Lunch @ Gough 40

同舊同樹K每個月至少一次相約食 lunch, 由於佢成日都會睇 openrice 搵食

所以我們次次都會試新野, 大大話話都可以再出多十幾篇呢 ~

懶得摷之前既舊相, 就post番最近去食既 Gough 40

呢間野間唔樹都影到d artists 去食, 最近就係BoBo同佢男友既家人食飯

 

其實間野唔算大, 大概有4張4人 & 4張雙人枱; 出面都可以坐既, 但大熱天時, 相信都冇人坐出面同陽光玩遊戲啦 ~                                                            

 

 

放棄了沙律而揀o左南瓜湯, 配香脆多士, yummy yummy ~~~

 

主菜叫了燒春雞同牛扒 share 來食, 我們都覺得燒春雞好入味, 反而個牛牛就overcook了點 (但味道都可以的呢)  ~

 

 

再order了個蘋果批share來食, 都好味, 只係上碟個presentation就失色o左d ~

最後再來杯coffee, 是次每人around $ 150 ~

出年呢位舊同樹要搬office, 來緊既日子, 我們把握機會要再試其他新野啊 ~

糖百府

聽了它的名字已經有好一陣子, 最近佢係西灣河開了分店

見冇人龍, 就同仔媽入去食吓, 叫了佢都like既coffee姐味  

個味道好濃好正啊 (自覺比金滿堂同石磨坊好味), 底吓既丸子同紅豆都好yummy ~

大熱天時, 入去食呢個好爽啊 ~

下次再去食, 我想自己配搭呢

Lunch @ Gvsto

又來回顧中環美食既時候啦 ~

早陣子一個禮拜有兩日去o左呢間意大利餐廳食lunch                                      

 

 

  

一次係for同樹A既生日飯, 另一次則係與中環鐡腳同學仔食晏

前菜係semi-buffet形式, 做得相當不錯, 唔屎戒食的話, 齋食 parma ham 同煙三文魚都回本啊, 呵呵呵 ~

 

 

主菜我第一次揀墨汁大蝦意粉, 自己覺得個意粉口感硬o左d, 但第二次去有兩位友人叫又話好彈牙 (well, 可能口味真係人人不同啦)

第二次揀檸汁煎三文魚 (冇影相), 但呢個煎得好嫩好滑, good !!!!

另外同樹們 order 既 main :

 

 

 

甜品又係 buffet 形式, 我唔敢多吃啊 (第二張係影同樹拎番來既甜點) ~

 

飯後一杯勁濃既咖啡 (自覺太苦了)

總的來說, 我們覺得佢既starter比main出色, 是次每人約 $200, 可以食都極飽, 都可以一試呢 ~

呢間野仲有個high tea, 早排 promote 只係 $68/位呢, 佢個 high tea 架好型嫁..........可惜冇乜假淨, 今年應該唔可以try啦 ~

沖破平台期 ~

唔知各位記唔記得我早陣子公司好忙, 個人好攰, 又係減食珍珍既情況之下瘦o左十磅呢 (唔記得........按此啦) ?!

之後, 我雖然努力實行一半政策 (即食所有野都只食一半)

但係, 磅數都冇乜點變.......相信我同欣宜一樣步入o左漫長既平台期

呢個時間, 其實應該要抽d時間去做運動既

可惜大日子迫近, 可以早放工既日子就會係我出去食街飯派帖-ing ~

噢 ~~~~~

心諗 : 算吧, 唔再減lu , 齋keep瘦o左果十磅吧 (因為成日都冇飽飯食已經好辛苦呢)

點知琴日上磅

.........

...

..

我居然又瘦o左喎!!!!!!!!!!!!!!!

.....

..

.

我總共瘦o左16磅啊, e家呢個磅數已經起碼4/5年冇見過呢 ~

既然係貢, 我就再努力埋佢啦, 只要瘦多4磅, big day 之後可以就食番珍珍同步飛啦, 因為有10磅buffer ma, 哇哈哈!!!!!

GPA 飛機帖

由8月中開始, 我就開始相約不同既朋友/同樹派帖

係可以既情況之下, 我都想盡可能同佢o地見一見來派帖 instead of 寄俾人

因為當日都已經唔可以同他們多多傾談, e家仲唔吹多陣水, 到時真係招呼唔到啊 ~

講開帖, 旦我post我張飛機帖俾大家睇啦, 你o地睇 : 我們個 logo 啊  ~

呢張帖係經網上既 Rie Designer 整既, 佢係 freelance 人, 所以所有溝通都只係via email / 電話, 不過佢好好人, 由於經佢印帖係唔包信封既, 佢好好人介紹了我去金都買 $1/個既信封

另外又寄了d sample 卡仔俾我睇紙質, 而且佢永遠24小時內回email, service的確唔錯呀!

呢張飛機帖曾經出了一段插曲嫁, 就係老媽覺得佢不倫不類, 佢要求自己派果d要重印傳統果d, 後來好在家姐姐幫口, 事情先可以戲劇性告一段落咋 ~~~~

So far 我派o左一排, 大家既comments都話好特別, 好靚...........好彩咋, e家個心都定d, 如果唔係老媽又會 e-e-or-or 啦 ~

帖面                                         

帖底                           

用我們既logo印出來的貼紙                                  

同場加映:

係咭片皇印既 location map (本來想自家印, 不過一來懶, 二來佢又唔貴 $1/張, 三來出來既效果的確幾好啊)

 

Tea Buffet @ Holiday Inn

發覺自己原來處於戒食期都食o左幾餐 buffet / semi buffet

唔通朋友們想考我既忍耐力 ?!

較早前去了  Holiday Inn 食 Tea Buffet, 為的是佢 promote 既 HD 雪糕

可惜當日係 Aunite Day, 個肚唔生性, 我只係食o左 3 小球咋 ~

佢好多熟食我都冇乜點食, 甜點都係..........

一來唔多吸引, 二來 lunch 既時候食o左我至愛既 Pepper Lunch

所以呢餐唔敢太放縱, 真係好似食tea貢食咋 ~

 

 

 

  

 

 

因為有 coupon, 所以位位 $160 左右............well, 唔吸引, 要俾錢的話應該唔再來啦 ~

手手飯 @ 海鮮站

我比較喜歡出 "飲食" post 啊, 見到 d 相好似再食過貢 (唔通呢排成日冇飽飯食有關?!)

旦我出番上次同亞仔手手周年既 "呢典"

尊登帶了亞仔去海鮮站食蟹, 雖然唔係上次叫既麵包蟹, 不過都好味 ~

 

 

亞仔叫的生蠔, 不過唔係珍寶蠔, 亞仔唔太like ~

 

中蝦沙律............好食o左幾口已經開始有d飽 ~

再來賣飛佛既龍蝦湯, so yummy ~

亞仔既中式燉湯 ~

呢個 "bu" 酒鮑魚, 個汁甜甜地好好味 ~

呢餐連枝啤酒約 $420, 抵!!!

Dinner @ Flying Pan

呢排雖然處於戒食期, 但仍然不斷出去食街飯派帖-ing ~

上星期約了舊同樹, 本來想去灣仔既 Tony Roma's, 可惜 full booking

於是轉o左去呢間 24小時既all day breakfast小店 (見openrice 既 comments 都ok )

 

樓上鋪, 環境都可以呀 ~ 而且唔多人, 我們坐o左4粒鐘都冇人趕  

 

 

5個人, 一人叫了一份廚師推介........有牛有雞有ham有魚, 不過面頭既蛋同汁係一樣, 影出來都好像差不多 ~

每份set既兩款配菜係任選既, 而且仲有杯細drink ~

 

 

 

 

 <---唔好飲既 mango juice -_-

隻蛋蛋味道的確唔錯呢, overall 以 $6x - $7x per set 來講, 可以呀 ~

吹o左幾粒鐘水, 我們再叫了格仔餅作甜品, 佢d honey 唔太甜, 我愛呀 (不過我只食了6格咋, 我真係數住來食呢, 陰公)

是次每人約 $86, 坐4粒鐘, 仲有免費 wifi, 抵啊 ~