黑白照 @ 赤柱

上星期六同仔媽買完旗兩條友去赤柱食碗麵 (因為我o地唔想等要成4pm先放工既亞仔食晏)

仔媽介紹的會所軒是一間在美利樓附近的茶餐廳仔, 她很喜歡這裡的西洋菜雲吞

食飽我倆便周圍逛逛 .........天氣不是太熱, 而且仲有微風吹送, 爽!

真可惜那天沒有帶玩具, 只有 Nikon BB 跟身, 睇開 【G相館】的blog友都應該知道我很喜歡黑白照, 所以決定當日成批相都只係單色........

之不過........又係毫無特別/驚喜之作, 而且好多手震相, 所以不多作描述了 (究竟點樣先可以提高攝影技巧呢, 定係我天資有限?!)

到此一遊, 點都影吓啦.......

 

 

 

 

 <---佢好有 "哼"既態度

有人係樹影婚紗相..........乜要周街set頭化妝嫁?!

新郎同兄弟們悶到望海呢 ~~~

 

 

 <--- 新開的小店舖

 <--- 好nice的店員

 <--- 我愛的舊屋feel ~

 <--- 英語好流利的伯伯

 <--- oops, 太光了 =.="

 <---震震地既相

 

 <--- 有咩睇呢?! 

 <--- 自己比較喜歡的一張相

好想好想秋天快些來臨, 秋高氣爽, 可以多出去郊外行山同影相練習練習呢 ~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最近 Canon blog 攪既黑白.現.親情. 黑白攝影比賽, 我都好想參加啊 ~

之不過..........自問自己既作品貢屎, 又冇乜親情作品, 個比賽又快要結束

.............

善寧會賣旗日與《生死兩相安》

很久沒有做義工幫人賣旗, 對上一次已經是中學時代

噢.......好像十個世紀之前的事, 真冇良心呢!!!

今次幫亞仔姨媽當義工的善寧會參與賣旗

由於今年參與賣旗的義工人數大為下降, 所以亞仔姨媽邀請了仔媽幫手, 而仔媽亦問我有冇興趣幫手.........星期六我又冇野做, 出小小力又幫到人, 何樂而不為呢!

因為要捉緊上班時間, 今朝倒塔貢早(0645)便前往仔媽家附近賣旗

與仔媽由朝早8點開始, 只賣了兩個多小時便賣晒我們手頭上既旗(兩人合共約600支吧), yeah!!!!

感覺上比起十世紀之前既成績為好/快o左.......因為我好很主動出擊呢, 哼~

途人未行到我附近, 我已經駛出例牌

然後大叫: 『先生/小姐早晨 (就算係亞伯同亞嬋, 一律以先生/小姐尊稱), 請幫手買支旗呀』

見佢伸手入袋, 又大大聲聲叫: 『多謝晒多謝晒』

我覺得大部份既香港人唔係冇善心, 只係大部份人既心態係: 『你唔出聲, 我做乜要幫你?!』

所以今次主動出擊, 命中率大約有70%呀!當然有d人會以睇我唔到既心態掂行掂過、亦有d人見我貢而唔好意思話冇零錢、又或者望住個旗袋一面懷疑就行開o左......

不過, 有時見到D途人會自動自覺來買, 見我成貢又回報番一個, 又獲得婆婆既讚賞.......有位婆婆開頭走o左又番轉頭投入幾個硬幣入錢袋, 仲輕拍我膊頭說: 『你功德無量』........噢, 感覺良好!!!!

賣到尾聲, 我個錢袋已經重疊疊的, 右肩膀到現在仍酸酸痛...........不過, 用自己小小的力量幫到人已經心滿意足呀!

各位: 下次見到人賣旗請主動支持啊!  受惠人同賣旗人都會好開心呢

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

交還旗袋之後, 善寧會送了感謝狀, 一本書和一枝道X綠茶(幾好bor, 之前好似乜都冇)

呢本書《生死兩相安》係一本圖文集, 由各善長人翁助印而免費派發, 至今已第四版了.....由攝影大師葉青霖拍攝圖片, 並輯錄了四十位不同界別人士分享面對死亡的經歷和感受 (如陳志雲、鄭裕玲、陳敏兒、林燕妮、了一法師、神父、牧師......)

我未睇晒本書, 只睇o左幾篇.......不過相當不錯呢

節錄書中其中一散文既金句:

 『....不論生命是長是短, 都有其價值...............生死無常, 生命有限, 更應珍惜現在擁有的一切, 活在當下, 欣賞及感謝此時此刻的人和事........好好活著, 追尋人生的意義』

 『....為自己安排臨終及離世後的各項事宜...........也讓家人平安地活下去......』

 『....「多謝, 請原諒我, 我愛你, 我寬恕你, 再見」, 這五句說話, 不要待到最後才說出口, 就在今天仍能在世的時候向所想的人表白, 珍惜大家彼此相處的光陰』

 『....讓人生的終結都能畫上完美的句號』

大師級的圖片已經漂亮, 配合旁邊的字句.........so good!!!

各位香港人............放下爭辯, 原諒身邊自覺對你不是的人吧!!!!!

嘻嘻, 既做了善事又獲益良多, 同翟志剛一樣, 感覺良好啊, 呵呵呵~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

善寧會以「天為生命定壽元，人為生命賦意義」為理念，致力推廣寧養照顧，提供善別輔導服務，並開拓有關之專業培訓課程。透過社群教育，倡議珍惜生命、平和面對死亡、活出積極人生。

7年之旅 @ 海泉灣 x 馬交

呵呵呵............慢版G又出舊blog啦

呢篇係我同亞仔慶祝手手日7周年既海泉灣 x 馬交兩日一夜之旅@8.17-18

好難得亞仔可以請一整天假陪我啊~

原先我好想去盤龍峽嫁, 果樹有個薰衣草田可以俾我

可惜亞仔要最後一分鐘先結實到請唔請到假, 各大旅行社既盤龍峽兩天團都滿晒額

結果我o地就報o左中旅既海泉灣 x 馬交兩天團

個朝倒塔貢早(@06:45) 係火車站集合搭巴士上中山 =.='

行程第一站參觀生物谷, 亦係唯一既sell野時段

呢團人一家大細, 有老有幼........佢o地都買o左好多靈芝包子同田七; 而亞仔都買o左呢個磁貼 (不過唔知佢有冇用過呢)

之後當然去食7餸一湯既團餐...........我o地仲加$$加o左隻石岐乳鴒, 不過味道一般

亞仔飯後係飯店外買既小菠蘿.........好硬唔好食

 

食飽飽就坐車入海泉灣

 

  

  

領隊安頓好我o地就帶我o地入呢個海浪公園 x 老鼠城堡A貨版既神秘島

我同亞仔玩O左鬼屋, 而佢自己就再玩埋過山車, 本身佢好想玩水車, 但我怕怕呢=.=

晚餐就係神秘島食BBQ buffet, 個view幾好嫁...........只可惜個日好很熱

, 之於個buffet, 食物種類唔算多, 味道呢...........ummm 以團餐來講都可以啦~

 

 

 

 

 

飯後行o左陣.......多美的天色啊~

之後就返房hea一陣, 大家睇我o地間房都ok啦~

 

另post充滿奧運氣氛既酒店大堂

 

晚餐消化o左一大半就去佢個溫泉區樹玩.......果樹有百款溫泉, 例如 : 紅酒, 咖啡, 牛奶, 靈芝, 人參......另外有兩個加錢既我o地都有玩, 第一個係仿日本倒d黑色砂係個身焗15分鐘..........我個feel好似俾人活埋貢, 焗o左10分鐘已經叫; 另外一個係俾d魚仔食自己d死皮...........個feel好得意, 但又有d痕, 所以我只敢放小腿落個池到, 如果你唔郁, 好快d魚係就會圍住你對腳食死皮..........我見有個男人俾過百條魚仔圍佢下半身

雖然我o地玩o左兩粒鐘, 好多池都未玩晒就要閃, 因為我o地同領隊訂o左隻泥堀雞要12點之前拎走, 所以雖然個溫泉區可以玩到2am我o地都要閃 ~

不過...........隻雞的確好美味啊, 我o地兩個唔屎5分鐘就攪掂晒佢 (隻雞好似80蚊人仔)

第二日訓醒就先去食早餐 (都ok啦)......食完又訓過旦check out, so  呢!!!!

離開海泉灣就去食團 lunch, 由於呢餐係自費, 所以味道都ok. 之後就經拱北過馬交自由活動, 過馬交當然又去威尼斯人搵外快啦..............可惜, sigh~

除此之外, 當然又係食啦, 先來誠昌水蟹粥 & 肥鱔

 

之後係添發魚翅 & yummy 豬腳薑

 

最後食埋杏香園既甜品

 

 

 

玩到11pm就搭船回港, 是次海泉灣 x 馬交兩日一夜之旅又完滿結束 ~