家好月圓煮飯仔

嘩.........我呢個 "G廚房" 巧耐冇出品啦

其實我上個月8.23都有煮O左一餐飯既........有扇貝, 有咖哩雞翼, 有炒菜

可惜...........味道痳痳, 睇見D相都唔想post =.=

星期六, 亞仔開到口想我煮飯仔佢食 (因為仔媽仔爸又出trip-ing呀)

但我一口拒絕o左............

因為我離開私竇都成7PM, 去到亞仔樹, 買埋餸, 煮埋 (以我速度), 好可能係食宵夜啦, 況且去完亞蓮樹通常都唔屎再食野

所以雖然星期日病病地.....

我都決定

俾亞仔食

同亞仔去食晏, 我o地就漫步街市買菜 (好喜歡同亞仔一齊行街市啊)

上次整曾獲亞仔好評咖哩雞翼煮衰o左, 今次真係不容有失啦

決定整係亞仔面前未衰過既洋蔥豬扒

呢個洋蔥豬扒係跟亞蘇既教法煮既 (因為亞仔屋企冇蛋, 所以冇加蛋白醃)

我雖然唔食洋蔥, 但佢炒出來好香啊, yes

買o左兩塊大一塊細既梅頭 (因為我自己唔想食太多), 點知太好味啦, 我o地唔夠食啦...........亞仔仲埋怨話: 整得咁好味就買多幾塊啦~~~

另外煲個愛茄薯仔牛蹍湯, 因為會食埋d料, 所以加埋紅蘿蔔, 豆腐同栗米呢

 

好有料好甜啊...........

仲有半煲留俾亞仔星期一晚放工飲呢

雖然呢餐飯只係一餸一湯, 但係亞仔俾100分我啊, 呵呵呵

飯後大家各有各睇.........我睇家好圓月大結局

而亞仔就睇車仔大戰紅魔鬼

好普通同簡單既假日, 但我卻好relax, feel so good

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

p.s. 打呢篇野既時候剛睇完亞蘇既 "蘇 good"第一集......ummm, 個感覺好似睇緊有線既 "一粒鐘真人蘇" 啊!  係TVB都會見到聰明人同泰山!!!!!!!!! 不過, 作為佢既die hard粉絲, 我係會繼續睇支持佢呀!!  睇片頭, 佢又教日整豬扒呀, 我又可以 re-cap 多一次啦, 呵呵呵~

另外知道大少奶本【大少奶的自悠煮意生活】就快出版, 真係好熱切期待呢

因為我一定要參考佢既食譜煮飯俾亞仔同大家食, 仲有要參考圓圓整蠱大少爺既生活情趣呢

睇o左佢少少版頭都覺得成本書好靚啊, 希望可以快d到手啦~

各位bloggers, 你們都記得買番本啦