因為自己個肚已經籮貢大
點知星期六上完堂, 老公話佢想帶芝士餅去行下書展
加上佢有朋友擺booth我們可以免費入場
於是就go go go........
不過因為帶住我同芝士餅o既關係, 我們只打算行兒童天地 (target 個幾鐘左右)
今次係芝士餅第一次行書展呢~
去到見到毛毛同大眼仔紙板就要求合照..............
媽媽希望你下次見到大隻版都可以同佢o地合照啦
同媽咪自拍一個啦~~~~
我們星期六中午時分去又唔算太多人............所以芝士餅都可以係 d booth 到行下 / 玩下
可惜我唔企/行得耐, 所以只能走馬看花
唔可以好仔細貢去發掘每個booth有乜平靚正好o野
之不過, 行下坐下聽下............我們都由原先target 個幾鐘變o左行成三粒鐘
而且仲洗o左成三千幾蚊
(貢我係唔係應該慶幸唔係行得耐............如果唔係更加血流成河)好, 睇下d收穫先~~~~~~
呢間專賣crayoloa產品o既booth, 我去年都有買
佢個零售價已比出面平, 而書展仲有extra discount
所以我又買買買, 呢到都買o左$4xx
老公睇中朗文呢套點讀筆, 話幾好喎
貢套書$2xx, 枝筆又$5xx 唔算貴, 所以又敗了佢o既story book series 返來, 貢day time冇o野做時都可以叫工人姐姐陪讀
而且將來細佬佬也可以接收
另外又買o左d習作簿俾芝士餅, 包括貼紙, 油顏色, 畫下線貢 (平均$1x - $2x/本)
本貼紙簿芝士餅勁like, 兩日已經玩完.............真後悔冇買多幾本tim ~
hehe, 好彩係兒童天地都見到甜甜本新書, yeah!!!!
另外又買o左本講幼稚園生活o既書俾自己睇下
今次洗得最貴係訂o左一年幼幼版巧虎 (~$2000)
其實芝士餅可能會適合年底推出的K1版
呢套O野其實我之前都想訂台版返來玩下, 但有關人樹話教自理, 禮貌呢D其實母語係最好
e家既然有hk版, 而且又諗到細佬佬之後又可以用, 所以都係訂o左先
行o左三粒鐘, 我已經好很攰...........所以即刻去了樓下茶餐廳hea陣先
wakakaka, 芝士餅知道Papa 買o左貢多o野俾自己, 即時sweet sweet PaPa
hehe, 雖則行o左貢耐書展., 但我們仲未返屋企
反而去o左XA屋企玩, 之後打埋邊邊先返歸, 呵呵呵~~~~~
