十年

【私人網誌】

因為大少奶嗰篇十年寫得好好

 

個題目真係一個好好既機會俾我反思吓......

呢個應該係我既黃金十年, 但又好似一事無成......

真的嗎 ?  無論點, 十年已過......

之前所有的經歷, 是好是壞, 都已經係我既回憶 : 好的, 繼續讓我細味 ; 壞的, 將佢埋藏, 盡量唔好再錯

好........去片, 我的十年:

 十年前仲可以叫細路女, e家就叫中女

 十年前身陳代謝好快 (食極唔肥), e家就好慢好慢

 十年前好瘦著S碼, e家要著L碼 (仲有中間肥胖症)

 不過十年都仲成日爆暗瘡

 十年前仲係無煩惱既大學生, e家係社會大學浸到老皮老肉

 十年轉o左4份工, 頭兩份做o左一年到....之後呢兩份愈做愈長

 十年前有野心想上位, e家就唔希望......只要份工安定, 人工夠, 有d野做同學就ok, 就算係potato都ok

 十年拍過3次拖, 試過失戀, 試過心痛既感覺, 試過因失戀日日以淚洗面......e家同一個曾經以為【可見既將來都唔會同佢拍拖】既亞仔就拍o左6年 (好希望我倆有無數既十年)

 十年前諗野好自己嗰邊 , e家懂得凡事至少睇兩面, 懂得諗o下對方想法

 十年前戀愛大過天, e家知道除o左愛人, 家人同朋友係我心目中都好重要

 做人亞Qo左, 開心o左

 繼續鍾意劉華........不過加埋古天樂, 偉仔同 Dainel

 就算唔鍾意個人都鍾意好聽既歌

 鍾意名牌、鍾意浮誇、鍾意買靚野

(不過希望來緊呢十年可以睇淡d)

 希望繼續享受人生

 開咗呢個令我覺得 開心既 blog

 以前唔覺身體健康既重要, e家覺得好緊要, 我要好好愛惜自己 

 廚房技術由 0 變 playgroup level

(希望來緊呢十年可以繼續升班)

 讀o左個master

 ......

(諗到就繼續加啦, e家個心想去街街呢)

十年人事幾番新, 唔知自己有冇响呢十年番過新

不過好同意大少奶話 : 「學懂珍惜同知足係十年來最大得著」

==============

雖然呢篇係【私人網誌】, 但唔洗【私人回應】啦