芝士餅返o左7日學啦!!!!
由於我們係插班生, 學校唔安排家長陪上堂, 所以一開始我們都冇得入課室了解上堂情況
芝士餅日日入去果o下都有喊啊, 不過..........出來果o下就笑o既
其實我有少少估餅唔到嫁...............因為佢之前上pg or trial class 自己上都ok, 所以我以為佢唔會點喊
估唔到返o左7日, 7日入去都喊......有2日係屋企仲話唔著校服唔返學
不過班主任話係正常o既, 佢話芝士餅唔捨得同我們分開
而我唔係半日安就係利用lunch都去地鐡站meet芝士餅送返學
開頭返1粒鐘我仲就接埋餅先再返工tim
不過返o左3日之後就由1小時轉為2小時
由於老師話芝士餅雖然有喊, 但愈來愈快收聲同次數都愈來愈少
所以都叫我們下個禮拜開始可以返3粒鐘啦
So far 我對學校, 對老師都感覺良好o既............
放學如果我接都會同我傾幾分鐘芝士餅o既情況, 如果唔係我接又會打電話俾我
另外從老師到知道芝士餅間學校原來一星期有3日英文, 2日普通話之外, 仲有1日日文呢~
我一直以係讀國際班先至有日文讀tim
雖然一個星期先得一堂, 貢有都總好過冇啊~
每星期都有d親子習作做下貢.........上星期芝士餅學o左ice-cream同個「手」字
而啱啱o既星期五, 係學校舉行兩個月一次o既生日會啊!
生日會當日唔水著校服同埋返兩粒鐘咋
今次生日會係for10月同11月o既生日之星, 即係芝士餅有份呀............
返去同老公思前想後, 我們決定放棄另一間幼稚園o既interview而參加返學校o既生日會
因為如果就算餅繼續讀e家呢間學校上K1, 下次有佢份O既生日會都要係等到出年 (即係來緊生日會只係同人慶祝)
而且老公話就算in成另外一間, 佢都prefer stay係e家呢間到 (因為大家都冇學券, 仲要遠d), 不如俾芝士餅開開心心去參加學校的生日會啦啦啦啦
p.s. 上星期已收到學校留K1位通知, 我們除了交o左$, 呢日仲寫信申請埋讀上午國際班呢~
沒有留言:
張貼留言