富甲天下

作為打工仔, 呢期真係人心惶惶

早兩日聽到呢首歌, 好應景

只識search歌詞同大家分享 (可以既話, 大家教吓我點post d 音樂出來啦)

= = = = = = = = = = = = = = = = = = = = = = = = = = = = = = = = = = = = = = = = =

歌曲: 富甲天下
主唱: 農夫

作曲：DJ Galaxy
填詞：6 Wing, C Kwan
編曲：DJ Galaxy

落雨也不怕　落雪也不怕
落雨也不怕　落雪也不怕
落雨也不怕　落雪也不怕

富不過三代　窮不過三代
富不過三代　窮不過三代
富不過三代　窮不過三代

有小超人大超人有個中超人
有六叔有四叔仲有個五叔
我習慣叫佢做中五叔
因為佢讀完中五就已經冇讀
佢天不怕地不怕　駛乜怕經濟差
老細炒魷一於當俾自己放假
金融風暴　佢話特別涼爽
海嘯襲港　佢走去大浪灣度滑浪
沙士一過　五叔就娶一個護士
毒奶搞掂　就即刻生返兩個bb
有對兄弟又累兄弟
累到公司倒閉又大執位
但係人一世物一世
做乜鬼要船頭驚賊船尾驚鬼
天跌落　都當係玩泥沙
落雨當淋花
五叔話　乜鬼都唔怕
已經係富甲天下

富不過三代　窮不過三代
我過街睡袋
富不過三代　窮不過三代
我買過間屋對海
富不過三代　窮不過三代
哪怕個天塌下來

有小超人大超人有個中超人
有六叔有四叔仲有個五叔
我習慣叫佢做中五叔
因為佢讀完中五就已經冇讀
佢讀得書少  但係冇有怕
淨係識一句英文會話  it doesn’t matter
銀行擠提  佢仲排條隊隔
搵個入錢櫃位  仲撩埋女仔
經濟低迷  佢話人生在世
無所謂高低  最怕係無Ladies night
千金散盡過大海
本來無一物  何處惹塵埃
佢寧願要李嘉誠個髮型
唔情願要佢戶口九個零
十個有九個都唔明  都唔化
五叔話  it doesn’t matter
咁就富甲天下

富不過三代　窮不過三代
我過街睡袋
富不過三代　窮不過三代
我買過間屋對海
富不過三代　窮不過三代
哪怕個天塌下來

落雨也不怕　落雪也不怕
It doesn’t really matter
係得返呢D rapper
仲同你嘻嘻哈哈　嘻哈
嘻嘻哈哈你就富甲天下

落雨也不怕　落雪也不怕
It doesn’t really matter
係得返呢D rapper
仲同你嘻嘻哈哈　嘻哈
嘻嘻哈哈你就富甲天下

富不過三代　窮不過三代
我過街睡袋
富不過三代　窮不過三代
我買過間屋對海
富不過三代　窮不過三代
哪怕個天塌下來

= = = = = = = = = = = = = = = = = = = = = = = = = = = = = = = = = = = = = = = = =

之前個市升得過份地快, 通貨膨脹得太厲害

現在又跌得如此這般急, 全球性的經濟衰退

幾時先可以止跌回升呢 ?!

現在既政客過份偏激; 政府政策又如此不濟

好怕好怕香港既經濟會好似日本一樣.............

十多年都係一池死水, 唉~

如果個市一直貢插落去無底谷, 咪會更多人被栽?!  市道咪更加靜......

雖然我份人成日笑, 但骨子裡係一個諗野好灰既人

我知道好多野人算不如天算, 好多野唔可以想太多太遠

之不過.........sigh ~~~

好怕好怕啊......來緊人生大計都要再評估過呢 ~

不過, 聽完首歌都可以放開煩惱...........................................幾分鐘貢多啦 ~

大家要繼續努力啊!!!

今日早收工睇台慶, YEAH!!!!!!!!

長話短說

嘩.........睇番先知原來我已經潛o左水

成兩個禮拜 ~

 

呢排既心情同坐過山車一樣, 係

之下, 塊面繼續爛到似火山啦 =.='

唉........唉........唉........ (係我呢排常用既感嘆詞)

長話短說........旦我好快貢記錄下呢排發生o左d乜乜物物啦 (因為我冇時間再寫番啦) :

 11.8; 11.9同11.11出席o左3個婚禮, 其中一個婚宴唔止豪, 個新郎仲整o左好多野lum新娘子呢.......一句講晒, 估唔到個新郎 (即我同樹)平時唔聲唔聲, 原來貢多鬼主意同貢有米呢!!!

 11.8去了繼姐屋企玩炸物, d食物好yummy啊, 繼姐個kitchen好正呀, 可惜我要早閃食唔到好想好想食既crunch cake呢 (詳情請去大少奶個blog啦, 按此)

 11.10 慶祝蝦吉畢業同飛飛, mini & 菇-be一齊影靈異相 x 九龍城畢業飯@小曼谷 (又平又好味啊)

 路過都見到既大少奶 & 甜甜, yeah!!!!! 多謝大少奶同大少爺送既物品同食品, 好啱洗啊~

 H&M x Comme des Garcons ..........噢, 原來d人排overnite呢, 放工7pm去到得番水尾既貨式, d質地仲唔太好........都好, 留o左既$$$可以用來買其他野, 哼 ~

 經常性去探訪亞仔既侄女 Ali mei, i'm lovin her, 呵呵呵 ~

 係公司既地震期,感激各位係我呢段驚慌期send俾我既sms, 電話同喵喵問候啊, 特別係"我們這一家"啊, 冇o左你們, 我呢排都唔知點挨 ~

 唔該晒呢兩公婆, 係我過o左危險時期就收到你們既電話通知有好野買, yeah!!!!!

 周末放縱: 又敗家啦 決定今年唔再買boots啦.......原來今季已經買o左5對boots, 噢!  不過好開心象腿既我都買到兩對套到牛仔褲既boots啊, yo~~~~

 Thanks Honey 女友 我好愛紅色蝴蝶結啊~

各位唔好意思啦, 呢兩個禮拜都冇乜爬去各位樹留毛, 希望你們都冇忘記我呢隻索G啦, 來緊既日子, 我上到網既話都會 try my breast (雖然冇乜) 去探大家嫁 ~

太空漫步行山樂

來來來..........又玩 playback 先~

10月19日相約大學同學一齊行山

由於巧耐冇行山 (上一次行山已經係5-1勞動節啦), 所以我特別要求行一條非常簡單既路徑 -- 約兩小時既慈雲山至沙田古道

當日條路徑的確輕鬆易行, 而且唔太曬, 巧ok呢 (不過景觀就一般o左d)

 

  

比較有小小特色既排坊 & 獅子亭  (因為起初選錯左右, 所以冇經觀音寺, 如果唔係, 應該多D野影)

 

 

 

D字貢濛............真係有樹要call 咩 number呢?

係爬o左一段好直既樓梯之後, 見到間士多就即入去啦 ~

唔知點解, 行親山見到山水豆腐花都想食.........呢間除o左夠冰凍之外, 唔算太滑呢 ~

又玩網外與網內人.....

 

噢..........如果唔係食O左豆腐花, 好想試飲啊 ~~~~

呢條路線當日有比賽呀~

 

途中休息的參賽者物件............有凡士林搽腳啊~

又繼續行程.........呢段路比之前行既石屎路同爬樓梯為C服~

 

 

 

 

行完............到終點站啦, yeah!!!!

 

呢張相.............只想表達光與影既自然配合~

希望來緊既秋冬繼續行多d山, 運動運動 + 影相影相啦 ~

-----------------------------------------------------------------------------------------------

p.s. e........好似貢耐都未寫點解我叫呢篇野做 【太空漫步行山樂】, 因為我買了新既爬山鞋, 由於我係大腳八, 著o左之後對腳好很大隻, 感覺就好似太空人貢呢, 呵呵呵~

一個新生命的誕生 (相片更新)

恭喜~賀喜~恭恭喜~

仔細佬係10月27日榮升爸爸啦 ~ YEAH

亦即係亞仔做o左人家的大伯伯

啊 ~

琴晚放工第一時間去探B女同媽媽

BB好肥好多頭髮啊 (係我至愛果type呢)

佢7磅15安 (即係差不多8磅), 係當日既 top one 巨B啊, so cute ~

 

媽媽產後都好精神啊 ~

在此祝願B女身體健康, 笑口常開, 聽教聽話, 孝順父母長輩, 咩都好好啦, YEAH!!!

以後我又多個B俾我玩, 又可以買BB衫啦, 呵呵呵 ~

 

－－－－－－－－－－－－－－－－－－－－－－－－－－－－－－－－－－－

後記：生命的確好奇妙......人由一粒米貢細既size係十個月又變成一隻粉團BB......之後又會識爬識走又曉叫.......大大吓仲會同大人頂咀, 噢~

回家途中, 發覺醫院出入既人心情係可以兩極端...........呢個時候又令我想起仙姐........做人沖沖幾十年, 何必大多怨氣呢 (雖然呢期既我受金融海嘯影響心情都down down 地).........唔得, 一向EQ唔差既我一定要保持我的亞Q精神, 要開開心心貢生活, 所有不如意唔老泥既樹都要忘記得一乾二淨, 哼 ~

－－－－－－－－－－－－－－－－－－－－－－－－－－－－－－－－－－－

更新 @ 1030 1:30am

阿里爸爸影既沙龍相啊, 捕捉好多好得意既表情呢 ~