己好變態同敗家, 小朋友其實唔需要貢多衫...............買, 只係滿足敗家媽媽的敗家行為, 要不得!!!!!

e家芝士餅又開始返學, 星期一至五都著校服

希望我打篇blog remind 下自己, 來季唔好再買太多..............將$$$用去教育/旅行基金吧~

25個月的成長紀錄

2012.11.29 (星期四)

差d忘記打呢份成長報告~

呢個月芝士餅開始返學, 返o左都差不多一個月了~



so far so good la............初初都有d喊, 慢慢地都識應下來

之但係呢幾日又特別扭, 特別扭我或者99抱

even Papa, 婆婆, 公公都唔俾抱

問老師, 佢又話正常.......證明佢大個女, 證明佢會想揀

同芝士餅講下道理, 佢都似明非明o既, 都會冷靜...................十秒貢多

想聽說有d小朋友初初返學唔喊, 之後喊仲煩 or 返學之後更naughty o既 case

我呢一刻都仲未可以好肯定芝士餅係屬於o咩case, 乖o左, naughty o左, 定扭o左?!

umm, 睇o左篇文章, 佢話小朋友返學好似學壞o左o既原因係可能會將係屋企聽聽埋埋o既說話係學校表演出來 (所以我們身教真的好重要)

另外又可能會用喊or異常行為來企圖引人注意, 老師也就會特別留意 (老師說芝士餅有幾日有貢o既表現, 老師end up 採用少少當佢透明o既態度, 芝士餅反而就冇貢扭)

sigh...............anyway, 我們要繼續努力好好做好自己, 好好教導芝士餅~



返學暫時最大o既得著係肯唱歌仔...............以前聴歌只肯un pat pat, e家就會跟著唱呢~

數字, 英文字, 中文字都認到一d d 啦~

其他自理呢, 暫時又唔覺有好大進步............不過我又唔急

在我來講, 返n只係想芝士班burn o下時間, 唔水成日對住工人姐姐, 又當見下其他人同為K1買個保險 ~

我仍然希望芝士餅開開心心為先的!

筆試合格

大假已經放咗一半，感覺上好似冇乜特別嘢做過

呢個灰濛濛、雨濕濕的日子的確令人moody、令人乜都唔想做

除了接送下芝士餅，唯一叫做有d實質嘢做就是去了考咗個筆試

感恩臨急抱佛腳之下合格咗（我考之前兩日才睇試題、用apps練習）



e家年紀大，要強行記d冇乜concept嘅嘢都辛苦嫁

好彩冇浪費呢$5xx考試費

排了出年4月考跑馬地成和道路試（呢個先甘！）

如果唔係為了接送餅方便 ／ 唔水靠老公平日都可以自己揸車帶餅周圍去，我一定冇心學囉！

我prefer做的神多d呢~

any肥，我都唔知要考幾多次路試先pass呢@@

親子旅行日2012

2012.12.01 (星期六)

呢日係芝士餅N班學校旅行的日子

地點係北潭涌渡假營

早係芝士餅未正式返學已收到老師通知呢日會去旅行

收費都不菲啊, 一家3口就要$7XX

但當時都知呢日係interview好日

我一方面好想去親子旅行, 另一方面又好驚crash interview時間

係我們臨交通告前收到一間話in 3pm

同老公傾完就打算朝早去旅行, 下午提早pits 去interview

可惜..............如意算盤永遠冇貢易打響

之後再收兩間學校interview時間又係呢日 (一間就唔知interview日子的, 另一間有兩日interview日子但就撞o左我們期)

樂天的老公當然覺冇所謂, 佢覺得揀了親子, 去唔到interview係天意

只係我seafood G心有不甘 (可能一間係出名學校有小學, 而另一間我排了街兩粒鐘啦)

不過................我都好認同親子大過天

所以我們呢日晨早go go go 啦~

由於之前我冇得陪上堂, 所以呢日第一次入芝士餅課室啊!

集合完上校車, 老師們化身導遊, 同大家唱下歌仔, 玩下bingo, brief一下去到做d乜, 45分鐘車程好快過~

落車先同校長影大合照, 之後就自由活動啦~

如果唔係天陰陰, 濕漉漉, 呢到都幾好玩~

學校送的吹波波, 手按的............芝士餅好喜歡啊~

之後見到大頭妹同小丸子一家, 芝士餅好同喜歡小丸子呢~

小丸子好可愛啊..........我特別愛她肥美的腿腿~



之後集體活動, 大家唱下歌, 跳下舞, 傳下圈圈都好開心

禮堂樓下有跳彈床同其他收費games, 我們揀了free的彈床

再之後去了學校安排的室內遊戲室玩

一個扮車

一個行障礙

 

同老師拍一個



之後就夠鐘食lunch



e.............食物味道比我們想像好呢~

食飽飽我們就提早出camp, 預備3pm的龍校interview啦~

貢又過了一個開心的週末!