家長日

呢兩日都係芝士餅學校的家長日

昨日第一次以家長身份去學校見老師了解芝士餅的學習進度

請了半日安去, 心情o既興奮又剪張

入到去, 老師先解釋由於芝士餅係插班生關係 (去年11月才入學)

所以暫時唔會提供評估報告同學習進度報告

不過老師俾o左個sample我睇, 個學習進度報告好精美

會影低小朋友課堂生日點滴, 老師又會紀錄小朋友的big achievement

呢d東東, 小朋友大個或者我老來拎來睇都真是令人回味呢

可惜芝士餅要下學期才有........

之後老師就同我傾下芝士餅的學習進度

好感恩老師對餅的評價基本上是positive

芝士餅由初初坐唔定同唔識守規矩, 到現在成了一位受教小朋友

呢兩個多月的學校生活的確令芝士餅有所進步 (even 我見她上Miss HoHo 堂時也定o左d ~)

老師說, 芝士餅是活潑型的小朋友, 喜歡唱歌, 跳舞, 做運動, 也喜歡主動同小朋友玩

而且她肯坐定定的比率比之前好好多, e家隻臭餅周身郁想起身, 老師只要望下佢, 佢就會乖乖坐靚靚 (umm, 老師的魔力真厲害!!!)

不過老師就她性急同粗心大意 (呢兩點好似我啊!), 有時叫佢做o野總會甩漏, 有時即時做唔到d o野又會忟.......幸好好仲受教, 所以老師話俾d耐心教佢, 佢都肯去學番~

另外, 老師就叫我們看看如何培養她畫畫興趣..........因平時上堂, 叫芝士餅畫畫, 她永遠只畫兩下就話畫完, 老師再鼓勵她, 她又只是晝多兩筆only~

之前有朋友都叫我考慮再餅去學畫畫, 因為佢囡囡學o左之後由坐唔定變為好肯坐, 而且專注力也好o左

既然老師都有similar comment, 我同老公都決定先帶餅學畫畫先, 遲d先再上音樂~

而我問老師, 平時茶點時間芝士餅肯唔肯食 (特別係星期三食熱o野).............因臭餅在家中仍然要半餵半自己食少少, 又成日話唔食

老師說她好肯自己食, 亦都會食晒.........可能因為小朋友互相影響............sigh, 貢我係屋企點可以令臭餅貢自動自覺食呢, 真激屎 

any肥, 好開心呢兩個幾月o既N班生活可以令芝士餅有所得著, 看見她每日放學後的happy face, 相信她的N班生活是開心的~

明白每上一年級, 學校生活的快樂指數就會就會向下調 (現實就是如此無奈!!!)

呀Q o既我唯有諗, e家得快樂時且快樂吧~

祝願芝士餅你繼續天天快快樂樂上學去