亞茄慶生會 @ 私竇

琴日係同 Dancing Queen Karen (亞茄) 慶生既大日子

地點當然又係我o地既鐡竇 -- 亞蓮既私竇

今次既主題係自由........係地們.......係美國

美國食品..........

令我想起地們菠蘿同美國雞肉腸既cross over, 可惜..................

........

我知...........

如果我整呢樣食品上去, 我既下場會係好恐怖嫁

為o左來緊我既日子都係開開心心

我決定去買來自美國既老麥wing 

而其他人當然有心思啦, 去片:

主角亞茄既愛心生果盆

菇-be既愛茄肉丸

Minicorgie既 chicken caesar salad + 尢魚媽既非常yummy燒肉

 

鄉下人既Double 芝士焗薯皮 & 焗傻仔片 (亞堅版本)

 

飛飛既什菇忌廉湯 (又一yummy之作)

Tan Tan 既 nachos

同埋圓圓既焦糖果仁 Gateau chocolate (以下係大少奶官方圖片)

嘩........d 焦糖果仁係極度好味啊~~~~真係好好味啊~~~~~~~~

我o地班餓底一旦主角吹熄蠟燭, 就即刻快搶d焦糖果仁來食

結果靚靚既蛋糕變成貢..........之但係味道一流啊

唔知大少奶來緊出果本書有冇教點整呢? 如果未有, 強烈要求下一本著作要加呢個食譜啊

飲飽食醉又係玩樂既時間啦 ~

今次又玩 pictionary, 由少至大冇乜畫野天份既我當然俾人assign去棄嬰組啦

 

 (相片來源: 大少奶)

呵呵呵..........d terms 真係好很難畫啊 (上圖係我畫既 "母親" 同 "總統" 啊, 哇哈哈)~

不過冇所謂啦, 志在參與啫

亞蓮既私竇的確好relaxing, 係一班朋友圍hea圍食圍玩圍傾既好地方 (亞茄 : 見唔見張相好多粒粒貢, 我呢張相set o左 1600 ISO呀.........所以多o左 noise)

 

不過好奇怪, 每次去亞蓮樹, 總有人會病

今期就輪到我 =.='

未上去之前已經有 d d 喉嚨痛, 食埋d脆喔喔兼 hyper完

今朝個喉嚨直情on fire 啊, 嗚嗚嗚 ~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

亞茄 :

 <--- 自己整唔到就送住呢個俾你先啦

祝你生日快樂, 身體健康, 日日同水人都開心又sweet啊 ~

希望我同TanTan送你既禮物令你同水人都歡歡喜喜呀 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

題外話 :

我今次冇用Canon大機, 只係帶o左 Nikon BB去影相, d 食物顏色好似sharp d 呢......唔通真係好似d人貢講: Nikon影景好d而Canon影人好d