08/09 索G預算案

唔經唔覺又一年啦, 舊年4月1日寫o左個 07/08預算案俾自己 (不過呢幾日 Y!Blog 停工寫唔到)

自己再睇番都覺慚愧啊, 大部份都實行唔到, 口爽爽, 大隻講啊  好, 來個回顧同展望先:

1) 讀書

 舊年話 : 响呢個半月要比之前努力100%

呢點初初都仲ok, 可惜讀完個master就泄晒氣

舊年年尾個FRM......(按此可以睇下果日究竟點考試)

e家我仲考慮-ing今年考唔考好呢......因為考的話又要洗萬幾蚊, 洗呢筆錢保證考到都冇所謂M......可惜唔係呢M......e家份工成日都OT, 而我又成日掛住玩, 掛住hea, 掛住陪亞仔, d時間已經唔多夠用M......好似冇時間同唔想讀

魔鬼既我當然唔想讀啦, 心想不如拎呢筆錢去旅行

天使既我就好想考好個試, 之後再搵過份高grade同高人工既工啦

2) 減肥

 舊年話 :來緊呢個Qtr 要減體重嘅5%

結果一d都冇減過, 而且仲肥 o左好多, 我e家成日都要著鬆鬆地既one-piece衫配褲, 睇落唔知個pat pat 係貢大ma ~

其實我今年的確比往年食少o左 d 零食, 不過我返而正餐食多o左巧多啊

今年 : 我仍然想減肥呀

3) 運動

 舊年話 :要响5月天開始重新向Physical 出發

可惜, 成年既會費又白俾啦......成年都冇去過, 今年4月完個會籍我都cut埋啦

其實我知道做運動身體確實好d, 精神d, 我e家追巴士兩野就喘晒氣

今年: 仍然希望做到的士咁多運動啦, 報o左工聯會既普拉蒂 (Pilates) 運動, 希望郁幾下都好過冇同埋希望今年行多幾次山啦, 舊年行得幾次咋陰公 ~

4) 扮靚

 舊年話 : 做mask 嘅次數要提升至一星期三次

好彩呢個都基本做到一星期兩次, 可惜......我仍然爛面啊 ~

今年仍然要keep on going 扮靚靚, 要keep young......

令自己好d, 令亞仔有face d…..

5) 買衫

 舊年話 :要budget cut 50%

呢點居然work到喎, 全靠賣飛佛designer Pacino Wan close 晒佢香港既業務轉戰大陸啊, 呵呵呵 ~

攪到買少好多衫呀, 係間唔中一件起兩件止貢……好耐冇試過一lot lot 貢hold衫啦

呢點要繼續落去啊, 加油呀!!!!!

6) 儲錢

 舊年話 : 要學習應洗則洗, 唔好成日亂買d無謂嘢~

的而且確係少買o左d “冇為野”, 但係買o左d貴野呀, 買親都要有品牌.............umm, 希望品牌 = long lasting, 貢買完都唔太心痛ma

今年仍舊要努力節省d d 啦, e家物價指數巧高企啊, 開門7件樹都加o左一大半啊..............但係人工又追唔到d豬肉價, 嗚嗚嗚 ~

寫blog真係好, 可以俾我回顧番自己以前講過既野作返思, 你o地睇我個人的確幾浮......唔單止浮誇, 仲成日口爽爽, set 定既target一半都實現唔到, 幾貢懶, 幾貢3分鐘熱度......真係自己都想打自己幾巴啊

~

不過 07/08 都有開心事 :

(1) 開心離開地獄做番個正常人

(2) 開心攞o左個丁

(3) 開心認識多o左朋友 (包括你你你你你你......)

(4) 開心愛上攝影

(5) 開心愛上間唔樹煮飯

(6) 開心同亞仔仍然相親相愛, 今年第7年啦, 會唔會有7年之癢呢 ~