智樂遊戲萬歲日2012

2012.11.18 (星期日)

雖然仲有好多舊blog想清, 但又身痕想同大家分享d新o野

剛剛的周日帶o左芝士餅去中環遮打花園玩玩 ~

之前係FB d 親子fans page 見到介紹, 雖然有d興趣, 但原先約了朋友下午去佐敦谷公園所以就冇打算來, 點知當日早上朋友告知佢囡囡唔C服所以要cancel個gathering..............於是我就帶芝士餅近近地去中環玩返轉啦

智樂Playright呢個團體o既信念係深信遊戲係開啟兒童潛能o既鑰匙, 係開創未來的動力!

所以佢o地為o左提高各界對兒童遊戲的關注, 呢日就搞o左個年度大型活動, 設置20多個遊戲區, 與小朋友群起遊戲, 為遊戲歡呼, 為遊戲慶祝！

個mission貢正, 而e家又有時間當然要Cheers for Play 

今次佢o地分o左海陸空23個攤位俾小朋友玩啊~

去到先來個熱身:

其實我好有興趣同餅玩呢個《磚牆特工》, 平時小朋友真的好少接觸呢!!!

可惜我呢個怪獸媽咪唔捨得芝士餅件新衫同新鞋第一次著就整污糟晒   下次再來玩一定唔著新衫先得 ~



呢個《街頭Graffiti》見有圍裙又輕鬆d, 當然go go go 啦~



哈哈哈, 又似模似樣..............仲識去counter換顏料呢~



呢個《魚樂無窮》即係釣魚, 我呢個媽咪手眼好不協調呢  

釣o左好少咋~



呢個《人力渡船》原先個concept係要小朋友自己拉去對面岸, 但芝士餅太細了, 唯有我呢個媽媽幫幫手~





下一站係《滑浪新天地》, 用d木門+ 門握位整一條路俾小朋友高高低低貢行, 練下平衡力幾好啊



呢個《海草異域》其實係吹bubbles + 風扇 + 綠紙條, 但好啱餅玩~~~



《潛水兵工廠》比較靜態d, 係坐定定decorate個紙製潛水鏡



來與媽咪和潛水鏡拍一個~



《Snug & outdoor》係玩d大肌肉訓練o既活動 ~



開始愈來愈多人呢, 我見有d 攤位開始有人龍 or 太過 "冷" 地 or 太激 (say 小朋友係車胎入面滾筒碌), 所以我們就冇去排~

不過見個《彩虹滑道》太正又啱餅玩, 係放小朋友係浴盆然後好似滑梯o既鐡通sir落來, 所以超長人龍都排o左玩 (不過呢part我拍片呢)



由於《彩虹滑道》太長龍, 中間叫姐姐幫手排隊之際我仲可以同餅玩埋呢個《熱氣球升空》, 即係DIY用d膠紙, 飲管等材料整個熱氣球呢~



最最後, 排埋呢個《觸得到的星空》即係由貨車上跳落來 (放心有好厚的mat), 中間有條繩吊o左d 星星, 睇下小朋友觸得到幾多粒..............hehe, 芝士餅觸到一粒啊~



貢都玩o左成2粒鐘啊, 芝士餅都好開心呢...............之後我們便去搵Papa食late lunch lu ~



智樂d攤位遊戲o既材料全部都好簡單, 好樸實 (e.g. 紙皮, 膠袋, 膠紙, 木門, etc) , 唔似playroom 好大型好fancy個d遊戲設施

原來智樂之前係佐敦谷公園推出了大自然遊戲基地, 係以天然資源及環境地勢靈活運用, 希望大小朋友玩得自然，玩出自然趣味!

又係一個好正的concept啊!!!!!!

好彩佢o地出年1月26日同3月3日會再encore, 我已經記低日子預備帶芝士餅去玩啦~

今次一定帶備衫褲去換, 要盡情去玩玩玩!!!!!!!

你們有興趣都可以去參加的, 免費啊...........即場任選任玩~

資料可參考:
http://www.playright.org.hk/upload/playright_common/oct_2012_link/envt_play_base2012_13.pdf